تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت46

قاعده معهم بس ماهي مركزه بسوالفهم وبس سرحانه وتفكر تناظرها وعد تهمس لها:شفيك تعبانه
تبتسم لها بهدوء:راسي مصدع شوي
وعد: أكلتي شي
تهز راسها بالنفي : ما ودي بروح ارتاح
تقوم من عندهم وهي عارفه  انه كلامهم للحين مضايقها تتوجه للبيت تدخل ترمي عبايتها وتغير لبسها لبجامه مريحه تنسدح على السرير بهدوء تغمض عيونها ماهو نوم اكثر ما انه هروب من دموعها
يتوجه لامه لانه ماشافها يطق الباب تفتح له وعد الباب ينطق:ودي ادخل لامي
وعد:طيب
تسكر الباب اللي يفصل بينهم تدخله للغرفه وتنادي امها
يتقدم يقبل راس امه ينطق:شلونك
تبتسم مضاوي تنزل دموعها تحمد ربها انه ماصار له شي وقدرت تشوفه مره ثانيه:الحمدلله انت شلونك يمه
آسر:الحمدلله
تبتسم وعد من لاحظته يدور عليها بنظراته تنطق:ماهي موجوده
يناظرها بإستغراب:ليه وينها
تتنهد وعد:تعبانه وراحت ترتاح
مضاوي:ما عجبتني اليوم ما أكلت  وعيونها محمره
آسر:من امس وهي كذا احد حكى لها شي او ضايقها لأنها مو راضيه تقول لي
وعد:من غير عجوز قريح وبدريه وبنتها
يشد على قبضة يده:وش حاكين لها
مضاوي:اهدى بنعلمك
تبدأ وعد تسرد له كل شي صار وكلام بدريه وكل شي
يشد على يده بعصبيه يطلع من الغرفه يتوجه للمكان اللي هم فيه يشهقون البنات من دخوله يتغطون وهو أصلن ما ناظرهم
مزون :وشفيك مدرعم كذا ما تعرف... يقاطع كلامها ينطق:أنا بقول كلامي وبس هاذي المره وان انعاد هالموال لا تلومون إلا نفسكم ولا تقولون ما قلت
مزون بحده:وش تخربط انت
آسر بعصبيه:ما كملت كلامي لا تقاطعي الكلام والخرابيط اللي انتم تحيكونها برأسكم انسوها ماني لعبه بيديكم وحياتي محدا يتدخل فيها وإلا والله ما يصير طيب ان عاد تكرر هالموضوع او بس احد يضايقها بكلمه ما يلوم إلا نفسه يكون انتي او غيرك
يطلع من عندهم بعد ما قال كلامه وهو معصب وأكثر شي معصبه ليه ما علمته يفتح باب الغرفه يناظر الغرفه مظلمه وضوء خفيف من الشباك ترتخي يده اللي شاد عليها يناظرها نايمه بهدوء بشكلها الأحب لقلبه يقرب يقعد على الأرض يمسح على وجهها ويبعد شعرها عنه :يضايقونك وأنا حي يخسون والله
يفتح ازارير ثوبه يفصخه يقرب ينسدح جنبها بحكم انه هو كمان ما نام زين يحاوطها بيد وحده ويده يمسح فيها على راسها لين ما غفى بتعب

عند البنات
رتيل وهي تنط:بنات شفتوا وجيهم كيف اخخخ والله برد خاطري
غيم:اخوي حبيبي عطاهم اللي يستاهلوه
كيان بإبتسامه وهي متكيه بيدينها على الرخام:بنات شفتوا باين يحبها مرها
يضحكون البنات كلهم على شكل كيان
ساره:شوفوا هاذي وين واحنا وين
يصرخ بصوت عالي من صوت ضحكهم :قصرن أصواتكن يا قليلات الحياء
تشهق ابتهاج:أبوي ادخلو ادخلو
يدخلون البنات قبل ما تلحقهم رتيل يشدها من شعرها ينطق بعصبيه:انتي اللي صوتك طالع يا****
رتيل وهي تحس بيده تقطع شعرها تبلع غصتها تمثل القوه وهي تعودت عليه:وخر عني 
مصعب بعصبيه يشد شعرها يرميها بقوه تضرب راسها بالرخام تمسك راسها بألم تطيح مغمى عليها من الضربه والد ٰم اللي نزف من راسها تدخل ابتهاج من سمعت اصواتهم تشهق بصدمه من منظر رتيل المغمى عليها تناظر أبوها اللي ما اهتزت له شعره  من منظرها تركض لها تناظره بدموع:يبه شسويت
مصعب بحده :ادخلي داخل وخليها اللي ما تستحي عشان تعرف مره ثانيه ترادد
تطنش كلامه تقوم متجاهله وجوده تصرخ بإسم فارس اللي سمعها وركض طيران لها يناظر فارس دموعها ينطق:ابتهاج شفيك
ابتهاج بصوت متقطع:رتـ ـيل رتيل يا فارس الحقها بتموت
فارس:ابتهاج وش تقولين وش فيها رتيل
تسحبه ابتهاج معها وهي ما هي قادره تقول له انه أبوها السبب تبيه يشوف بعينه يتقدم يناظر اللي مغمى عليها واللي واقف بدون اي ردة فعل يركض لرتيل يحملها بين يدينه ينطق قبل يخرج:تخطيت كل الحدود هاذي المره ياولد مشعل لو بس يصير فيها شي أنسى انك أبوي وما تلوم إلا نفسك
ابتهاج:فارس انتظرني بجي معك
فارس:بسرعه
تدخل ابتهاج تاخذ عبايتها تحت اسئلة البنات وما كان معها وقت تقول لاحد تطلع مع فارس بسرعه تحت أنظار العيال المستغربين وهم شافوا انه بين يدين فارس في بنت بس ما يدرون مين يركض لهم لؤي يناظر رتيل وابتهاج اللي تبكي ينطق:هو صح
فارس:لؤي فكنا الحين وأنا مانا ساكت بس بالأول نتطمن على رتيل
لؤي بعصبيه:سكتنا بما فيه الكفايه يحسب محدا بيوقفه عند حده
يمشي بعصبيه يتنهد فارس يحرك للمستشفى وهو ما عنده وقت يقنع لؤي ويفهمه
زايد وهو يمسك يد لؤي ينطق:ولد شفيك وش صاير
لؤي وهي يبعد يده:وخر عني والله لاشرب من دٰمه
يكتفه زايد ينطق:استهد بالله وش صار
لؤي بصراخ:زايد بعد عني
زايد بحده:اهدأ ماهو كذا تنحل الأمور هد
لؤي:تبيني أكون هادي وأختي يأذيها ولا يرف له جفن كأنها مو بنته
زايد:وش يعني بتدْبح ابوك لؤي أصحى ماهو كذا تنحل الأمور
يدفه لؤي يمشي لابوه اللي قاعد وسط الرجال كأنه مو مسوي شي يلحقه زايد والعيال كلهم بعد ما شافوا عصبية لؤي يسحبه من ياقة بعصبيه يقومون كلهم بصدمه ينطق بعصبيه ونار تشعل فيه:من انت عشان تمد يدك عليها تحسب انه ما وراها احد يوقفك عند حدك والله ادْبحك وأنسى ان عندي ابو
مشعل بعصبيه:يا رخمه احد يحاكي ابوه كذا
لؤي بعصبيه:انت اسكت لهنا وكفايه خلاص طفح الكيل ماهو هذا تربيتك الرديه له يعنف بناته ولا يرف له جفن هذا تسمية ابو
يضربه مصعب كف ينطق:اكسرها يدك ان عاد مديتها وأختك الـ*** تستاهل ما جاه عشان....يقاطع كلامه كف لؤي اللي علم على خده وهو ماهو نادم انه ضرب ابوه لانه تخطى كل الحدود كيف يقول كذا على اخته قدام الناس
ينطق بعصبيه:اخواتي ان عاد بيوم بس حاولت تأذيهم تلاقيني بوجهك
يطلع من عندهم وهو معصب يلحقونه العيال
ما يخفى عليه انه كان بنفس تصرف اخوه ضرب وسب وشتم لها ويا كم أذاها وهو يدري انه الحين سامحته بس مستحيل تنسى للحين تخاف منه ينطق وهو يوجّه كلامه لمصعب:يابو فارس تراك بتندم مثل ما ندمت أنا وخسرتها وصارت ما تحس بالأمان اللي مع غيري بدال ما كانت تحس بالأمان مع أبوها لا تخسر بناتك بسبب أشياء تافهه يقعد  وهو ماسك راسه ويبكي بضعف وهو فعلاً خسرها صح هي تأثرت بمرضه بس صعبة عليها تحس بالأمان معه
كانو يناظرونه وهو متأثرين  لحالته عدا مشعل ومصعب اللي شوي حرك فيه شي كلام محمد اما مشعل فكان معتبر هذا الشي تربيه وتعليم وبس وان هذا مو ظلم