ياخذ ابوه يوصلون للغرفه اللي فيها محمد يناظره تركي وهوصح انه متغير بسبب تساقط شعره إلا انه عرفه:محمد
محمد:تركي
يبتسم تركي يقرب يسلم عليه تحت أنظار مُلِهم وآسر ولورين اللي مو فاهمين شي يلف آسر للورين يمكن تعرف ترفع أكتافها:ما اعرف والله
مُلِهم:يبه تعرفه
تركي:وكيف ما اعرفه هذا ولد مشعل
آسر بصدمه:لا ويعرف الشيبه كمان
محمد:كنا جيران وأخوان بس الزمن فرقنا
تركي:اي بالله بعد موت ام مُلِهم ومرض كيان خلانا نبعد عن اهلنا والظروف قست علينا ولا ما نترك الديار وأهلها
يهز راسه محمد بتفهم يناظر تركي مُلِهم : ما هقيت انك تنسى آسر يا مُلِهم
يناظر آسر بإستغراب يضحك تركي:تذكر لما طلبته الفزعه وفزع لك وتهاوشتوا مع اربعه من عيال الديره
يضحك مُلِهم بذهول وهو فعلاً يذكر بالمثل عند آسر اللي ضحك يتقدم يضم مُلِهم ويربت ع ظهره
يضحك مُلِهم:ارحب يا منقذي
يبتسم آسر:البقى يالعضيد
يبتسم مُلِهم له وهم فعلاً كانت علاقتهم قبل يسافروا عايلة تركي قويه جداً مكان يوجد فيه آسر يكون فيه مُلِهم والعكس وكانوا معروفين عند الكل بالديره انه آسر منقذ مُلِهم لانه كان يتهاوش مع عيال الديره وما يقدر عليهم كلهم ويطلب الفزعه من آسر ومُلِهم كان له العضيد و العزوه والأخ اللي ما جابته امه ،تبتسم تناظر علاقتهم اللي توضح انها قويه
تركي:الحين تذكرتوا
آسر:ايه بالله اني ناسيه متغير الولد
مُلِهم بعباطه:تقصد اني احلويت اكثر
يضربه آسر ع راسه بخفه:ارفع علومك
يضحك مُلِهم :عن اذنكم عندي حاله لازم أشوفها
آسر:الله معك
يطلع من الغرفه يباشر بعمله كطبيب
محمد:الا يابو مُلِهم وش اخبار كيان
يبتسم آسر وهو يذكر كيان لما كانت صغيره وكان يعتبرها مثل اخته تناظر ابتسامتها تشد ع يدها تسمعه يسأل عنه:ايه ياعم وش أخبارها
تبلع ريقها بغصه تلف وجهها عنه
تركي:الحمدلله زينه من يوم جينا ع ذي الدوله تغيرت نفسيتها وتعالجت
يهز راسه محمد:الحمدلله
يناظرها صاده عنه يحاوطها تبعد عنه تقوم تطلع برا الغرفه يفتح عيونه بإستغراب من حركتها يناظرهم ينطق:عن اذنكم
تركي:إذنك معك ياولدي
يطلع برا الغرفه يدورها بالممر يناظر خروجها من الحمام يتقدم لها يمسك أكتافها:شفيك تعبانه
لورين ببرود:لا
تمشي من جنبه تتركه حاير ومو فاهم وش فيها يلحقها للغرفه يناظرها قاعده هالكرسي وتسولف مع أبوها وتركي
يقعد يشاركهم السوالف وهو يناظرها تحاول تتحاشى تسولف معه
المستشفى "السعودية"
تناظر دخول لؤي مع اعمامها أبوها وجدها والحريم يتقدم مشعل بعصاته:مبروك ماجاكم والحمدلله ع سلامة ام غيث
يبتسم لؤي:الله يبارك فيك
يتقدم عمر يقبل راس غيم:الحمدلله ع سلامتك يابوي ومبروك ما جاكم يتربى بعزكم ودلالكم
تبتسم غيم تنطق بهدوء:الله يبارك فيك يايبه
يقرب عزام ومصعب يباركون لها ياخذ لؤي غيث بين يدينه يمده لجده
مشعل:ماشاءالله الله يحفظه
عمر :من يشبه تحسون
لؤي بضحك:ابوه
مشعل:يخسي طالع ع جده
تضحك غيم ع جنب بسخريه تهمس:عز الله ودفنا دامه طالع عليك
يضحك لؤي بهدوء يطلعون برا الغرفه يتركونهم رتيل وهي تاخذ غيث:يووه قلبي حبيبي
يتحرك غيث بإنزعاج تضحك رتيل:سمعت وش يقول الشيبه يقول انك طالع عليه والله يخسي
ترفسها ضي برجلها:اسكتي العجوز بتسمعك
يناظرون مزون اللي تسولف مع مضاوي ومنيره وماهي حولهم
ابتهاج:أشوى أنها ما سمعتك
تضحك غيم:ايه والله
تضحك ابتهاج:تبون الصدق ولا طالع لاحد لا ابوه ولا جده
رتيل:طالع لعمّته فديته
ضي:لا تكفين
غيم وهي تمسح ع غيث:طالع لامه
ضي:رأيي من رأي ابتهاج الولد ماشاءالله عليه بس ما يشبه احد منكم عشان كذا لا تتهاوشوا
أنت تقرأ
تباهي بجمالك يا لورين الآسر وازهي بحبي واحيي فيني شعور كنت اجهله
Rastgeleإنّي لأنظر في الوجودِ بأَسرهِ لأرى الوجوهَ، فلا أرى إلاّك قالوا ويخلقُأربعينَمُشابها من أربعينك لا أريدُسِواك الكاتبه:@Nibo2771
