تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 19

.
بعد يومين
قاعدين يجهزوا لعرس بالديره
رتيل وهي تطلع كل فساتينها من الدولاب:أفف ما معي شي البسه
ابتهاج:كيف ما معك شي وهذا وش
رتيل وهي تمسك الفستان بيدها:هذا رحت فيه عرس وشافتني فيه أصايل وش تقول عني لا حبيبي انسي مستحيل البسه
ابتهاج:طيب والأزرق
رتيل:لبسته مرتين خلاص كفايه
ابتهاج بملل:والأحمر
رتيل:ماش ما عجبني
ابتهاج:رتيل اختاري واحد وريحيني
لورين:رتيل البسي الأصفر شكله مره حلو
رتيل وهي تناظر الفستان:ايه هذا ترسل بوسه للورين تناظر ابتهاج:شوفي الذوق قال الأحمر قال
ابتهاج:والله عاد انتي ما يعجبك شي
غيم وهي تمسح الآيلاينر للمره الثالثه: بنات مين تعرف تضبط الايلاينر
لورين:أنا تعالي
تبدأ ترسم لها الايلاينر بإحتراف بعد ما خلصت رسم لها
غيم:حبيت تسلمي
تبتسم لها تنطق:أنا بروح البس وارجع لكم
غيم:طيب
رتيل وهي تناديها:لا تتأخري أبغاك تضبطي لي الايلاينر
تأشر لها ع عيونها بمعنى من عيوني
تطلع من عندهم تتوجه لبيتها تفتح باب الغرفه تناظره منسدح ويطقطق بجواله يناظره ينطق:ي هلا
تشمق له تطنشه تطلع فستانها من الدولاب وتدخل للحمام
"يكرم القارئ" يناظر دخولها يعقد حجاجه من زعلها اللي مو راضيه للحين تسامحه بعد دقايق تطلع وهي لابسه فستانها الابيض علاقي يزينه اللولو طويل بفتحه تبدأ من الساق وتنتهي لركبتها ينزل الجوال من يده يناظرها ويناظر فتحة الفستان وكيف هو موضح تفاصل جسمها ينطق بحده:غيري الفستان
تناظره بعدم إعجاب تطنش كلامه تتوجه للمرايه يوقف يتقدم لها يسحبها من معصمها ينطق بنفس بحده:أنا وش قلت الفستان تغيريه ما انتي رايحه بذا الشكل
تبعد يدها منه بعصبيه تنطق:وش فيه شكلي البس اللي ودي فيه
آسر:لورين لا تخليني أعيد كلامي مره ثالثه قلت تغيريه تغيريه
لورين:وأنا قلت ماني مغيرته الفستان عاجبني
آسر:بس أنا ماهو عاجبني
لورين:ومين طلب رأيك
يمسكها بقوه يرتطم جسدها بالجدار ينطق :أنا قلت كلمه تنفذيها الفستان تغيريه وما تروحين فيه تفهمين وان كنتي تبغين تلبسيه مافي روحه للعرس تقعدين معي
تدفع عنها تنطق:اففف كريهه  وحقير بعد عني
يناظرها ينطق:غيريه
تتأفف تنطق:طيب طيب
تطلع من الحمام بعد ما غيرته بفستان ازرق طويل الأكمام ضيق طويل بفتحه صغيره من تحت يناظرها ينطق:ايه حلو بس الفتحه هاذي وش موقعها
لورين بنفاذ صبر:انت ما يعجبك شي
يبتسم ينطق:عجبني الأول بس مو تروحين فيه عرس
تطنش كلامه تتقدم للمرايه تفرد شعرها ينطق:خليه كذا حلو
تمسك الفير بعناد تبدأ تفيره  يناظرها ينطق:عناد هو يوم قلت خليه كذا
لورين:ايه عناد
يبتسم آسر:بس تدرين  كذا احلى
تميل شفايفها تكمل ميكبها ترش من عطرها تمرر المسك ع أماكن النبض وعنقها ،تناظره متنح فيها تأشر له بيدها بمعنى في شي يبتسم ينطق:ابد احسد اللي بيشوف جمالك
تشتت نظرها عنه تقوم تأخذ عبايتها وطرحتها ينطق:تعالي
تناظره تنطق:ليه
آسر:تعالي قلت
تتقدم له بتأفف يأشر لها تقعد يقرب لها  يبدأ يحصنها ويقرأ عليها تبتسم بخفوت من حركته يكمل ينطق: وش اللي يخليني واثق ما يحسدوني ع الملاك اللي معي 
تبتسم له ينطق وهو يناظرها:
تبسمي لعنبو من لامني في ضحكتك و رضاك
تشتت نظرها عنه بخجل تطلع برا الغرفه تتوجه للبنات