تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 7

.
بعد مرور أسبوع ع احداث العرس وبدأت لورين تتقبل منيره "زوجة أبوها" تعاملها كان غير عن اللي توقعته لورين
وبطلنا اللي ما بين قضاياه وشغله اللي ضغطه بالفتره الاخيره

-عند البنات
بين جلستهم وضحكهم المعتاد وصارت لورين تندمج معهم بسرعه وتحب جلستهم اكثر من قبل
رتيل بحماس:بنات بكره عِرس سوير خلونا نروح لسوق نشتري في أشياء ناقصتني
لورين:ايه وأنا كمان
وعد:بس ما يصير نروح كلنا ولازم نسأل عجوز قريح
لورين:نسألها بس من اللي بتروح
رتيل:أنا وأنتي وغيم
ابتهاج:ليه وأنا
لورين:طيب احنا الأربعه تم
أديم:وأنا بروح معكم
لورين:طيب
وعد:بالأول روحوا اسألو عجوز قريح وبعدين خططوا
رتيل:أنا مستحيل اروح لها لسا ما نسيت الكف اللي عطتني ياه
وعد :ايه انتي خليك
لورين:طيب أنا بروح بس وحده تجي معي
ابتهاج:أنا بروح معك
لورين:طيب يلا

ابتهاج وهي تمسك يد لورين:الله يستر اخاف نرجع للبنات واحنا ماسكين خدنا
لورين : لالا ان شاءالله
مزون اللي كانت ماسكه بيدها كاسه الشاي وجنبها بدريه ومنيره ومضاوي وغند لورين بصوت هادئ:يا الجده
ناظرتها مزون:نعم وش فيك
لورين وهي تبلع ريقها وتناظر ابتهاج:اااا أنا والبنات نبغا نروح للسوق عشان في أغراض ناقصتنا للعرس
مزون:ماهو بضروري تروحوا خلو واحد من العيال يجيبهم لكم
ابتهاج:ياجده أغراض خاصه فينا ما بيعرفوا لها
مزون:طيب انتي ومن بتروحي
ابتهاج:أنا ولورين وغيم ورتيل وأديم
مزون:وشو كلكم لا
ابتهاج:ياجده ما بنتأخر وبعدين كل وحده لها أغراض تحتاجها 
مزون:مافي كلكم لا
مضاوي:يا أم عمر خليهم يروحوا ما بيتاخروا
مزون:أنا ما قلت شي يروحوا بس كلهم لا
لورين وهي تجلس جنب جدتها وتحط يدها فوق يد جدتها:يا جده تكفين
مزون بتأفف:زين زين بعدي بس يا ويلكم ان تأخرتم
لورين بفرح:ابشري ما بنتأخر
مزون:خلو لؤي يروح معكم او احد من العيال
لورين : طيب

لورين وهي تركض للبنات تنطق رتيل:هاه بشري
لورين :وافقت
رتيل:الحمدلله بس كيف
لورين :مهارات الإقناع عندي
ابتهاج بضحك:ايه ايه
غيم:يلا امشوا نتجهز
لورين:استنوا واحد من العيال بيروح معنا
رتيل:طيب بنشوف زايد او لؤي
لورين: طيب

-عند العيال
اللي كانوا يلعبوا سباق وزياد وفارس يسولفوا  ينطق زايد:تعبت خلاص
لؤي:وأنا كمان بندر روح جيب لي مويه
بندر:سلامات يالطيب روح جيب لنفسك
لؤي:أنا بروح بس ما بجيب لك
ابتهاج وهي تنادي لؤي بصوت عالي : لؤوووي
لؤي وهو يفز من صوتها:أبو مصعب
لؤي وهو يركض بإتجاه الباب ينطق:نقصي صوتك والله ان فارس طارت عيونه من صوتك يا ويلك
ابتهاج بخوف:لا تقولها
لؤي وهو ينزل ثوبه: قلتها وخلاص الله يعينك
ابتهاج:كله منك
لؤي:أفف وليه مني
ابتهاج:المهم ماعلينا ان شاءالله انه ينسى بس اسمع تجهز بتودينا السوق
لؤي: وليه أنا بالذات نادي فارس أنا مشغول
ابتهاج وهي تناظره :اوك بس لعلمك الغيم  بتروح معنا
لؤي وهو يحاول يخفي ابتسامته:وأنا اخوتس كنت امزح معس يلا يلا أنا بأي وقت جاهز عشانك
ابتهاج:لالا لو عندك شغل عادي بنادي فارس
لؤي بحده:لا أنا بوديكم روحي البسي يلا
ابتهاج وهي تضحك:الله كل هذا عشان الغيم
لؤي:ابتهاج توكلي
ابتهاج بضحك:طيب