يمشي باتجاه الغرفه ويلعب بمفاتيحه يفتح الباب يناظر باستغراب من ما انفتح الباب ينطق:شكلي مخربط
يطق الباب بخفيف غيم وهي تلاعب غيث:نعم؟!
لؤي:غيم افتحي
غيم:وش تبي
لؤي:كيف وش ابي افتحي الباب
غيم:لا
يقرب الباب ينطق بحده:غيم بلا مبزره افتحي
غيم:هاه ترا للمره الثانيه تصرخ علي تتضاعف العقوبه عليك انت الخسران
تطلع من الغرفه رتيل وهي حاطه ماسك اسود وشعرها رافعته كعكه تناظر اللي واقف من جنب الباب ويهمس تتقدم له بهدوء تصير وراه تتكتف تسمع وش يقول
لؤي:وش من عقوبة الله يهديك وش سويت أنا
غيم بصوت عالي:نسيت انك صرخت علي
لؤي:الحين انتي زعلانه عشان كذا طيب افتحي نتفاهم
غيم:ايوا زعلانه
ياخذ نفس ينطق:وش اللي يرضيك
تضحك رتيل بصوت عالي يلف يناظرها ينطق:قل اعوذ برب الفلق
تضحك رتيل:شفيك ليه شايف جني
لؤي:على شكلك اي والله شايف ابليس بالله عليك احد يتمشى بنص الليل بالشكل ذا
رتيل:خليك من شكلي انت وش عندك مطرود
لؤي:هاه رتيل انقلعي
تضحك رتيل:طيب طيب هد تربت على كتفه:الله يكون بعونك ان شاء الله ترضى عليك ههههه
لؤي:رتيل!
تفتح الباب تنطق:يا أهلين متى جيت
يناظرها لؤي يدخل للغرفه ينطق:تستهبلين الحين انتي تخليني مثل الكلب برا
غيم:شدعوه من قال انك كلب وبعدين تراك ما اعتذرت
يتكتف لؤي:على حركتك ماني معتذر
تبوز شفتها:طيب يرضيك انام زعلانه
يمسح على ملامحه ينطق:لا ما يرضيني
يفتح يدينه لها تبتسم غيم تضمه ينطق:أنا آسف عساك راضيه الحين
غيم:يعني اعتذارك مقبول
يناظرها بطرف عين:ما يعجبك شي انتي
تبتسم غيم ترفع نظرها له:إلا انت تعجبني
يضحك لؤي يبوس خدها يعضها بخفيف تتأوه بألم تنطق:يا وحش بعد عني
يضحك لؤي يلف يناظر اللي على السرير ويتحرك ينسدح جنبه يبوسه بقوه على خده يحمله بين يديه وهو يضحك ويلاعبه تبتسم غيم من منظرهم تاخذ جوالها تصورهم
تنسدح جنبهم يصير وسطهم غيث ثمرة حبهم
~بالمطبخ~
يطلع الكوكيز اللي هو سواه ولابس المريله ويدندن ياخذ قطعه كوكيز يذوقها ينطق:والله اني فنان
تمشي بخطوات هاديه من سمعت صوت بالمطبخ تنطق بهمس:يا خوفي يكون حرامي أنا وش منزلني نص الليل مدري
تاخذ المزهريه تمشي بهدوء تناظر اللي يأكل من الكوكيز ويغسل الصحون يلف يلمح اللي واقفه وبيدها المزهريه وشكلها بالماسك تصرخ رتيل بصوت عالي يصرخ مُلهم معاها يرفع يدينها تستوعب تركض وبيدها المزهريه تضرب راسها تنطق:هبلا يا رتيل مين ذا اللي طلعتي بوجهه
تبتسم تنطق:والله انه حلو بس مين ذا يشبه فارس أحلامي
كان وراها ويسمع كلامها وهو كاتم ضحكته
رتيل:مين ما كنت تكون يا حرامي حطيتك براسي
يرفع حجاجه بضحك يهمس:ناويه علي ذي
تحط المزهريه عالطاوله ترقى الدرج وهي تغني: يا خاله يا ام هالولد يا قطعه من هذا الكبد
يضحك مُلهم يأكل الكوكيز اللي بيده:مجنونه،بس لازم نتعرف عليك دامني فارس أحلامك
أنت تقرأ
تباهي بجمالك يا لورين الآسر وازهي بحبي واحيي فيني شعور كنت اجهله
Diversosإنّي لأنظر في الوجودِ بأَسرهِ لأرى الوجوهَ، فلا أرى إلاّك قالوا ويخلقُأربعينَمُشابها من أربعينك لا أريدُسِواك الكاتبه:@Nibo2771
