تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 25

قاعدين بمكان يقدر يفهمها وتسمعه بدون هروب ينطق وهو ماسك يدينها ويناظر دموعها:اسمعيني
تغمض عيونها تبلع غصتها تنطق:أسمعك
يتنهد آسر وهو ماسك يدينها:
يوم انك طلعتي من الغرفه وحكيتي لي انك بتنامي مع البنات حكيت لك وأنا بسهر مع العيال صح؟
تهز راسها وهي تنزل دموعها يتنهد يكمل: بعد ما طلعتي أنا رحت للحمام اتروش ولما طلعت كانت هي موجوده والله ولا ادري وش اللي جابها والله مابينا شي أوثقي فيني مآبي أخسرك بسببها انتي اكثر شخص اخاف افقده أبيك معي أبيك توثقي فيني وتصدقي كلامي يشد ع يدينها يلف وجهها له و يناظرها : انتي لي وأنا لك وأنتي كفايتي عن الكل لا تفكري بيوم ان القلب يميل لغيرك 
تبعد يدينها من يدينه تمسح دموعه تتنهد تميل راسها من تعبها استوعبت شوي مبرره للي شافته هي تدري ان اديم تكرهها وتحب آسر بس ما فكرت انه توصل لذي المرحله من الكره لدرجة تخرب علاقتها ب آسر تحاول تفكر وتستوعب انه آسر مستحيل يلتفت لأديم مهما كان
لورين بهدوء:ودي ارجع للبيت
يتنهد آسر بهدوء من عدم ردها ع كل كلامه  يقوم تقوم معه يركب السياره يسوق السياره طريق طويل يحكمه الصمت بينهم سانده راسها على الشباك وحاطه يدها ع راسها بصداع يتنهد يناظر تعبها ينطق:أكلتي
تسكت بدون رد يضرب يده بالدركسون ينطق بحده:يوم اني أكلمك لا تطنشين
تمسك راسها بصداع تلتزم الصمت وذا اللي زاد عصبيته يلفها له بقوه:لا تتجاهليني وجاوبي ع سؤالي
تبعد لورين يده بتعب:آسر تكفى ماني ناقصه
يضرب يده بعصبيه تتجاهل عصبيته بتعب وهي ماهي بمزاج له ولكلامه يسحب القير بقوه يزيد سرعته بعصبيه
لورين ببحه:ايه هذا اللي تبيه نسوي حادث وأموت
مايرد يزيد بسرعته تتمسك بباب السياره بتعب تنزل راسها يخفف من سرعته من ناظر سكونها لورين بإستعجال:افتح الباب افتح
يفتح لها الباب بإستغراب تنزل تستفرغ "الله يكرمكم" يقرب   لها بخوف تنطق:ابعد كله منك ارتحت الحين
تركب السياره تشرب مويه وتنزل راسها بتعب يركب السياره
يناظرها بهدوء:أكلتي
لورين بتعب:لا بس ودني للبيت
يتنهد آسر من اهمالها يوصلوا بعد دقايق للبيت تنزل بسرعه تدخل بيت أبوها تدخل الحمام بسرعه تستفرغ بتعب تطلع من الحمام تمسح ع وجهها تتوجه لسريرها بعد ما فصخت عبايتها تنسدح بتعب
يتنهد بقلة حيله منها هو يدري انها ما راحت تأكل ولا بتهتم يطق الباب تطلع له اديم تبلع ريقها بخوف منه يمسكها بقوة من معصمها ينطق بحده:قدها يوم انك تسوين كذا
تتأوه بألم من شدته يزيد ضغطه ع يدها بقوه ينطق بعصبيه:والله ان ما خليتك تعضين ايامك ندم ع فعلتك يا بنت عزام اللي مصبرني انك مره ولا كان علمتك من هو آسر
يترك يده يزفر بعصبيه
اديم وهي تبكي:تكفى لا تعلم أبوي بيذ*بحني لو درا
آسر بحده :يوم انك تسوين كذا ما فكرتي بأبوك
تسكت اديم بدون رد تخاف انه يعلم أبوها باللي سوته
آسر بحده:تروحين تعتذرين من لورين وتحكي لها الصدق ما هو خرابيطك تفهمين ولا والله تشوفين وجهي الثاني ومحدا بيفكك من يديني آسر بصوت عالي:سامعه
تهز راسها اديم وهي مرعوبه منه:طيب
يطلع يزفر بعصبيه منها يفتح ازارير ثوبه بعصبيه ياخذ باكيت الدخان من مخباته يلطع زقاره ينفثها بين شفايفه يسحب الدخان ويطلعه يطلع جواله يتصل لوعد يوصله صوتها بـ أهلين
آسر وهو ينفث الدخان:تروحين لبيت عمي محمد وتقعدين مع لورين تريها تعبانه
وعد:سلامتها وش فيها و وينكم اليوم ما تردون ع اتصالاتنا
آسر:وعد بلا كثرة أسئله تروحين لها بدون لا تسأليها شي نفسيتها تعبانه ولا تنسي تخليها تأكل
وعد بهدوء:طيب لا تخاف الحين بروح
يسكر الجوال يكمل ينفث دخانه