تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 37

أصوات إسعافات وشرطة تعم المكان يحاولون يطلعونه من السياره لأنها بأي وقت بتنفجر يطلعونه بصعوبه وجروحه كانت عميق ينادون الطاقم مع سرير النقل يحملونه بهدوء بحيث ما يسببون له أضرار لانه الحادث ما كان سهل تتحرك سيارة الإسعاف بسرعه يباشرون طاقم الطوارئ بعمل جهاز الأكسجين له ويسعفونه حتى يوصلوا للمستشفى
مرت اكثر من ساعه وهو لا يدق عليها ولا يستجيب لمكالماتها ودموعها ما وقفت خوفاً عليه تعيد الاتصال فيه لعل وعسى يرد ويطمن قلبها تبتسم بفرح تاخذ الجوال تقرب لاذنها تنطق بلهفه:آسر وينك ليه ما ترد ع اتصالاتي
النيرس: The owner of this phone was in an accident and is now in the hospital****
(صاحب هذا الهاتف تعرض لحادث وهو الآن في المستشفى****)
ترجف يديها من اللي سمعته يطيح الجوال من يدها ويدها ترجف ماهي مستوعبه اللي سمعت
النيرس:Hello!
تسكر الخط من ما سمعت رد وهي ع حالها ترجف من اللي سمعته ولا استوعبت تقوم من السرير وثغرها يرجف وأطراف يدينها باردات تفتح الأدراج بعشوائيه تطلع ورقه مكتوب فيها رقم مُلِهم لانه عطا رقمه آسر وهي ماتدري ع من تدق وهي لحالها بالفندق تمشي الجوال تنزل تاخذ تسجل الرقم بصعوبه من يدينها اللي ترجف تدق عليه يوصلها صوت مُلِهم اللي عرف ان الرقم سعودي :الو
لورين وهي ترجف:تكفى آسر بالمستشفى سوى حادث تعال خذني له
يقوم من ع الكرسي بخوف ينطق:جايك جايك
تسكر المكالمه تاخذ عبايتها وهي ترجف ودموعها تنزل
يوصلون المستشفى بعد ما جا لها مُلِهم ومعه كيان عشان تكون معها تمشي بسرعه ما تستوعب شي غير انها ما تتحمل فقده يسأل مُلِهم عن  آسر وقال له انه بالعمليات
تطيح ع الأرض وهي حيلها مهدود من جهة أبوها ومن جهة ثانيه آسر تحط كفوفها ع ملامحه تخفي شهقاتها وبكاءها
تتقدم لها كيان تهديها تناظرها لورين وهي ماهي فأهمه وش بينها وبين آسر بس ما اهتمت لها الحين كل اللي همها انه يكون بخير

السعوديه
لابسه فستان اسود علاقي بفتحه كبيره وشعرها ستريت يدخل ومعه باقة ورد احمر كبيره تبتسم تناظره وهي تعودت انه أغلبية الأوقات يهديها الورد بالوانها وبالذات الاحمر يتقدم لها يضمها وهو ماسك الورد تبتسم تبادله الحضن يبعد عنه يقبل خدها بعمق تتورد وجنتيها ينطق وهو مبتسم:احترت من الورد فيكم
تبتسم وعد تاخذ الورد منه تستنشق ريحتهم تنطق:بسويهم بالفازه واجيك
يهز راسه بتفهم يناظرها وهي تطلع الورد وتخليه بالفازه
تخلص من الورد تتركهم ع الطاوله تتقدم له تناظر يشغل السماعه يقرب لها ياخذ يدها يدور حول نفسها يتركها  تبدأ تتمايل وعد معه ويعزز لها ويصفق ويهز أكتافه معها ع كلمات الاغنيه :

لو بس ترجع خطوتين
تهزي أكتافك عاليمين
ميلي ميلي عالميلين
أجمل ما شافت عيني

يبتسم علي يقرب لها يصير ظهرها مقابل صدره:ايه والله أجمل ما شافت وصادفت عيني
تبتسم وعد تكسر حاجز الخجل وهي بدأ تتعود عليه يمسك يدينها يرقص معها يطفي السماعه يقرب لها يقبل خدها و...

الخبر
يملي البيت صوت بكاء غيث وغيم تهديه بين يدينها تنطق:لؤي اطلع برا
يضحك لؤي بصدمه:بسم الله عليك شفيك
تعض شفتها بإحراج:اطلع برضع الولد
يتكتف لؤي:ايه عادي
غيم:لؤي اطلع
يضحك لؤي يقوم :ابشري
تاخذ غيث ترضعه يهدأ غيث تزفر براحه غيم من هدأ
يخلص تاخذه تغطيه وتنومه يدخل بعد دقايق لؤي وبيده الأكل يتقدم لها ينطق:ان شاء الله تحبين أكلي
تبتسم غيم:احبه ليه ما احبه اي شي منك حلو ولذيذ
يبتسم لؤي يلامس وجنتها:والله ما الحلو الا كلامك وانتي اللذيذه
تبتسم غيم يقرب لؤي يبي يقبل وجنتها يبكي غيث تلف غيم عن لؤي يناظره لؤي:بدينا من الحين
تضحك غيم ع لؤي اللي تنرفز من غيث ترجع تنومه تلف للؤي اللي يأكل بغيض تضحك بذهول:شفيك
لؤي:ولدك هذا ما يستحي أنا أوريه يخرب علي لحظاتي
تضحك غيم تقرب تبوس خده يبتسم لؤي يمسك خده:ايباه
تبتسم غيم تبدأ تأكل وهو يأكل معها وغيث نايم
غيم وهي تأكل:آسر دق عليك اليوم
لؤي:لا والله بس الحين ادق عليه
غيم:اي بالأول خلص اكلك بعدين ندق عليه

يلعبون كيرم مع بعض وبحماس
تصرخ رتيل من دخلت 2 من الأحجار  في الحفره تاخذهم بفرح:استسلموا خلاص
إبتهاج: لا حبيبتي وبعدينا تونا بالبدايه
ضي:يبي لها تركيز لانه ما معي ولا حجر
اديم:عطيني دوري الحين
تبدأ اديم تضرب ضربه تتحرك الأحجار بدون ادخال ولا شي
يكملون لعب بعد دقايق يكملون لعب رتيل وهي ترمي الأحجار:قلت لكم استسلموا من الأول
ابتهاج:بالصدفه
تضحك ضي:صح بالصدفه ولا كنا بنفوز صح يا ابتهاج
تهز راسها ابتهاج
اديم:غش اكيد غشيتي
تاخذ الكيرم رتيل ترفع لفوق:اسكتي احسن ما أخليك جثة هامده هنا مالت عليك انا ما اغش
تنزل الكيرم رتيل تشمق لها اديم تسكت
ابتهاج:بنات احد اتصلت ع لورين اليوم محدا دق غريبه
ضي:ايه والله بالعاده يدقون يطمنونا ع عمي محمد
اديم بسخريه:انتم مصدقين أنهم رايحين عشان مرض اكيد أخذوها حجة يسافرون
تناظره رتيل:جعلك العمى ياللي ما تستحين فكوني عليها انتف شوشتها قليلة الحياء
تمسكها ابتهاج :اقعدي فكينا لا تشيلين بكلامها
ضي:اديم عيب وش اللي تقولينه عمي محمد مريض وما راحوا الا عشان علاجه
اديم:صدقوا إذا ودكم بس أنا ما همني
تشهق رتيل:والله يبي لك تكفيخ زمان عن ما نتفت شوشتك
تطلع اديم من عندهم تزفر رتيل تناظر ابتهاج:كان خليتيني انفرد فيها هالملسونه
ابتهاج:خلاص ماهو وقته خلينا ندق ع لورين نتطمن عليهم
تاخذ الجوال ابتهاج تدق ع لورين
ابتهاج:لورين كيفك يقلبي
تسمع صوت ابتهاج تشهق بقوه وهي تبكي:ابتهاج
ابتهاج بخوف:لورين حبيبتي شفيك عمي فيه شي
تهز راسها بالنفي:آسـ ر سوى حادث
تشهق ابتهاج بصدمه يناظرونها رتيل وضي بإستغراب تنطق:لورين اهدي يقلبي كيفه آسر الحين
لورين وهي تبكي:ما ادري بالعمليات له اكثر من ساعه
تناظر لورين خروج الدكتور تنطق:بعدين أكلمك لا تعلمي احد الحين
ابتهاج :طيب طمنينا عنه
لورين:طيب
تفز للدكتور وهي مهدود حيلها يقرب مُلِهم يسأله عن حال آسر
الدكتور:لقد تعرض لإصابات بالغه في رأسه ويديه
مُلهم بخوف:هل هو بخير الان؟ وهل نستطيع ان نراه؟
الدكتور:لقد تمت العملية بنجاح وهو بخير لكن لا ندري ما هي المضاعفات التي قد تصيبه لاحقاً وايضاً لا تستطيعون انه تروه  لان
يتركهم الدكتور  تحط يدها ع ثغرها تكتم شهقاتها تقرب كيان تحاوط أكتافها تنطق:اهدي تعالي اقعدي
تمشي لورين معها تقعد تحط يدينها ع راسها تبكي تلوم نفسها لأنها السبب بكل الي صار له تحاوطها كيان بحنيه تهديها:لا تبكين الحمدلله العمليه نجحت وان شاءالله يرجع لك بخير وعافيه
تبكي لورين:ما ودي اخسره
يتنهد مُلهم يروح للدكتور ويطمن ع حاله آسر اكثر ....
🌷🌷🌷🫶🏻