تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 51

~لندن~
سانده راسها على كتفه تناظر للبحر تنطق: هدوء البحر من فوق كمان من أعماقه هادي؟
يبتسم آسر مايدري وش خطر ببالها مثل هالسؤال يرفع يده يضمها له ينطق:مو كل شي من برا هو نفسه من جوا
تهز راسها تنطق:مثلك
يرفع حاجبه بضحك:أنا؟
تهز راسها تمسك يده تنطق:انت دايم تحاول تخليني مبسوطه بس انت من برا غير عن جوا يعني في شي في داخلك ما ودك تقول لي عنه
آسر:ههههه تشوفيني كذا
تبعد عنه تنطق:لا تضحك بعدين مادري أحساسي كذا إذا ما ودك تقول عادي براحتك
يبتسم ينطق:تبين اسولف لك ، بس بشرط انتِ كمان تسولفين لي
تناظره تنطق:طيب
آسر:اول شي تعالي لحضني ما اقدر اسولف وانتِ بعيده عني
تضحك لورين تقرب له يحاوطها تنطق:يلا
يهز راسه ينطق: تبين تعرفين وش الماضي اللي ما قلته لك
تهز راسها تناظره يبتسم لها ينطق وهو يناظر للبحر: أظن لاحظتي ان ما كنت اقعد كثير في الديرة
تهز راسها تنطق:ايوا ، بس ليه
آسر: وتدرين اني رجعت لها بسبب طلب امي ، ما تغير شي عن قبل كل اللي أنا سويته عشان بس دراستي يضحك بسخرية ينطق:وش كان ردة فعل الشيبه طبعاً لا ما كان عاجبه ، تناظره تمسح على يده يكمل ينطق: مراهق كنت
بس وده يكمل تعليمه والمراهق هذا كسر كلمتهم كلهم وكمل تعليمه بجهد منه بدون أهل ولا احد كان يسندني غير علي اللي كان معي بكل وقت وما قصر معي
تبتسم من علاقتهم مع بعض هو وعلي تنطق: وش كان ردة فعلهم بعد ما رحت لحالك تدرس
يضحك بسخريه ينطق: وش تتوقعين اكيد ما تقبلوا
وكلهم معارضين على اللي سويته
تنهد وهي ذاقت اللي ذاقه أضعاف تنطق: بس انت ما رديت عليهم وكملت تعليمك
آسر: آلشي إذا بغيته أجيبه ما توقفني كلمتهم
تبتسم تشد على يده تنطق: احب شخصيتك
يبتسم لها يبوس خدها ينطق: طيب احبك
تبتسم تعتدل بجنبه تنطق: بعدين كيف قررت ترجع
آسر: اخترت رضاء امي وبسبب اختياري رجعت لهم وانحنيت له عشان دموع امي بس بتقولين مو المفروض ترجع رافع راسك و ليه اعتذرت
تبتسم تحاوط ذراعه تنطق: الاهم انك ما زعلت أمك لا تهتم لأي شي وان اعتذرت على شي انت مو غلطان فيه فهو بس عشان أمك وهذا المهم شوف انت الحين وين صرت محقق
ولك هيبتك
يبتسم من كلامها ينطق : نغوص؟
لورين: لا غوص لحالك أنا أخاف
آسر : افا تخافين وانتِ معي يلا قومي
تهز راسها بالنفي يقوم يسحبها من يدها تناظره وهي تهز راسها بالنفي تنطق: اخاف والله غوص لحالك
يشدها من خصرها ينطق: إذا تبين ضميني واحد .. اثنين.. ثلاثه
تصرخ  بصوت عالي من نط بالبحر وهي معه ترفع راسها ترمش بسرعه وهي تمسح على شعرها تضربه على صدره تنطق: حيوان
يضحك ينطق: مقبوله منك أنا حيوان
تتمسك فيه تنطق: لا تتركني
آسر:هو أنا اقدر أتركك
تبتسم له يقرب يبي يقبل خدها تحط يدها على ثغره تنطق: علمني السباحه
يضحك يقبل باطن كفّها ينطق: من عيوني

~~~~~~~~
عند البنات
كيان: مو كأنه بدري على الرجعه للديره 
ضي:كفاية أنا عاد مستغربه طولو القعده هنا
تنهد كيان: دامه آخر يوم لنا مع بعض جهز فعاليات لنا
رتيل: بالأول أنا ودي أشوف البيت كامل
تضحك كيان: تعالي معي
يطلعون من غرفة كيان تناظر الممر الكبير وغرفة بمسافة عن غرفة كيان تنطق: غرفة مين؟
كيان:أبوي
تهز راسها تمشي مع كيان تخليها تشوف الغرف كانت بتصاميم كلها من اختيار ملهم تبتسم رتيل تنطق: ماشاء الله ولا غلطه الغرفة تجنن
كيان: عاد غرفة مُلهم هي احلى غرفة بالبيت كله
رتيل بفضول:وينها؟
يطلعون من الغرفة يتوجهون لغرفة مُلهم تفتح الباب يدخلون كانت بارده بسبب التكييف تناظر الغرفة كانت باللون الأبيض والأسود وريحتها عود وعطر وبارده و صور له معلقه على الجدار ، تبتسم بإعجاب تنطق:مزيون وعليه ذوق
كيان: بروح أشوف أبوي واجيك
تهز راسها رتيل تكمل تناظر الغرفة بكل تفاصيلها تقرب للتسريحه تاخذ من العطر ترشه على يدها تستنشق ريحته تنطق: وانا اقول ليه ريحته حلوه حبيت العطر
تبدأ ترش منه تقعد على السرير وهي تناظر بصوره المعلقة تنطق: بالواقع احلى
تاخذ صوره من صوره تناظره تنطق:ودكتور كمان ، الحب من طرف واحد صعب ، كان واقف ويسمع كلامها وهي تنطق: مزيون ما عليك بس اكيد أخذ عني صوره اني مهبوله عاد شسوي مواقفنا تكون غلط تناظر للصوره تنطق: يعني أنا شوي مجنونه بس مو مثل ما انت مآخذ فكره عني
مُلهم بإبتسامه: وانا ما حبيت غير جنونك
يتنحنح تلف تناظره واقف ومتكي على الباب تبلع ريقها تترك الصوره على السرير تطلع من الغرفه وهي تركض تعض شفتها تنطق: خبله يا رتيل يقول الحين اني ميته عليه
تسكت شوي تنطق: وهو الصدق بس ما أبيه يدري ،ياربي لساني يفضحني دايم
تتنهد تمشي للبنات وهي للحين متفشله من موقفها
عند مُلهم اللي كان يضحك عليها يفصخ تيشرته وهو يناظر مكان ما كان جلوسها وصورته يبتسم يتوجه للحمام " الله يكرمكم" يتروش بعد دوامه ويريح