تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 42

قاعده جنبه ويدها تحتضن يده وتناظره بأمل انه يصحى ويرد لها روحها وهي بدونه تعبت وكثير وصار آكلها ماش ولا بد تنزل دموعها تنطق:لين متى؟
تنزل راسها على يده تبكي بكل شعور يجتاحها ألم شول حب عتب و ندم ترفع راسها له تقبل خده تنطق:ما ودك تصحى تعبت حيل بدونك!
تتنهد تتمسك بيده بكلتا يدينها تناظره وهي تبكي تبوس يده ودموعها تنزل على يده يحرك يده اللي بين يدينها تحس بحركته ترفع أنظارها له تناظره يفتح عيونه بشويش يملي قلبها الفرح كأنها ارتوت بشوفته مثل ما ترتوي الأرض بالمطر وقلبها اللي رجعت له الحياه من جديد وهو حياتها كلها ووقت فتح عيونه بعد مده طويله ثقيله متعبه عليها تحس كل الكون ابتسم لها ورجعت لها حياتها يفتح عيونه بشكل واضح يناظرها وعيونها تلمع من دموعها ينطق بصوت خافت: افا تنزلين دموع عينك وأنا حي وقبالك!
تبتسم بعدم تصديق للي هي تشوفه تقرب تضمه بدون اي رد منها غير انها اشتاقت له ولصوته اللي حرمها منه مده طويله يبتسم يرفع يده يحاوطها وهي شاده عليه تنطق:اشتقت لك والله!
يبتسم بهدوء تبعد عنه من استوعبت انه الحين صحى والمفروض الدكتور يشوفه تركض برا الغرفه تنادي الدكتور يدخل الدكتور يفحص آسر ويتأكد من صحته ينطق:الحمدلله كل شي تمام
وعد وعلي وهم داخلين يبتسم علي ينطق:الحمدلله على سلامتك يالعضيد
يبتسم له آسر تتقدم وعد تضمه تنطق:الحمدالله اللي خلانا نشوفك وأنت بخير
يبتسم آسر يحاوطها بيد تبعد عنه
الدكتور:تقدرون تسجلون له خروج
علي:أنا بطلع اسجل له خروج
وعد:بجي معك يبتسم علي لانه فهم انها تبيهم يكونون لحالهم
يطلعون من الغرفه يناظرها وهي تشتت نظرها عنه وهي ما تدري كيف تواجهه بعد كلامها معه يبتسم لها وهو كان يسمع وش تقول بس ماكان يقدر يصحى
آسر بهدوء:تعالي
تقرب بهدوء له تقعد جنبه يمسك يدها ينطق:دامك تبيني ليه تعذبيني؟
تلمع عيونها بالدموع تجهش بالبكاء تنزل راسها وهي تشاهق يضمها له يمسح عليها وهي تبكي وتشاهق بصدره ينطق بحنيه:بسم الله عليك يا عروق قلبي انتي بس لا تقطعين قلبي عليك يزيد بكاها من حنيته عليها رغم اللي جاه منها يشدها لصدره ينطق:لا تتعبيني بدموعك وتحرقين قلبي عليك ارحميني
تنطق وهي ما زالت تبكي ودافنه وجهها بصدره:اسفه والله اني احبك وأبيك اكثر من كل شي
يبتسم من اعترافها له وهو قد سمع اعترافها بس الحين كان غير بالنسبه له ينطق:أعشقك أموت فيك يا بنت محمد ارحمي قلبٍ سكنتيه وما ينبض إلا لك وبإسمك
تبعد عنه تمسح دموعها تبتسم بخجل من كلامه لها
تنطق بإبتسامه:طاح الحطب؟
يبتسم آسر:طاح وكيف ما يطيح وأنا سمعت لي كلمه تحيي بها قلبي دهر
تبتسم له يرتاح قلبها انه سامحها تحس داخلها فراشات من كلامها وكل شي يصير معها اليوم يطق الباب تنطق وعد:ادخل
لورين:اي ادخلي
تدخل تنطق:يلا علي ينتظرنا بالسياره
تهز راسها تقرب تسنده وتخليه يقوم تحاوطه وهي تحت ذراعه تلف لوعد:انتي امشي قدامنا ثقيل اخوك عليك
يضحك آسر:يعني ماني ثقيل عليك
لورين:مو كذا بس وعد حامل
يناظرها آسر بصدمه:حامل
تهز راسها وعد:بيجي طفل ثاني يناديك خالو
يبتسم لها يفتح يده تقرب تضمه ينطق:مبروك يا عين اخوك
تبتسم وعد:عقبال ما لورين تفرحنا بالأوس
يبتسم يناظر لورين اللي توردت وجنتيها وتشتت نظرها عنه ينطق:ان شاء الله
يمشون يطلعون من المستشفى ويركبون السياره يوصلون للفندق يوصلون لجناح آسر ولورين والجناح اللي جنبهم ل علي ووعد
علي:إذا احتجتم شي احنا قريبين منكم
يبتسم آسر:ما تقصر يا علوش
يضحك علي:بسامحك لأنك تعبان
يضحك آسر من فهم انه قصده ليه ناداها علوش
يدخل كل واحد لجناحه وهي للحين ساندته عليه تقرب لسرير تعدل له المخده تخليه يقعد ينسدح عالسرير تتوجه للحمام (الله يكرمكم)تغير لبسها وتلبس بجامه بيضاء مريحه علاقيه تطلع وشعرها منسدل على ظهرها من طوله تتقدم تبي ترفعه ببكله
آسر:خليه وتعالي
تترك البكله تتقدم له تقعد جنبه تنطق:وش ودك تأكل
يبتسم لها ينطق:بعدين نفكر بالأكل
لورين:طيب
يشدها له ترتطم بصدره يصعد صدرها وينزل من توترها يبعد شعرها عن وجهها يسمع صوت نبضاتها العاليه تبلع ريقها من قرب يقبل عنقها ويستنشق ريحة عطرها الفاتن ينبض قلبها بسرعه تبعد شعرها ورا أذنها بتوتر تنطق:آسر
يبعد عنها ينطق:سمي
لورين بربكه تلمس عنقها يناظرها يبتسم ينطق:وش تبين
لورين:بروح اسوي لك أكل
آسر:طيب
تقوم بسرعه ترفع شعرها بالبكله تناظر عنقها تبلع ريقها وهو يناظرها تنزل شعرها من جديد تتركه يغطي عنقها وتطلع برا الغرفه يضحك بهدوء من خجلها