تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 39

بمكتبها تقلب الأوراق بيدها وهي سرحانه  تتنهد تناظر الأوراق اللي بيدها ترتبهم داخل الملف يطق الباب تنطق:ادخل
يدخل وهو حاط يده فجيبه ويد يسكر فيها الباب تناظرها ساره تنطق:انت؟
زياد:ايه أنا
ساره:وش جابك
زياد وهو يقعد ع الكرسي:الناس تقول تفضل يا محاميه وبعدين احترميني تراني زوجك
ساره:ياحلوك تراني ما وافقت للحين
يبتسم زياد يقرب وجهه لها يلمس أرنبيتها بأصبعيه:مصيرك توافقي يا حلوه
تبعد يده ساره بإرتباك وهي ما تدري ليه صارت ما ترادده مثل قبل يبتسم زياد:ايه وش قررتي يا محاميه
ساره:مالك دخل
زياد:سلامات من اللي له دخل غيري وبعدين إذا ما وافقتي اعتبر انك خايفه مني
ساره:مين قال يمكن ما ابيك  
زياد:يمكن بس ما أظن
ساره:واثق مره
زياد وهو يقوم يقرب لكرسيها يحاصرها وهي قاعده عالكرسي:أعطيني جوابك
يرجف قلبها بإرتباك من قربه تنطق وهي متوتره:زياد ابعد
يقرب لها اكثر وهو يناظر بعيونها تبلع ريقها تقوم من الكرسي يبتسم زياد يشدها له من خصرها يرتطم صدرها بصدره يبدأ صدرها يصعد وينزل من توترها
زياد وهو يناظرها:جاوبي
تبلع ريقها ساره:زياد
يبتسم زياد:يا كثر ما تنادينه جاوبيني الحين وش قرارك
ساره وهي تبيه يتركها تنطق :موافقه موافقه
يبتسم زياد يحررها من بين يديه تاخذ نفس بإرتباك يبتسم زياد:دام أخذنا الرد اتجهزي ملكتنا بعد بكره
تشهق ساره بصدمه تنطق:كيف!
زياد:يعني بتصيرين حرم زياد يا محاميه
ساره:مستحيل ما يمديني اجهز لبعد بكره
زياد:يمدي يمدي وبعدين وش بتسوين مثلاً ما أنا شفتك بكل حالاتك منكوشه متكشخه طايحه اعدد لك كمان
ساره بعدم استيعاب:أنا منكوشه والله انك كل ما شفتني كنت آخذ العقل بسم الله عليا
يبتسم زياد يقرب لها:يعني كنتي تقصدين تطلعين بوجهي بكل مره
تفتح عيونها بصدمه:مالت عليك ما ابي شوفة وجهك وبعدين انت بكل مكان الأقيك اعترف تلاحقني صح
زياد بسخريه:أنا ألحقك احلمي من زين وجهك ألاحقك
ساره:يا حلوني وبعدين  ألف واحد يتمناني
يضحك زياد:وينهم ما أشوفهم احمدي ربك أخذتك بس يلا شسوي ابتليت
ترفسه ساره برجله:حقير ابعد عن وجهي
تطلع من المكتب بعبايتها شديدة السواد وحجابها ونظاراتها
وكعبها الاحمر ومناكير بنفس اللون يلحقها زياد بعدم مبالاه يناظرها تطلع وكعبها يرن ع مسامع اللي برا يناظر نظراتهم لها ويسمع همسهم عليها
رجال1: ايباه انشهد انها غزال يمشي ع الأرض
رجال 2 بصوت مرتفع :عطينا وجه يالموت الأحمر
يطيح ع الأرض من اللكمه اللي جته ينزف انفه د ٰم
تشهق بصدمه ياخذه يرفعه عن الأرض يعيد له اللكمات ينطق:عيونك ذول اقلعهم من مكانهم ان عاد بس فكرت تناظرها
يرجع يضربه مره ثانيه بعصبيه تتقدم له ساره تبعده:زياد بس اتركه
زياد بحده:اركبي السياره بسرعه
ساره:زياد الرجال بيمو.. زياد بعصبيه:قلت اركبي 
ترجف من عصبيته تمشي تركب السياره وهي ترجف بخوف  من منظر الزياد اللي يخوف بعصبيته يتركه زياد بعد ما خلاه طايح عالارض مغمى عليه يمشي لسيارتها ينطق بعصبيه:انزلي
ساره:وين
زياد:قلت انزلي
تنزل وهي تتأفف تناظر الرجال طايح ومغمى عليه تنطق:زياد خلنا ندق عالاسعاف ناظر الرجال كيف ينزف
ينطق بحده:لا تسمعيني صوتك وامشي قدامي 
تمشي ساره تركب سيارته يركب بمقعده وهي متكتفه يقود السياره تناظر عروق يده البارزه وعيونه اللي تطلع منها شرار من شدة عصبيته تبلع ريقها تمسك يده ما تدري ليه سوت كذا بس تبيه يهدأ يرخي يده من حس بلمستها ع يده ياخذ نفس يلف لها تناظره يناظرها تبعد يدها بسرعه
ساره:وين بتوديني
زياد:البيت
ساره:طيب كنت بروح بسيارتي
زياد:مافي روحه لحالك
ساره:خير ان شاءالله مالك دخل فيني
يلف لها بعصبيه ينطق:سدي فمك لا تخليني امد يدي عليك
ترجف بخوف منه تلف وجهها لشباك تناظر الطريق