تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 29

تفز من السرير تتوجه للحمام بسرعه تستفرغ "الله يكرمكم" يتنهد يناظر حالها من أسبوع وهي بس تستفرغ ولا هي راضيه تروح المستشفى تطلع وهي تمسح وجهها تقعد ع السرير بتعب يناظرها لؤي يحاوطها : حالك ماهو عاجبني خلينا نروح نفحص ونتطمن عليك
غيم وهي تبي تنطق تفز تقوم للحمام يتنهد ينطق:انتظرك برا البسي وتعالي
تطلع من الحمام تاخذ عبايتها تلبسها وهي تدري وش فيها بس ما تبي تقول شي لين تتأكد تطلع له تركب السياره يوصلوا للمستشفى يقعدون ينتظرون دورها وهو يناظر تعبها ومستغرب وش فيها بعد فتره يجي دورهم
يدخلون للدكتوره تشرح لها غيم وش تحس فيه
الدكتوره:متزوجه
غيم:ايه
الدكتوره:نسوي لك فحص ونشوف
لؤي:يتأخر الفحص
الدكتوره:ساعه إذا ودكم تنتظرون انتظروا
يهز راسه ينتظرون الفحص وهي تفرك يدينها ببعض يمسك يدها يطمنها:مافيك شي لا تخافين
تبتسم له بهدوء يمر الوقت تدخل لهم الدكتوره وهي مبتسمه:ألف مبروك يا مدام انتي حامل
لؤي بعدم استيعاب:وش قلتي يا دكتوره ومن الحامل
الدكتوره:زوجتك حامل
يلف أنظاره لغيم بعدم تصديق تهز راسها تأكد له يبتسم يضمها وهو يضحك:بصير أب يعني
غيم وهي تضحك:لا بتصير ام
يضحك لؤي يقبل اعلى راسها بهدوء
يطلعون من المستشفى وهو ماسك يدها والابتسامه ما فارقته وده يصرخ بأعلى صوته من فرط شعوره ثمرة حبهم بتجيهم بيصير ابو الغيث يحاوطها تسند راسها ع كتفه تنطق:ودي بليمون
يضحك لؤي يأشر ع خشمه:ع خشمي يام الغيث
تبتسم له يركب السياره وهو يدق ع زايد
زايد :ارحب ياولد العم
لؤي:من الحين تناديني ابو غيث
زايد بعدم فهم وهو يدري انه لؤي يحب ينادونه بـ ابو غيث
لؤي:أبشرك بتصير خال
زايد:احلف
لؤي يضحك:والله اسأل أختك
غيم:احلا خالو
زايد بفرحه وهو يزغرط:ألف مبروك يا عين اخوك
تبتسم غيم:الله يبارك فيك
لؤي:هاه انتبه تعلم احد نحنا بنفاجئهم
زايد:تم

~~~~~~~~~~~
رتيل وهي حاطه رجل ع رجل وتسولف مع البنات تدخل مزون تناظر طريقة جلوسها:نزلي رجلك لأكسرها لك
تتأفف رتيل تنزلها
مزون:قومن جهزن القهوه
رتيل وهي تهمس لضي:قومي انتي او اي وحده منكم انا ماني قايمه
مزون وهي سمعتها:رتيل قومي جهزي القهوه
تضحك ضي بدون صوت تقوم رتيل وهي تتحلطم
ابتهاج:تستاهل تبيني أنا أقوم
تدخل لهم غيم وهي بيدها كيس ليمون وبيدها ليمونه تأكلها:بنات ادخلن داخل لؤي بيدخل
تدخل رتيل وهي بيدها فناجيل القهوه و تناظر غيم ماسكه الليمون وتاكلها:وش فيك يالمشفوحه
تضحك غيم ترفع أكتافها تكمل أكل
يدخل لؤي بعد ما دخلوا البنات تناظره رتيل:وش فيها زوجتك وضعها ماهو يعاجبني ناظر كيف تأكل الليمون كأنه شوكلاته
يضحك لؤي يناظر غيم تناظرهم ابتهاج بعدم فهم لضحكهم غيم وهي تحط يدها ع بطنها:بيجيكم نونو صغير
تشهق رتيل : احلفي
ابتهاج بضحك:تمزحين صح
تضحك غيم تهز راسها بالنفي لؤي: مافي مبروك اخوكم بيصير اب
يضحكون بفرح يتقدمون يباركون للؤي وغيم تدخل غند تناظرهم:عساها دوم هالضحكات بس وش سببها
لؤي وهو يقرب يبوس راسه امه
رتيل:يمه غيم حامل ي
تناظر لؤي غند تبتسم:اللي تقوله صدق
يهز راسه لؤي بإبتسامه تبارك له غند وتضمه :ألف مبروك يامي ألف مبروك
يبتسم لؤي تتقدم غيم لغند وتبارك لها يبتسم لؤي ينطق:أنا أستأذنكم ام غيث بين يدينكم لا أوصيكم