تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 17

-يصحى من نومه يناظر مكانها الخالي يتمغط يحرر شعره بيده يتوجه للحمام "يكرم القارئ" يأخذ شور سريع يطلع له بنطلون اسود وبلوزه بنفس اللون يطلع برا الغرفه يتوجه للإسطبل لانه صار مكانها المفضل ووقت ما يلاقيها بالغرفه يجي باله انها بالإسطبل يتقدم يناظرها فوق الخيل مع لباس الخيالة وشعرها اللي يحركه الهواء يفز بخوف من ناظرها رافعه يدينها للهواء تاركه الخيل يمشي بدون ما تتحكم فيه تناظره تأشر له بمعنى عادي تنزل من ع الخيل تتوجه له تنطق:صباح الخير
آسر بإبتسامه:والله ان الخير شوفتك
تبتسم بخجل من كلامه المعسول اللي يسمعها ياه بكل مره يشوفها تنطق:تجي تجرب معي
يبتسم ينطق:دامه معك ايه
تتقدم معه تركب ع ظهر الخيل وهو وراها تلف له تنطق:ما بركض فيه بسرعه عشان ما نطيح
آسر:اوك
تبدأ تمشي بهدوء فيه يحاوط خصرها بيد وحده من الخلف ينطق:اسرعي فيه لا تخافي ما بنطيح
يقشعر بدنها من مسكته تهز رأسها تبدأ تحرك أحبال الخيل وتخليه يسرع هو ما انبسط انه فوق الخيل كثر ما انه مبسوط انه معها
توقف الخيل ينزل يعدل بلوزه يمد لها يده تناظره ماد لها يده هي تعرف تنزل وبكل سهوله بس ما حبت انها ترفض تمد له يدها تبتسم تمد يدها له ينزلها تنطق:شرايك
آسر:بيرفكت
لورين:الله تعرف إنجليزي
آسر:افا قدامك محقق
تبتسم له ينطق:تعالي نروح نفطر
تهز رأسها تنطق:بغير لبسي واجيك
آسر:طيب

-الديره
مشعل بعصبيه:أنا ما حكيت لهم انه الموضوع ما يبا له محاكم تبون تفضحونا ويحكون عنا الناس
عزام:يبه استهد بالله وش من فضيحه البنت دافعت عن نفسها والحين بيطلعون براءتها لانه دفاع عن النفس كان
مشعل:انت اسكت انتم تبون تخربون سمعتي اللي حافظت عليها سنين الحين يجون عيالكم يخربونها لا والله يعقبون
عمر:يبه أنا ساكت ومحترمك لأنك أبوي بس ما أرضى بنتي تنظلم او انه احد يمد يده عليها وهي الحين راحت تأخذ حقها
مشعل:لا انتم بعقولكم شي أكيد،فارس
فارس:سم ياجد
مشعل:اتصل ب آسر الحين تقول له يعود م مع حرمته وخواته ولا اسمع اعتراض
فارس:بس ياجد مشعل بعصبيه: نفذ وبس
يتنهد فارس يرن ع آسر يرد عليه ينطق:الو
آسر:ارحب يا فارس
فارس:البقى كيفكم
مشعل بحده:اعجل
آسر وهو عاقد حجاجه:الحمدلله بس وش فيه جدي
فارس:يبيكم تعودون الحين لديره وتلغون كل شي
آسر:وشو مانحنا معودين للديره إلا بعد مع اخلي الرخمه يتعفن بالسجن،عطني ياه
يمد فارس الجوال لجده ياخذه ينطق:عود يا آسر ماهو بمصلحتك تعصيني
آسر:يا جد افهم ماني معود غير لمن تنحل القضيه
مشعل بحده:اسمعني زين تعود بدون فلسفتك انت تدري انها فضيحه تطلع البنت بمحاكم لا ووش متهجم ع رجال هاذي يبغا له تربيه
آسر بنفس الحده:أنا احترمتك كونك جدي بس إذا هاذا كلامك ماني محترمك وأختي وادري فيها ماكان إلا دفاع عن نفسها وإذا طلعت بمحاكم وش الفضيحه بالموضوع إذا ما انت موافق فما يهمني احترمتك لين نفذ صبري أنا ظلمتني بشي ما سويته وزوجتني بالإجبار وسكتت بس اختي لا تدخل فيها
يسكر الخط ما يسمع رده من عصبيته يناظرها تناظره هي سمعت كل شي وكيف انه ندمان للحين عن زواجهم هي تدري انه مجبور بس لو مجبور ليه يعلقها فيه وهي بعد ما وثقت فيه وحاولت تتقرب منه يبعدها عنه يناظر دمعته اللي نزلت تمسحها بسرعه ينطق:لورين اسمعيني فهمتي غلط
لورين:لا تخاف مافهمت شي غلط وهذا الصدق احنا متزوجين بالإجبار فلا تبرر لي
آسر:هذا كان قبل بس الحين تقاطعه تنطق:مايهم
يناظر محاجر عيونها المليانه بالدموع ينطق:إلا يهم أنا صح كنت مجبور بس تدفه وهي تبكي:بس وش بس وش تعلقني فيك وتسمعني غزل وأبيات وكلام حلو ولو احد سألك تقول متزوجها بالإجبار أنا ماني لعبه بيديكم افهموا مشاعري مو لعبه يا آسر تضرب صدره ببكاء يناظر انفعالها يمسك يدينها يضمها له ينطق:بس بس اهدي والله ما العب بمشاعرك أنا فعلاً اهتمّ لك
تبعد عنه تنطق:لا تكذب علي تعبت تعبت اسمع كلام أبوي اللي مثل السم وتعبت اسمع كلامك المعسول وتثبت لي عكسه ابعد عني وريحني واذا ما تبغاني طلقني أريح لنا
بنصدم من كلمتها ينطق بإنفعال:ماني مطلقك شفيك أنا قلت كلامي بوقت عصبيه مو بالقصد
لورين:وكل ما عصبت تقول تزوجتها بالإجبار
يتنهد ينطق:اسمعيني
لورين:مابي اسمع شي ابعد
تطلع برا المطبخ تبكي ترقى الدرج تتوجه لغرفتها تسكرها تبدأ تبكي هي كل ما حاولت تعطيه فرصه تحسه انه مايبيها وهي مجرد شي عادي عنده
يتنهد يضرب يده بالجدار بعصبيه ياخذه مفاتيح السياره يطلع برا البيت هو اليوم حس انها ع طبيعتها معاه وتبتسم له خرب كل شي الحين بكلمته