تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 44

بيت ابو مُلهم "تركي"
يشرب قهوته بوجود كيان معه ومُلهم اللي قرب وصوله بحكم شغله
كيان:يبه وش الموضوع اللي تبي تعلمنا فيه
ابو مُلهم:خلي اخوك يجي بعدين أعلمكم
تسكت بإستغراب من جدية أبوها ووش هو الموضوع اللي يبيهم فيه توجه أنظارها للباب تنتظر دخول مُلهم تاخذ جوالها ترسل له "وينك؟
يرد عليها "قريب البيت ليه صاير شي؟
كيان "لا لا تخاف بس اسأل
تسكر جوالها تسمع دخول سيارته يدخل يناظرهم متجمعين ينطق:عساه خير
كيان:جابك الله تعال
يتقدم مُلهم بتعب يرمي جاكيته على الكنبه ينطق:وش عندكم
ترفع أكتافها بعدم معرفه:أبوي عنده شي
مُلهم:وش صاير يبه
ابو مُلهم:كل خير بس ودي نعود لسعوديه وأنا ماني مرتاح هنا مافي زي الديار وقلت أشوف رأيكم وأنتم وش تبون؟
تبتسم كيان:يبه راحتنا من راحتك وان كنت تبي تعود لسعوديه نحنا معك
مُلهم بنفس الابتسامه:صح كلام كيان ما عندي مشكله
يبتسم ابو مُلهم:زين دامكم موافقين اطمنت ،بس انت وش تسوي بشغلك
مُلهم:لا تخاف هذا عندي بس متى تبون نعود لسعوديه
ابو مُلهم:أنا أقول مع محمد احسن كلنا
يهز راسه مُلهم:زين أنا بكلم آسر ونشوف الحجز
تنط كيان : خلاص أنا بروح اجهز ملابسي
ابو مُلهم:اي يابوك من الحين لا تأخرينا بعدين
تضحك كيان ترقى الدرج ترتب ملابسها وهي لو ان مو ٰت امها كان بالسعوديه ومتأثره إلا انها ما تبي ترفض طلب أبوها وهي تحب تزور أماكن وتصور تحب تستكشف كل شي ومعها كاميرتها

الديره
قاعدين بملل وكل وحده تناظر الثانيه بملل
رتيل بتأفف:اففف شفيكم كذا ما عندكم فعاليه
ضي:وش من فعاليه تبينا نطلع المريخ يعني
ابتهاج:صادقه ضي كلنا طفشانين بس وش نسوي
تدخل غيم ومعها غيث اللي يشدها من الطرحه  وهي ماسكه شنطة فيها اغراضه تنطق:ساعدوني
يلفون لها البنات يضحكون بصدمه من وجودهم تقوم رتيل تاخذ غيث منها تبوسه على خده تنطق:يالبى حبيب عمته
يشدها غيث من شعرها بحركة طفوليه تصرخ رتيل:ولد فك شعري
تضحك غيم وهي تبعد طرحتها تنطق:جربو من معاناتي شوي
يضحك غيث بفرح  وهو شاد شعر رتيل تمسك يده رتيل تحاول تخليه يفك شعرها تناظر يده اللي مليانه من شعرها :ياويلي على شعري
تاخذه ابتهاج منها تلاعبه وتبعد الشعر من بين أصابعه الصغار
ضي:اخيراً تذكرتينا
غيم:شسوي ماهو بيدي شغل لؤي كذا ويالله يالله عطوه اجازه اليوم
رتيل:ايه عندك جديد قديم
غيم بإبتسامة :اي عندي وعد أرسلت لي انه بكره بيرجعون كلهم وآسر  صحى وعمي محمد بيكمل علاجه بالرياض
رتيل بصدمه:احلفي
غيم:والله عشان كذا لؤي حاول ياخذ اجازه
ضي:الحمدلله روحي علمي أمك ماغير تبكي مسكينه
غيم وهي تقوم:بروح لها غيوث معكم وإذا بكى الرضاعه بالشنطه والحليب بالشنطه و...
ضي بضحك:خلاص روحي ما عليك ولدك في الحفظ والصون
تضحك غيم تروح تعلم امها
ابتهاج وهي تلاعب غيث اللي يضحك معها تناظره رتيل:اي يا سلوقي أنا تشد شعري وابتهاج تضحك معها
تضحك ابتهاج تقرب ضي تبوسه على خده تنطق:يقلبي ناظري كيف يضحك وفرحان
يطق الباب لؤي تقوم رتيل تنطق:مين؟
لؤي:أنا لؤي
رتيل:ضي حطي طرحتس لؤي بيدخل
تحط طرحتها ضي تفتح الباب رتيل يبتسم لؤي ينطق:حيا ام لسان كيفك
تكشر رتيل:حتى انت
يضحك لؤي يفتح يدينه لها :امزح معك تعالي
تبتسم تضمه وهو تدري بمزحه وكيف هو يحب يمازحهم وما يكون جدي معهم كثير عكس فارس صح فيه شي حنيه بس فارس ما يمزح مع احد
لؤي:ادخلي داخل وخليهم يتغطون بدخل اسلم على جدتي وامي
رتيل:أنادي لك امي عجوز قريح ماهو بضروري تسلم عليها
يضحك لؤي:عيب لازم يلا روحي
يناظر لؤي غيث اللي بيد ابتهاج وتلاعبه وتمسكه من خدوده وتبوسه كثير ينطق بضحك :ابتهاج بس ذبـ ٰحتيه
ابتهاج:عسل عسل ينوكل لمين طالع عنده غمازه
يضحك لؤي وهو تذكر لما قال جده انه طالع عليه:طالع لشيبه
تضحك ابتهاج:الله لا يقولها طالع لامه عندها غمازه
يبتسم لؤي وهو فعلاً عندها غمازه وغيث مثلها
رتيل:لؤي ادخل
يدخل لؤي يسلم على امه وجدته
مزون:الحمدلله تذكرت ان عندك أهل
يبتسم لؤي:ما نسيتكم يا جده بس كان عندي شغل ولا قدرت أجي
مزون:اي اي كل واحد مجهز عذر خلاص ما عندكم أهل تسألون عنهم عيال آخر زمن يسوون اللي براسهم
يتنهد لؤي يقوم بعد ما سلم على امه وعماته ومضاوي اللي استهل وجهها بعد ما سمعت انه آسر بخير وكلهم فرحانين برجعتهم يطلع لؤي تلحقه غيم تحاوط يده:ليكون تضايقت من عجوز قريح
يضحك لؤي:لا كلامها المعتاد عادي
تبتسم له يقبل راسها ينطق:أنا بطلع الحين وبآخذ غيث معي أبوي يبي يشوفه
تهز راسها تتوجه للبنات تناظره مع ابتهاج وضي يلاعبونه
غيم بإبتسامه:ابتهاج عطيني ياه لؤي يبي ياخذه معه
تبوسه ابتهاج بقوه تعطيه غيم تعدل له لبسه وتمسح على وجهه من بوسات ابتهاج له وتضحك تاخذه تمده للؤي ينطق: هلا بالشيخ
تضحك غيم:الشيخ مبسوط وهم يبوسونه ويضحك
يضحك لؤي:مسكين ابتهاج ما خلته فحاله
تاخذ جوالها تنطق:اصبر بصوركم
يبتسم لؤي يوجّه راس غيث لغيم اللي حاط إصبعه بفمه تبعد غيم يده عن فمه:لا لا يدك لا
يضحك لؤي:صوري صوري
تاخذ لهم صوره وغيث يرجع أصبعه لفمه تضحك غيم يطلعون برا لمجلس الرجال