تباهي بجمالك يا لورين الآسر وازهي بحبي واحيي فيني شعور كنت اجهله

بارت 10

-ترتب الحوش وتدندن بصوتها العذب تنتبه لدق الباب تحط الشال ع رأسها تتوجه للباب تنطق:مين؟
ينطق:أنا لؤي
يفز قلبها من عرفت انه هو تنطق:اا هلا وش بغيت
لؤي: ابتهاج وصتني بأشياء وجبتهم،إذا ما عليك امر تعطيهم ياها
تنطق بهدوء:طيب ابعد شوي واعطني ياهم
لؤي:طيب
تفتح الباب بهدوء تمد يدها له يناظر يدها اللي محاوطتها اسواره بدوائر باللون الأزرق وكيف ينساها هي هديته من وهي عمرها 8 سنوات يبتسم لمدى احتفاظها فيها ترتبك من تأخره ينطق:للحين محتفظه فيها
ما تفهم قصده تنطق بإستغراب:وش هي
يبتسم ينطق:الاسواره اللي عطيتك ياها
تناظر يدها تسحب الكم تغطي يدها تسكت ما ترد عليه يبتسم من ارتباكها ماعاد يتحمل اكثر يخبي مشاعره اللي كتمها كثير من بعد ما شاف احتفاظها بأبسط أشياء كانت بينهم ينطق بكل شعور داخله:تدرين اني احبك من وأنتي صغيره وللحين احبك بس شي واحد تغير انه حبك كل يوم يزيد بقلبي يا غيمي أنا ما أدري إذا تبادليني نفس الشعور لكن أنا احبك حب صادق حُبك زرع بقلب طفل يحبك حب صادق نقي وللحين يحبك ولا يفرط بحبك أنا من فرط شعوري وفرحتي انك محتفظه بأبسط شيء عطيتك ياه ما تحملت وأفصحت بمشاعري لك أنا حبيتك حُب طفوله وحُب مراهقين حبي لك كل يوم يزيد يا غيمي انتي الغيمه الوحيده في سماء قلبي والله احبك عساني أموت شهيد في حُبك ووسط غرامك يا غيمي
ينبض قلبها بسرعه من اعترافها ما تنكر بالشعور اللي الحلو اللي اجتاحها بس ما توقعت انه يفصح ان مشاعره الحين تهز رأسها بالنفي من بعد جملته الاخيره تنطق بسرعه:بسم الله عليك
يبتسم لها بحب:إذا انتي معي لا تخافي ما بيصير لي شي وإذا ع الموت راضي أموت فحبك أنا راضي والله
يهبط صدرها وينزل من كمية مشاعره لها تكتفي بالسكوت يعطيها الأكياس ينطق:مافي داعي تردي عليا بشي،أنا محتاج ردك ان جيت وطلبتك
تبتسم بحب له وارتباك ومشاعرها اللي مضطربه تأخذ الأكياس تدخل للبيت والابتسامه شاقه وجهها وجهها احمر انغمرت بسعاده ما كانت متوقعتها

-مكان اول مره نجي له مكتبة المحاميه/ ساره بنت مشاري ال سعد
جالسه بكرسيها بكل ثقه تناظر ملف قضية مستلمتها تنتبه لدق الباب تنطق:تفضل
يدخل ينطق:كيفك يا محاميتنا
تناظره بهدوء:الحمدلله،بغيت شي
يتقدم يجلس بالكرسي ينطق:مافي داعي نلف وندور يا محامية أنا قلت لك استلمي قضيتي ولك اللي تبين
تبتسم له بسخريه تنطق:اولاً قضيتك ماني مستلمتها ثانياً لو رفعت عليك قضيه بتهمة انك تحاول تخليني أستلم قضيتك مقابل المال وأنت تعرف العواقب يا سيد
يبتسم لها ينطق:ما تسويها يا محامية
تنطق:لا تكون واثق أسويها واخليك تعفن بالسجن
يتعدل بجلوسه يحاول إقناعها:فكري بعرضي مره ثانيه
تنطق بثقه:لا لأني ما بقبله
ينطق :لا تعانديني، لا بتطولين ولا بتقصرين لحالك أوعد أخليك اشهر محامية ولك المبلغ اللي تبينه
تنطق بسخريه:مايهمني المستقبل اللي توعدني فيه أنا احب الفوز بنفسي، وانقلع من مكتبي من غير مطرود لو تكررت جيتك لعندي بتكون روحتك مو للبيت لسجن وأنت تدري اني قول وفعل
يضرب المكتب بعصبيه:أنا حاولت أتفاهم معك وافهمك بس انتي تعاندي بتندمي ع كل كلمة قلتيها لا تنسي
تبتسم بسخريه تأشر له بيدها بمعنى يطلع
يطلع من المكتب بغضب منها تنطق:الباب لو سمحت
يناظرها يسكر الباب بقوه تغمض عيونها بعصبيه تنطق:الله يكسرها