تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 28

قاعد بين يدينها قهوتها وشعرها اللي يحركه نسيم الهواء الخفيف ترتشف من قهوتها بهدوء تحب اجواء الشتاء وشرب القهوه مع نسيم الهواء طالع ويبعثر شعره من الماء بثوبه وشماغه اللي ع أكتافه يناظر اللي معطيته ظهرها وترتشف من قهوتها واقف يناظرها ثواني وماسك الشماغ متنح ويناظرها ونسى وش كان يسوي يستوعب ع نفسه
زياد وهو يتنحنح:يا مره تغطي
تشهق ساره تلف الطرحه عليها تناظره:وش تسوي هنا
زياد:ليه ليكون المكان بإسمك وأنا ما ادري
ساره:ههه ما تضحك ترا
زياد بحده:ادخلي داخل لا تقعدين هنا
ساره وهي تتخصر:تعال اضربني هذا اللي ناقص مالك دخل تقلع يلا
زياد:يا مره ادخلي
ساره:مره تمرمر عيشتك قول آمين اسمي ساره ساره
يتقدم لها زياد يصير ماقبلها ينطق:لسانتس يبي له قص يابنت مشاري تطاولين علي أنا
ترفع راسها تناظره بتحدي : أنا بنت أبوي بنته أتطاول عليك واتطاول ع عشره من أمثالك
زياد وهو يناظرها بحده : بنت احترمي نفسك وقصري صوتك
تبتسم بسخريه:وإذا ما قصرت صوتي وش بتسوي حضرتك
يشدها زياد من يدها بقوه:أقصه أقصه لسانتس ذا اعرفي مع مين تتكلمي قبل تتمادي
تبعد يده بقوه توقف بتحدي ترفع سبابتها عليه:إيدك اكسرها ان مديتها علي ماني اي احد تمد يدك عليها أنا ساره بنت مشاري قوتك وتسلطك افرضها ع غيري
زياد بحده:غرورك هذا بكسره و أخليك تندمين ع كلامك والأيام بينا
ساره بتحدي :اعلى مافي خيلك اركبه
تتجاهل وجوده تدخل للبيت يشد ع قبضة يده بعصبيه
زياد بعصبيه:الايام بينا يا بنت مشاري ان ما خليت غرورك هذا يتبخر ما يكون اسمي زياد

~بعد شهر~
قاعده بغرفتها وهي اللي متضايق منه ما اتصل فيها لا مرتين وشهر ماشافته وبدون اي رساله منه تناظر جوالها بملل ع أمل تلاقي رساله منه تتنهد بهدوء ترتكي ع ظهر السرير تناظر اللي فتح الباب وبيده شنطته واقف ويناظرها تفز تفرك عيونها بعدم تصديق يبتسم يفتح يدينه لها
تفز له تضمه يبادلها الحضن بقوه يدفن راسه بعنقها
يحاوطها بإشتياق لها ولشوفتها تبعد عنه بعد فتره
تناظره وعيونها تمليها الدموع:تأخرت
آسر:في احد قال لي انه مرتاح بدوني وقررت أريحه شهر
تفتح عيونها بصدمه انه ما نسى وتأخر بسبب كلمتها له
تضربه ع صدره:انت ما تتقبل المزح ياظالم شهر شهر
يضحك آسر:عشان مره ثانيه ما تمزحين مزح ثقيل
تميل شفتها تنطق:كنت امزح وأنت اخذتها بجديه
يضمها آسر :يعني افهم انك اشتقتي لي
لورين:كلنا اشتقنا لك
يتنهد آسر من مراوغتها بالكلام:أظن سؤالي كان واضح
تبعد عنه تغير الموضوع:بكره خطبة وعد وعلي
يبتسم من تغييرها للموضوع:ايه ادري
تهز راسها بتفهم
يتقدم يتوجه للحمام "يكرم القارئ" يتروش ويرتاح بعدها
تاخذ نفس بهدوء تتوجه للسرير تنسدح وتطقطق بجوالها
يطلع بعد دقايق وهو ينشف شعره بالمنشفه تناظره لورين تنطق:تعال
يتقدم معها تخليه يقعد ع الكرسي تطلع الاستشوار يبتسم من بدأت تستشور له شعره يناظرها من المرايه وهي تستشور شعره وتحركه بيدها تكمل بعد فتره تطفي الاستشوار تبعثر شعره بيدها تنطق بإبتسامه وبعدم استيعاب:الله شعرك حلو
يمسك يدها يلفها له يشدها من خصرها ينطق وهو يناظر عيونها ويبتسم تشتت نظرها عنه تحاول تبعد يدينه عن خصرها بتوتر
آسر وهو يثبت حركتها:بس اهدي
لورين:وخر عني
آسر:لا
لورين بملل:آسر وخر عني والله اصرخ
يضحك آسر:ايه صرخي أشوف
تبدأ تصرخ بصوت عالي يحط يده ع ثغرها ما توقع انها بتصرخ:اسكتي بس فضحتينا
يحررها من بين يدينه تبعد عنه يقرب لها تنطق:والله اصرخ والله
آسر:خلاص روحي ماني مقرب لك
يتوجه للسرير ينسدح ينام تتقدم تنسدح بجنبه بمسافه تلف للجهه الثانيه يسحبها له تشهق بصدمه:اصرخ
يحط يده ع ثغرها ويد محاوط خصرها ينطق:ايه الحين صرخي
تعض يده يتأوه بألم تحاول تبعد يشدها مره ثانيه له ينطق بتعب:خلاص اهجدي ونامي
تتأفف تغمض عيونها ابتسم وهو يحس بسكونها ينام وهي بحضنه نوم عميق