تباهي بجمالك يا لورين الآسر وازهي بحبي واحيي فيني شعور كنت اجهله

بارت 52

اديم: يمه أنا ما أبيه تعبت منه
تكش عليها بدريه تنطق: كنتي تفكري قبل لا تسوين اللي سويتيه أنا كم مره قايله لك ابعدي عنه هالآسر بس راسك يابس شوفي وين وصلتي بسبب عملتك
تتنهد اديم تنطق: يمه خلاص غلطت كله بسبب الملسونه رتيل وآسر كان لي وخطفته مني بنت محمد
بدريه بحده تنطق: لا تجيبين طاريه مره ثانية الرجال متزوج وخلاص وانتي تزوجتي سكت لك كثير بس انتي ما تشوفين انه ما يبيك وانتي للحين تفكرين فيه ومتوقعه منه يحبك ويجيك
تتأفف اديم تنطق: يمه انتي جيتي الحين بس تصارخين علي وبعدين إذا ما كان لي آسر ما بخليهم يتهنون
بدريه: اقلعي الشيطان وابعدي هالافكار من راسك انتي تدرين ان ابوك معصب منك للحين لا تسوين شي تكون نهايتك على يده
تبتسم اديم بسخريه تنطق: هالمره بحسب كل خطوه بخطيها
تناظرها بدريه بعدم فهم تنطق: وش تقصدين؟
اديم: مو الحين قريب تشوفون ان ما خليتهم ينفصلون ما يكون اسمي اديم
تنتبه لجوالها اللي يرن ترد تنطق: هلا بندر
بندر:يمه عجلي أبوي معصب
بدريه:زين زين جايه
تقوم وتاخذ شنطتها تنطق: ما ادري انتي وش مهببه بس أنا حذرتك ابعدي لك منهم
اديم: لا تشيلين هم أنا حاسبه لكل خطوه بخطيها
بدريه:الله يستر هذاني محذرتك
تطلع بدريه لـ بندر اللي منتظرها تركب السياره تنطق:حرك
بندر:هذا وانا قايلك يمه لا تطولين
بدريه:الحين انت تحاسبني وبعدين قعدت اسولف مع أختك ولا حرام
يتأفف بندر يسكت بدون رد يحرك

~الصباح الديرة~
تنزل من السياره وهي تتحلطم ، يناظرها زياد ببرود ينطق: شنطتك
تناظره تاخذ شنطتها تمشي قدامه وهي تتحلطم وهو وراها ويناظر حلطمتها تهمس وهي تمشي: وانا مفكره بنروح شهر عسل صدق بدوي ما أبيه
زياد : وراك تتحلطمين امشي قدامي
تاخذ نفس تدخل بيت "عمر" ترمي الشنطه تحت أنظار البنات تفصخ نقابها اللي للحين ما تعودت عليه تنطق: الله يأخذك ، تتوجه للغرفة والشنطة بيدها تدخل الغرفة ترمي الشنطه على السرير تسكر الباب تنطق: ما بطلع أشوف من يسوي الذبيحة
يطق الباب تفتح له مضاوي بعد ما دخلوا البنات يقبل راسها ينطق: شلونك يمه
تبتسم مضاوي: الحمدلله انت شلونك
زياد: الحمدلله يدور بإنظاره عليها ينطق: وينها
مضاوي:بغرفتها تبي منها شي
زياد:بغرفتها هاه ،لا يمه أنا بروح لها
يمشي بإتجاه الغرفة يطق الباب وهي قاعده على السرير تنطق:مين؟
زياد:افتحي
تبلع ريقها تقوم تفتح الباب تحاول تبين قوية قدامه تناظره ببرود تنطق:نعم
يناظرها من فوق لتحت وهي ببجامتها بالمعكوس ولافه شعرها بقلم يحط يده على ثغره يكتم ضحكه ينطق: أنا وش قايل لك
ساره بإستغباء:وش؟
زياد:الذبيحة ولا نسيتي
ساره:اسمع ماني طابخه يكون بعلمك أنا ما أعرف إلا إذا تبيني أفشلك قدامهم
يحط يدينه يجيوبه ينطق: أنا أعلمك ، وش عذرك الحين يا بنت مشاري؟
تاخذ نفس وهي تبيه ما يخليها تطبخ بس هو مُصر تنطق: طيب بس ترا ما دخلني لو صار شي
يهز براسه زياد تنطق: يلا
يناظرها بنص عين: على وين؟
ساره: شفيك انت، زهايمر عندك مو انت تبيني اطبخ الذبيحة خلنا نروح
زياد: أنا اقول شكلك بتعبيني معك زياده اسمعي يا مره بالشكل ذا ما انتي طالعه غيري لبسك 
تناظره ساره تنطق:طيب يا ولد عمر تآمر على شي ثاني
يناظرها زياد بدون رد تسكر الباب بوجهه يكشر زياد ينطق:قد الحركه
ساره وهي سمعته تنطق: قدها
زياد:طيب نتحاسب بعدين