تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 26

-عند العيال
بندر وهو يقطع الذبيحه مع زياد عشان يعطونها البنات
زياد :بندر خذ عطهم الصحن
يقوم بندر يتوجه للمطبخ ينطق:خذوا
تتقدم ضي تاخذ الصحن منه وبندر يمسح ع جبينه يرجع لزياد
زياد:خذ كمل قطع الذبيحه وأنا بآخذ الصحون
بندر:طيب
يتوجه زياد للمطبخ يتنحنح تتوجه له وعد:عطني
زياد:لا خليهم يتغطون يبي لها تقطيع كمان وما بتعرفوا لها
تهز راسها وعد تقول للبنات يتغطون وكلهم غطو وجيهم بالطرحه ماعدا ساره اللي ما كانت أصلن تتنقب
يدخل زياد يناظرها بطرف عين بعدم أعجاب لها يهمس:اشبها ذي مفرعه
تسمع همسه ساره:ماني مفرعه وهذاني متغطيه وإذا ع وجهي ما هو بضروري تناظرني
يتنهد يستغفر زياد وهو اللي ما يحب يسولف مع حريم حتى خواته ماهو بكثير سوالف معهم تكتم ضحكتها رتيل ع وجه زياد تضربها ابتهاج تهمس:رتيل عيب ماتقدرين تكتمين ضحكك شوي
يحط الصحن يبدأ يقطع الذبيحه وهو رافع أكمام ثوبه ورابط الثوب ع خصره ويقطعها ووعد تساعده بعد دقايق يخلص من التقطيع يقرب يبي يغسل يده وساره واقفه جنب المغسله يناظرها بحده عشان تبعد تناظره ساره بطرف عين تنطق:لعلمك ان قلت لو سمحتي ابعدي ماهي منقصه من قدرك يا أستاذ
زياد بحد وهو صاد:ابعدي يا مره
ساره: مرمروا عيشتك ان شاءالله عندي إسم
تفرط رتيل ضحك تناظرها ابتهاج بحده تسكت رتيل بفشله وهي ما قدرت تسيطر ع ضحكها وغيم اللي فاطسه ضحك بس بدون صوت ع ملامح اخوها
تبعد ساره وهي تناظره بطرف عين يغسل يده ويستغفر تعطيه وعد المنشفه ينشف ويرميها يلف يناظر لها بحده وعصبيه تناظره ببرود تنطق:ما انت مخوف بنت مشاري بنظراتك
يتنهد يستغفر بصوت مسموع:استغفر الله استغفر الله
يطلع من المطبخ يناظره بندر ينطق:شرفت كان طبخت عنهم احسن
زياد بعصبيه :بندر قطع وأنت ساكت
بندر:اشبك معصب
يسكت بندر من نظرات زياد يقطع الذبيحه من دون صوت
رتيل وهي تطلع كل ضحكها اللي كتمته تناظر غيم اللي تضحك بدون ما توقف تنطق بين ضحكها:نظرات زياد بس تكفي انها تضحكك
غيم:مسكين اخوي بس يستغفر
ساره:اخوك ذا اشبه نفسيه
غيم بضحك:مو نفسيه بس ما يحب يسولف مع الحريم ولو سولف معهم يقعد يستغفر تلاقينه الحين يستغفر وبس
ساره:شدعوه، بس هو اللي عقله كذا ولا كل اخوانكم
ابتهاج:لا بس زياد بندر وزايد غير عنهم كلهم يحبون بس الوناسه والضحك وما يهتمون للأمور ذي
ساره:أشوى انه في ناس متفهمين شوي
غيم:زايد وبندر اكثر اثنين متفهمين وكمان لؤي
تضحك رتيل:قاعده ترقع لزوجها
غيم وهي تقطع السلطه:أكيد مافي مثله
يسمعها لؤي وهو اللي كان بيناديها بس كان يسمع وش تسولف عنه:غيم
تترك السكين من يدها تغسل يدها تاخذ العطر تتعطر منه وتعدل شعرها تضحك رتيل تنطق:الله لا يبلانا بس شدعوه ذا كله
تطلع غيم له بالمخور والعطر والطرحه اللي ع راسها كأنها مو غيم اللي بالمطبخ تشتغل يبتسم لها لؤي
تناظره غيم من طول النظر فيها بدون ما ينطق شي:لؤي
لؤي وهو مبتسم:قلب لؤي
تبتسم غيم تنطق:تبي شي
لؤي:أبيك
تصغر عيونها غيم:لؤي
لؤي:عروق قلبه
غيم:يعني اروح ما تبي شي
يمسكها لؤي ينطق:لا لا اسمعي امممم
غيم:ايه كمل
لؤي وهو يحك راسه من ورا:الصراحه ما ابي شي بس جيت أشوفك
غيم:خلاص هذاك شفتني
لؤي:ما يكفي
غيم وهي تبعد يدينه من خصرها : مشغوله الحين
يتنهد لؤي:طيب
تقرب ترفع نفسها له تقبل خده يبتسم لؤي يسمعوا صوت شي يطيح تبعد بخوف يناظرون رتيل اللي متجمده ومغطيها عيونها بيدينها يقرب لها لؤي ينطق:رتيل شفيك
رتيل وهي حاطه يدينها ع عيونها:حسبي الله عليكم يلي ما تستحون قلة حياكم ما تبطلوها
يضحك لؤي:ليه وش شفتي
رتيل وهي تقوم:قليل حياء صدق ويسأل كمان
تضحك غيم ع رتيل تدخل رتيل المطبخ ووراها غيم
رتيل وهي تشرب مويه:حسبي الله عليكم
تضحك ابتهاج:شفيها
ترفع أكتافها غيم تمثل عدم المعرفه تناظرها رتيل بطرف عين وهي تضحك