تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 27

.
علي:يمه اخطبيها اليوم قبل نروح لرياض
نوره:طيب
مشاري وهو يدخل ينطق:عساه خير وش تتناقشون فيه
علي:يبه أخطبها لي اليوم
مشاري وهو يناظر نوره:ويش يقول الخبل ذا من اخطب له
نوره:بنت عمر صجني يبيها ولا يبيها
مشاري:يصير خير نكلم أبوها ونشوف
علي:تكفى يبه اليوم
مشاري بحده:اهجد خلاص قلت بكلم أبوها ونشوف وأثقل شوي

ساره:مليت
رتيل وهي تظفر شعرها:أبشركم بتجي خديجة هي و ورعانها العصر
ساره:مين ذي
ابتهاج:هذي جارتنا معها خمسه ورعان ماشاءالله
ساره بصدمه:ماشاءالله خمسة
رتيل:وأزيدك كمان أعمارهم متقاربه يعني سته سنوات وتحت
ساره:تمزحين
رتيل:لا زوجها يبي ورعان كثير
ساره:الله يعينها وع
تضحك ابتهاج:قوموا نجهز القهوه
يدخلون المطبخ تبدأ ابتهاج تجهز القهوه وساره ورتيل يسوون الحلا يدخل طفل بعمر سته سنوات
يسحب ساره من يدها ينطق بنبره طفوليه:هي انتي ابي مويه
تلف له ساره تبتسم تنزل له تحاوط ملامحه تبتسم:ويلبى كيووت
سلطان وهو يبعد يدينها:وخري عني يا مره
تفتح عيونها بصدمه ساره تناظر رتيل وابتهاج اللي يضحكون تنطق:شفيكم ع كلمة مره تلف لسلطان:حبيبي أنا اسمي ساره
سلطان وهو يبعد من قدامها يناظر ابتهاج ينطق بنبره طفوليه:اشبها ذي عطيني مويه
تمد له ابتهاج كاسة المويه ياخذها ويطلع برا المطبخ
تقوم ساره بصدمه:متأكدين مو متربي ع يد ولد عمكم
ابتهاج بضحك:عيال الديره كلهم كذا يتعلمون من تصرفات الكبار ويتكلمون بنفس كلامهم
ساره:وأنا أقول ماهو طفل يجيب الكلام من عنده
وعد وهي تدخل ويحضنها بنت صغيره
وعد:مين عطت سلطان المويه
ابتهاج:أنا
وعد:خبله كب المويه ع الأرض وراح
ابتهاج:رتيل روحي امسحيها بسرعه
وعد:لا لا تروح ضي مسحتها جهزوا القهوه خديجة جت
رتيل:ايه واضح من اللي ببين يدينك
تضحك وعد تبوس وديم (بنت خديجة):كيوت ريحتها حلوه
ساره:تحبين الأطفال
وعد وهي ماسكه يد وديم الصغيره:كثير
يركض سلطان (ولد خديجة) يعطي الكاسه رتيل تأخذها تناظر الكيس اللي معه ومليان حلويات تمسكه تنطق:سلطان
سلطان بنظره يفهم قصدها:شتبين
ساره:الله الله لسانه اطول منه
رتيل:عطني حلاوه
سلطان:وخري عني ما بعطيك  زياد عطاني ياهم
رتيل:ورع عطني وحده بس
سلطان وهو يبعد الكيس ورا ظهره:لا
ساره وهي تبعد رتيل:بعدي بيعطيني أنا أكيد
تنزل لمستواه ساره تنطق بإبتسامه:سلطاني
سلطان بقرف:اسمي سلطان لا تناديني سلطاني أنا رجال
تضحك رتيل:يلا أشوف
ساره:طيب يا سلطان ممكن تعطيني حلاوه
يهز راسه سلطان بالنفي يسحب الطرحه من راس ساره يركض فيها تشهق ساره بصدمه تركض وراه وهي تصارخ:ورع رجع لي طرحتي
يضحك سلطان بشقاوه يركض فيها للحوش وهي تركض وراه
ساره:سلطان يا حيوان رجعها
سلطان وهو يركض:لا
يركض سلطان لزياد يتخبأ وراه وهي تصارخ:سلطان رجعها والله
تسكت وهي تناظر اللي واقف قدامها يناظرها بصدمه وهي تركض وماكسه نص مخورها بيدها وشعرها اللي نازل من البكله يناظر سلطان وهو يضحك يصد عنها ينطق:وش بلاتس تراكضين ورا الولد
ساره وهي ترجف:طرحتي
يلف زياد لسلطان ياخذ منه الطرحه ويمدها لها تأخذها تلفها ع راسها تناظر سلطان بحده
ساره وهي تلف لسلطان:تعال ي بزر
سلطان:لا تقولين بزر أنا رجال
زياد:خلاص انتي روحي تحطين عقلك بعقل بزر
سلطان بحده طفوليه:ماني بزر
تضحك ساره:هذا بزر والله انت البزر
يناظرها زياد بحده تشتت نظرها عنه تلف تدخل للبنات