تباهي بجمالك يا لورين الآسر وازهي بحبي واحيي فيني شعور كنت اجهله

بارت3

.
الصباح 5:30
تفتح عيونها ع صوت الصباح الهادي تحب اجواء الصباح وبالذات بهذا الوقت تقوم بعد نومة كانت متعبه تتوجه للحمام "يكرم القارئ" تأخذ شور ينعشها من الصباح تطلع بروبها تتوجه لدولابها تطلع لها بنطلون ابيضّ وبلوزه باللون الرمادي تتوجه لمرايتها ترطب جسمها ووجهها تأخذ المرطب ترطب شفايفها تبدأ تنشف شعرها وترفعه ببكلة شعر بحكم طوله تلبس عبايتها وتلف حجابها تطلع تجلس ع صخره تحس بنسمات الهواء البارده تحب اجواء الصباح كثير تفكر بحياتها وكيف بتكون وهل أبوها بيتزوج بعد أمها تنهدت بهدوء تناظر اللي طلع من بيته لابس ثوب وعليه فروته تناظره بهدوء تلف وجهها عنه ينتبه لنظراتها يستغرب من هي لانه ما يظن أنها وحده من بنات عمه مصعب أو عزام أخذ نفس بهدوء يتوجه لعندها يناظرها تضم نفسها من البرد نطق بصوت هادئ: صباح الخير
فزت بخوف منه تناظره تنطق بصوت شبه مسموع:صباح النور
يناظر وجها وملامحها الخايفه ينطق: ليه جالسه لحالك هنا، ومين انتي؟!
تناظره تستغرب سؤاله معقوله انه ما انتبه لها انها بنت عمه محمد بحكم انها شافت رجال كثير اول ما وصلت ظنت انه واحد منهم تنطق بهدوء: لورين بنت محمد
يناظرها يرفع حجاجه :عمي محمد جاء
تنطق بنبره استغراب تستغرب من كلامه : ايه
تنطق تكمل كلامها: طيب أنت مين ؟ وليه تسأل معقول ما تدري انه جاء امس الصباح
يناظرها ينطق: ما كنت موجود امس جيت بالليل عشان كذا اسأل
هزت رأسها بتستغرب منه هو حتى ما قال لها من هو تستغرب حدته تنطق صوت غير مسموع لآسر: انتم كلكم عصبيين يعني وراثه"
ناظرها يرفع حجاجه:قلتي شي
نطقت بارتباك: لا ولا شي تلف عنه تقوم تتوجه لبيتها مع أبوها تخاف لو يصحى أبوها ويشوفهم ويفهم غلط ناظر خطواتها تبعد عنه توجه هو بالمثل لبيته دون ادنى اهتمام

-عند الجد مشعل:
مشعل: قم أنت وياه أنا كم قلت لكم بعد صلاة الفجر مافي نوم
فزو لؤي وبندر بخوف من حسو العصا تضرب فيهم يحاول بندر يفتح عيونه ينطق مشعل بحده:قوموا لا بارك الله فيكم قوموا
ينطق لؤي بهدوء: سم ياجد قمنا
مشعل بحده: بسرعه قوموا ورحوا للحلال أنت وذا الحيوان اللي جنبك
كتم ضحكته لؤي يناظر بندر اللي فتح عيونه بصدمه ينطق: الله يسامحك ياجد
ضرب مشعل بعصاته بقوه ينطق بعصبيه: لا تعال أضربني قوم قامت قيامتك قوم
فز لؤي وبندر يروحوا يفطروا ويطلعوا للحلال

-جالسين عند الحلال يناظرون الشمس الحاره ينطق لؤي : فارس خلنا نرجع صكتني الشمس
بندر : صح بالله خلنا نرجع راسي يدور من ذي الشمس
ينطق فارس بحده: امش أنت وياه رجال وش طولكم تقولوا كذا امشوا ولا اسمع صوت
يمشي بندر بنرفزه وغيض من فارس اما لؤي فما كان منه إلا السكوت ويمشي مع فارس بتعب

-جالسين حوالين بعض تنطق رتيل بفرح: تدرون انه سوير انخطبت
تنطق ابتهاج باستغراب: مين سوير أم شوشه
تعتدل غيم بجلستها تنطق بضحك: لا تقوليها
تنطق رتيل بضحك: قلتها وخلاص
ابتهاج: وأنتي وش دراتس
تنطق غيم باستغراب: ايه صح من هو علمتس
تبتسم رتيل تنطق: افا عليكم أنا عندي ناس يعلموني اسرار أهل الديره كلهم
ناظرتها غيم: خفي علينا يالاستخبارات، المهم الحين لمين انخطبت
تنطق رتيل: مدري يقولوا واحد من خارج الديره
تنطق ابتهاج: حظها ام شوشه بتطلع من الديره
تدخل وعد تناظرهم مجتمعين تنطق بضحك: مجتمعين ع بلا او تحشو بالناس
رتيل : افا عليك يا وعد تعرفيني أنا ما أتكلم ع احد
تشهق غيم :انتي اول وحده لسانك ماتقدري تبلعيه
تنطق وعد: ما شفتوا لورين اليوم
ابتهاج: لا فطرت معانا وبعدين راحت
ضي:مسكينه عجوز قريح سمعتها كلام يسد النفس يمكن تضايقت
وعد: الله يعينها العجوز محد يسلم من لسانها
رتيل: شرايكم نناديها تجلس معنا
ابتهاج: ما اعتقد بترضى
ضي: خلوها ترتاح بعدين يصير خير
يكملو سوالف العاديه بين هواش غيم ورتيل وضحك وعد وضي وابتهاج عليهم..

-يتوجه لمكان جلوس أعمامه وجده ينطق بصوته الجمهوري: السلام عليكم
ردوا عليه السلام
ينطق مشعل :حياك متى جيت
ينطق آسر بهدوء: أمس بالليل
يناظر عمه محمد ينطق: الحمدلله ع سلامتك نورت دارك وديارك
ينطق محمد: الله يسلمك،تسلم
عمر:كيف الشغل معك هذي المره تأخرت برجعتك
آسر: كان في ضغط بالشغل وامس خلصت كل شي وجيت
يهز عمر رأسه بتفهم
آسر:وين عمي مصعب ماهو بموجود
عمر: راح للمحل يفتحه لانه فارس ولؤي وبندر راحوا للحلال
يهز رأسه بدون رد ينطق : استأذنكم أنا بروح ارتاح
ينطق مشعل: الله معك
يتوجه لبيته بتعب بعد شغل طويل وقضايا كثيره يناظر المكان اللي شافها فيه الصباح يناظر الشباك مفتوح يعقد حجاجه لانه ممكن احد يشوفها يتوجه لعندها بس وقف من سمع صوته امه تنطق: آسر
التفت لها يتوجه لها يبوس رأسها تنطق مضاوي : كيفك طمني عنك
آسر: الحمدلله ع ما تحبين،انتي وش أخبارتس
مضاوي: الحمدلله ،متى جيت يا أمي
آسر: امس بالليل
مضاوي: طيب افطرت ولا اجيب لك فطور
آسر: لا أنا بروح أريح ،فأمان الله
مضاوي: الله معك
تنهدت مضاوي بفرحه بشوفته هي ماعاد صارت تشوفه من بعد شغله وتعودت ع بروده هو ما يحب يوضح مشاعره لاحد عصبي من الخارج وبارد تنهدت تدخل تسكر الباب بعد اتطمنت عليه

-كانت جالسه ترسم تحب الرسم وفنانه فيه تحاول تبعد تفكيرها عن كل شي سلبي بحياتها ترسم بحب كبير لرسم تناظر السماء المليانه غيوم تتأملها توقف رسم تترك القلم من بين أناملها تخبي رسماتها تتقدم تسكر الشباك تتوجه لسريرها تستريح بهدوء تضم نفسها ما تبغا تذكر أي شي تحاول ما تفكر هزمتها دمعه نزلت ع خدها تمسحها بسرعه تتغطى تحاول تنام عشان تهرب من واقعها تحاول تنسى كلام جدتها عن زواج أبوها وأنه بيكون قريب هي ما تبغا تجيها معامله أسوء من أبوها وكمان من زوجته الجديده هي ما حست بالامان مع أمها وأبوها فكيف مع وحده ثانيه تفكر بحياتها هل بتكون كمان أسوء من كذا ولا احد متقبلها أبوها جابها هنا ولا يدري بحالها كأن ما عنده بنت تنهدت تأخذ نفس تنزل دموعها تتذكر كل كلمه قالت جدتها تغفى ع دموعها اللي مغرقه وجهها...

🌷🌷🌷✨..