تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 50

تفرك عينيها تناظر مكانه الخالي تاخذ تيشرته من الأرض تلبسه تتوجه للحمام "الله يكرمكم" تتروش، تطلع فستان باللون الأزرق الفاتح تستشور شعرها ترش من عطرها وتمرر المسك على أماكن النبض وعنقها  تاخذ جاكيته تلبسه ،تطلع من الغرفة تناظره مجهز الفطور على الطاوله بشكل مرتب وبجنبها بوكية ورد ابيضّ كبيره تبتسم تتقدم يبتسم يناظرها مقبله له بشكلها الفاتن بشكلها اللي يأسر قلبه وتخليه يضيع فيها بكل تفاصيلها اللي تجذبه تبتسم، تنطق:صباح الخير
آسر بنفس الابتسامة من اول ما شافها: صباح النور يا نور حياتي وضياء قلبي وهلاكه
تبتسم تبعد شعرها ورا أذنها ما تعرف ترد على كلامه الكثير على قلبها يبعد لها الكرسي يخليها تقعد، يقعدون يفطرون على صوت الامواج ومنظر السماء تمليها الغيوم بأجواء لندن المميزة

~السعودية~
ساره بصراخ تضرب الباب بقوه: زياد ما انت لحالك ترا اطلع
زياد: كملي نومك أنا تراني مطول
تضرب الباب بيدينها الثنتين تنطق:ليه مطول ليكون معزوم عند اعوذ بالله
يضحك زياد : يمكن ما تدرين
ساره:اعوذ بالله منك
تتوجه للسرير تطقطق بجوالها :زياد تبي اجيب لك المخده اخلص
يفتح الباب وهو لاف المنشفة على خصره ومنشفة على عنقة تناظره ترفع المخده بوجعها تنطق:وجع ان شاءالله
ما انت لحالك ترا تستر
يضحك زياد:لا تناظري طيب ولا ما تتحملين
ترميه بالمخده تنطق: وع يا شين الصباح اللي يبدي بشوفتك
يناظر وجهه بالمرايه ينطق:يا زين وجهي بس يفتح النفس مو مثل وجيه بعض الناس
تكش عليه بيدينها:وع مالت عليك أنا ليه اسولف معك واعكر مزاجي من الصباح
تتوجه للحمام "الله يكرمكم" بنرفزه من زياد
يناظر زياد دخولها يضحك ينطق: الله يكثر الأيام اللي أشوفك فيها متنرفزه مني
ياخذ ثوبه يلبسه وينسف الشماغ يلبس خاتمه ،يتعطر ، تطلع من الحمام بروبها يناظرها زياد:ترا ما انتِ لحالك تتمسك بروبها تنطق:قليل ادب وبعدين أنا ماني مثلك
يبتسم زياد : ليه أنا وش
ساره بهمس:يارب صبرني
تاخذ فستانها تنطق:اطلع برا
زياد:قوليها بإحترام
تاخذ نفس تنطق : يارب صبرني ، زياد اطلع لو سمحت
زياد:مقبول ، خمس دقايق معك بس
ترص على أسنانها تحاول تكتم عصبيتها منه ومن بردوه واستفزازه لها تاخذ فستانها وهي تتحلطم: أوريك انت تبيني اعصب صح طيب يا زيادوه
تناظر شكلها بالمرايه فستانها الأحمر بأكمام طويله ضيق من فوق يتوسع من تحت بطريقة مميزه تبتسم تنثر شعرها تستشوره وتسويه ويفي تختم أناقتها بـ روج احمر تناظر شكلها تنطق: يا حلوني حسافه علي خذيت هذاك المغرور العصبي،تقرب تطبع قبلتها على المرايه تبتسم ترش من عطرها من فوق لتحت تمرر المسك على أماكن النبض وعنقها ،تاخذ كعبها تلبسه تمشي بإتجاه الباب تفتحه تناظر يشرب من قهوته تبتسم تمشي بكعبها بكل نرجسية تملكها بالموت الحمر ، ينتبه لها وهو يرتشف من قهوته يبدأ يكح تبتسم بخفوت وهي تدري انه خفيف تضربه على ظهره بتكرار تنطق:بسم الله عليك بشويش
يناظرها وهي قريبه منه وعطرها اللي خلاه يغمض عيونه و يستنشقه تبتسم ساره تضربه على ظهره بقوه تخليه يفتح عيونه من قوة الضربه تقوم تنطق: يا الثور قوم تأخرنا
يتنحنح زياد يفتح ازارير ثوبه لأن عطرها كان مخترق كل انفاسه وشكلها يأسر قلب كل من شافها تاخذ شنطتها بعد ما لبست عبايتها تلف حجابها تفتح الباب تبي تطلع يوقفها صوته : على وين ؟
تناظره : قلت نروح لاهلنا ولا لا
زياد: اي بس ما قلت انه مسموح تطلعين بدون نقاب و بالخرابيط اللي على وجهك
تبتسم ساره تقرب له وهو يناظرها بإستغراب تحط يدها بيسار صدره تحس بصوت دقات قلبه وهو يبلع ريقه من قربها يناظرها زياد ينطق: وش تسوين انتِ؟
ساره وهي تلمس لحيته الخفيفه  تنطق:تغار علي
زياد : هاه مافي رجال ما يغار على محارمه
تبتسم ساره تقرب لخده تطبع قبله بخده تنطق: بلبس النقاب عشانك
يبلع ريقه زياد يحط يده على خده تبعد ساره عنه تكتم ضحكها من شكله تهمس: وطلعت خفيف يا ولد عمر مو كل مره تقدر تستفزني أنا اقدر اقلب حالك رأساً على عقب
ياخذ نفس يمسح روجها يهمس: وش صاير لها ذي قبل شوي تصارخ بوجهي كانت والحين تنفذ كل اللي أبيه
تطلع بعد ما لبست النقاب تنطق: نروح
يهز راسه بدون ما يناظرها تكتم ضحكها عليه تهمس: والله اني داهيه