تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 45

بالطريق
كل واحد يناظر الثاني بعدم إعجاب وزياد اللي يناظرها وهي تحط ميكب وهو ماهو عاجبه يرسل لها رساله "امسحي خرابيط المهرج اللي على وجهتس"
تسمع صوت الأشعار تطنش تكمل تخط من الروج يتنرفز منها يرسل لها "بنت ردي" تخبي الروج حقها تلف له تنطق:نعم شتبي
زياد بحده وهمس:اقصري صوتك
تتأفف تحط رجل على رجل يناظر طريقة جلوسها:اقعدي زي الناس لا اكسر لك رجلك
ساره:شفيها قعدتي خلك فحالك لا تدخل
يسكت بعصبيه ما يقدر يعصب اكثر واهلها موجودين
تمسك نوره كتف ساره تنطق بهمس:عيب اسمعي كلمته نزلي رجلك
ساره بنفس الهمس:يمه مابي هو يبي يمشي كلمته عليا
نوره:ساره عيب خلاص بيصير زوجك لازم تسمعي كلامه
تتأفف تنزل رجلها تتكتف تناظر الطريق بعصبيه وهو كان يناظر تصرفاتها ومتأكد انه امها خلتها بالغصب تنزل رجلها
يزفر بعصبيه من عنادها اللي يخليه يعصب بس هو يعرف وش يسوي معها بس ينفرد فيها تلف له تناظره يناظرها
ساره:نعم؟
يلف زياد عنها بدون رد تطنشه تلف للشباك
يناظرهم مشاري يضحك يهمس لنوره:توم وجيري
تضحك نوره تنطق:عاد بنتك عنيده طيرت عقل الرجال
يضحك مشاري:الله يعينه

يوصلون للمطار وهي بس معصبه ونار الغيره تلعب فيها وهو وراها ويحاول يخليها تكلمه يقرب لها يصير جنبها وهي كانت سابقته يبتسم ينطق:وعد حبيبتي
تطنشه تمشي اسرع يسرع بخطواته يمسك يدها تبعد يدها عنه تنطق:علي ابعد لا تخليني افجر فيك قدام الأجانب
علي:اسمعي يا قلب علي أفهمك بس
وعد:مآبي اسمع وخر عني تتميلح هاه يا علي طيب طيب
علي:والله تراه يكذب آسر يبي بس يورطني
وعد:هاه يورطك ليه مسوي شي صح
علي:لا ياقلبي فهمتيني غلط خليني ابرر حرام ترا حتى المتهم يعطونه فرصه يبرر ارحميني
تتكتف تلف له تنطق:قول وش عندك والله ثم والله ان كذبت بحرف اني اعلم الشحاطه على ظهرك يا علي ولا يشفى غليلي
يبلع ريقه ينطق:طلعتي مانتي هينه وين وعد العاقله
وعد بعصبيه:علي اخلص
يفتح عيونه بخوف من عصبيتها يبلع ريقه من غيرتها وهو متأكد انه زياده مع الحمل:اهدي جعلني فداك اهدي ، آسر يكذب عليك والله ولا عمري تميلحت ولا شي يعني صح اهتمّ بكشختي بس مو عشان شي لا والله كذا طبع وبعدين ناظري آسر قاعد يضحك يتشمت فيني
تلف وعد تناظر آسر فعلاً يضحك وقاعدين ينتظرون إقلاع الطياره تلف له تنطق:يعني آسر كذب علي؟
علي:اي والله بعدين أنا حبيبك تتخيلين اكذب عليك افا
وعد:شاكه , اثبت لي انك تحبني وان آسر يكذب؟!
علي:اثبت لك ابشري
تتكتف وعد وهي تبي تشوف وش بيسوي تنطق:اي اثبت لي هيا
يمشي لنص المطار اللي مكتض بالناس اللي تغادر المطار واللي ينتظرون إقلاع الطياره ينطق بصوت عالي خلا الكل ينتبه له ويسمعون ويش يقول كانت تناظره بصدمه وهو يقول: I love you waad
كانت تناظره بصدمه وكان يعيد بكلمته والكل انتبه لها ما توقعت انه يسوي كذا بس هي نست انه علي وبيسوي اي شي ولا احد همه يبتسم يركض لها وهو بطبعه ما يخجل يمسك يدها يشدها من خصرها له والناس يناظرون بحماس والبنات اللي يناظرون بهيام يرقص معها بخفه ويدورها وهي محمره من الخجل والكل يناظرهم واللي يصور واللي مبتسم ويصفق لهم وعد بهمس:علي بس الناس يناظرون
يبتسم علي:وأنا أبيهم يشوفون شكثر أنا احبك
ينزل يحملها بين يدينه كل ذا تحت أنظار الكل اللي وقفوا عن كل شي ويناظرونهم ويصورون بإبتسامة ينطق بصوت عالي على مسامع الكل:I love you احبك احبك
تضحك وعد من إحساسها الحلو معه وكيف يقدر يسوي كل شي عشانها ما يهمه احد همه الوحيد ما تزعل منه تحس بنبضات قلبها تزيد وشعورها الحلو بعد كلمته كيف افصح بها مو بس قدامها قدام الكل اخذها معه فعلاً لإحساس الحب يبتسم من ضحكها ينطق:يا جعلني فداء للضحكه ذي عساها دوم يا قلب علي انتي
تبتسم وعد:نزلني خلاص
ينزلها علي يضمها له يصفقون لهم بحماس بإحساس الحب اللي شافوه بينهم الكل كان يناظرهم يناظرون حب علي لوعد يناظرون تجمع الناس وهم كانوا رايحين يجيبون قهوه
آسر:وش عندهم
لورين بإستغراب:مدري غبنا دقايق صارت أشياء
محمد:ليه متجمعين
آسر:خلونا نشوف
يتقدمون لهم علي و وعد يناظره آسر ينطق:وش صار
يضحك علي:ابد طال عمرك راضينا أختك
يفتح عيونه بصدمه يضحك:احلف سويتها
يناظر وعد اللي وجنتيها حمراء ينطق بضحك:خفيفه وأنا اخوك
لورين بهمس:طالعه لاخوها
يسمع همسها ينطق:عندك بس
تبتسم بخفوت يقعدون ينتظرون موعد الاقلاع
محمد:آسر وين عمك تركي تأخر
آسر:الحين يجون مُلهم ارسل لي رساله أنهم بالطريق
محمد:خير
علي:لا تخاف ياعم يمديهم معهم وقت