النـــجمة🫶🏻
-الديــرة
قاعد بينهم ما يدري كيف يبدأ بموضوعه اللي صبر كثير عليه ولا عنده القدره يصبر اكثر يخاف يتكرر اللي صار معاهم وتروح من بين يديه مره ثانيه يأخذ نفس ينطق:ودي أكلمكم فموضوع يخصني
مصعب:وش عندك
يتنهد يلف لعمّه عمر ينطق:أنا جيتك مره ثانية وطالبك ما تردني أنا جيتك طالب يد بنتك مره ثانية ع سنة الله ورسوله
عمر:ونعم فيك وأنت تدري اني ما رفضتك لكن كان قرارها وبألاخير الشور شور البنت
مشعل:رجل كرسي أنا يوم انك تطلبها اطلبها مني
لؤي: محشوم يا جد بس البنت تنطلب من أبوها وأنت كمان لك الشور بس بالأول والأخير شور البنت اهم
مشعل:خرابيطك ذي خلها أنا ان وافقت يصير خير
عمر:يبه ليه ما توافق انت شفت يوم عطيناها للغريب وش صار بالبنت وابن عمها أولى بها
مشعل:ما قلت شي بس يوم يصير رجال عطيناه البنت
يشد ع يده بعصبيه من كلام جده:رجال طرق عنكم وان ما اخذتها ما ياخذها غيري وإذا البنت موافقه انت ماتدخل
مصعب:قصوا لسانك اوزن كلامك مع جدك
لؤي بسخريه:أنا اللي اوزن كلامي ولا أبوك اللي يوزن كلامه يوم انه يقول عني مو برجال تباني اسكت يشكك برجولتي ماني بساكت لاحد منكم والبنت مآخذها مآخذها واللي عنده اعتراض الجدار يستقبله
يطلع من عندهم بعصبيه من جده اللي يأخذ قرارت حياتهم كانهم لعبه بين يديه
عمر:يبه الولد رجال ويستاهلها ماله داعي كلامك له انت تدري وش يعني انك تشكك برجولة احد
عزام:عمر صادق يبه الولد طلبها مرتين وأنت تدري وش عواقب المره اللي قبل و لؤي رجال ويستاهلها والبنت لولد عمها لاتخلي الغلطه تتكرر مرتين
مشعل:خلاص بس يصير خير بس ان جاء واعتذر مني عطيته البنت
عمر:يبه ع وش يعتذر من الغلطان انت ولا هو
مشعل بحده:قول اني غلطان قول ان ماجاء واعتذر مني البنت تحرم عليه تفهمون
يستغفر عمر ما بيده شي
((بـــاريــس))
محاوطه يده تحت امطار باريس بالثلوج شكل ديزني لاند والأضواء اللي تملي المكان مع الأصوات والأغاني كان جو مثالي تناظره تنطق:ودي نلعب
آسر:تم تعالي
يركبوا اللعبه بحماس تربط الحزام يبتسم لها ينطق:عطيني يدك
تعطيه يدها تشبكها بيده تبدأ اللعبه تتحرك بهدوء عكس اللي ينتظرهم ناظرها وهو ينطق بإبتسامه:سهله لا تخافـ... ما كمل كلامه و سرعان ما تلاشت ابتسامته من بدأت اللعبه تتحرك بشكل اسرع كانت مغمضه عيونها وتصرخ:يــــمه
،شاد ع يدها وعيونه اللي ما يقدر يفتحهم ولا قدر يصرخ وقفت اللعبه بالأعلى فتح عيونه يناظر اسفلهم ينطق بين خوفه يبلع ريقه من المنظر اسفلهم:مو وناسه هاذي استهتار بالأرواح
شدت ع يده من حست بتحرك اللعبه تنطق:اشهد ان لا اله الله تتحرك اللعبه بسرعه يبدأ يصرخ بصوت عالي اكثر منها : وقفها العنبو شكلك
لورين بصراخ : والله ما أسامحك يا آسر
آسر وهو مغمض عيونه:شدخلني غمضي عيونك وبس
توقف اللعبه بعد صراخهم تاخذ نفس يمسح ع ملامحه من الخوف ينزلوا من اللعبه يناظر العامل ينطق وهو يأخذ نفس:وش ذي اللعبه تستهتروا بأرواحنا انتم
كان العامل متصنم وما يفهم شي من كلامه تناظره لورين تنطق:شفيك انت اثرت عليك اللعبه الرجال ما يتكلم عربي
آسر بإستيعاب : صادقة والله ان ذي اللعبه عصرت مخي
تضحك من كلامه تنطق:ودي بشي دافي نشربه
آسر:قهوه ودونات
تهز رأسها بالإيجاب يدخلوا يأخذون لهم قهوه ودونت بشكل ميكي ماوس تناظر شكل الدونات تنطق بإبتسامه:كيوت
آسر:بالأول والأخير تراك بتأكلينها ما بتظل كيوت يمد يده يأخذ الدونات
تمسك يده تنطق:انتظر بصور
آسر:يا ذا الليل بسرعه
تاخذ جوالها تبدأ تصور يمد يده يأخذ كوبه تضربه بطرف يدها تنطق:ابعد مافيك صبر خلني أصور
آسر:شدخل قهوتي بتصويرك
تأشر له بالسكوت يتكتف ينتظرها تخلص تنطق:خلصت
لورين باستعجال:خذ كوبك
يأخذ الكوب حقه ينطق:أخذته
لورين:تعال نتصور
يضحك بذهول منها ينطق:كل شي تصوير
لورين وهي تصور:طبعاً
أنت تقرأ
تباهي بجمالك يا لورين الآسر وازهي بحبي واحيي فيني شعور كنت اجهله
De Todoإنّي لأنظر في الوجودِ بأَسرهِ لأرى الوجوهَ، فلا أرى إلاّك قالوا ويخلقُأربعينَمُشابها من أربعينك لا أريدُسِواك الكاتبه:خَـيـَــال
