تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 34

تدخل الغرفه بتثاقل تناظر أبوها ع السرير وحوله أجهزه تكتم شهقاتها وهو وراها ويداريها تقرب تقعد ع الكرسي المقابل لابوها تمسك يده وتبكي تنزل دموعه محمد يحط يده ع عيونه ماهو خايف من مرضه خايف ع بنته وندمان انه ظلمها وما أعطاها حنيته اللي كانت تستاهلها
يتنهد يناظر حالهم والدكتور قال لهم انه لازم يسافر ويتعالج بالخارج ياخذ نفس ينطق:ياعم المرض خبيث ويحتاج صبر ودعاء
يهز راسه محمد بتعب يطلع آسر يحجز ثلاث تذاكر ع ألمانيا عشان علاج عمه يجهز كل المعاملات يطلعون من المستشفى بعد ما آسر جاء وكل شي معه يتوجهون للمطار ومحمد تسنده لورين وآسر ياخذ الشنط يركبون الطياره يقعدون بمقاعدهم ولورين بس تبكي وخايفه ع أبوها
يناظرها وهو بعيد عنها شوي بحكم ان أبوها قاعد جنبها ونايم يمسك يدها تناظره يبتسم لها يطمنها ان كل شي بيمر تشد ع يده تمنت لو ترتمي بحضنه وتبكي يتنهد يناظر عيونها المتعبه اللي ماوقفت بكاء يحس بثقل ع يده دليل نومها يتحرك من مقعده يعدل راسها ويغطيها يرجع لمقعده يتنهد يرجع راسه لورا

الكل يبكي بدون استثناء من دروا بمرض محمد من آسر
خبر كان صادم لهم كلهم ومتعب كثير من الدموع تضمها دعوات كثيره
منيره وهي تبكي ومضاوي تهوون عليها:كان تعبان بس ماكان يبي يفحص
مضاوي:استهدي بالله ان شاءالله يتعالج ويرجع لنا بخير وعافيه
تتمت بالدعاء  والكل يدعي له وغيم اللي مع حملها ما تحملت الخبر وانهارت اكثر تناظرها ابتهاج تخفف عنها وتنادي لؤي لانه يعرف لها اكثر منهم يتقدم لؤي ياخذها لغرفتهم ترتمي بحضنه وتشاهق يحاوطها يمسح عليها ويسمي:بسم الله عليك
تشهق بقوه وتبكي بحضنه وهو بس يمسح عليها:غيم أبوي انتي اهدي عشان صحتك
يمشي بها لسرير يخليها تقعد يصب لها مويه يشربها ويحاول يهديها عشان صحتها يمسح دموعها:اهدي وادعي له لا تأذين نفسك لاتنسين ان معك روح ثانيه تحتاج تنتبهي عليها وعلى صحتك
غيم:لؤي مابيصير فيه شي صح
يبتسم يطمنها وهو من يطمنه بنفسه بس ما يبيها تنهار وتتدهور صحتها يقرّبها له تحط راسها ع صدره يمسح عليها بهدوء وحنيه طاغيه:لا تخافين ان شاءالله ما يصير إلا كل خير انتي بس ادعي له وان شاءالله يتشافى ويعود لنا ومعنا غيوث
تبتسم غيم بخفوت يبتسم لها يمسح عليها ينسدح ع السرير وهي بحضنه تغفى بعد دقايق يحس بأنفاسها ونومها يبتسم يبوس راسها يغطيها يطلع يتفقد الباقين بعد ما تطمن ع غيم

ألمانيا
تحديداً في المطار ينزلون من الطياره يركبون السياره اللي تنتظرهم يوصلون للفندق يحجز آسر جناح ياخذ مفتاح الجناح يطلعون يدخل الموظف ومعه الشناط يبتسم آسر ينطق: Thank you
الموظف: Welcome
يطلع الموظف يقعد محمد ع الكنبه ولورين بجنبه يناظرهم آسر:وش تبون نطلب أكل
لورين:مالي نفس اطلبوا لكم انتم
آسر:لا مايصير الحين أنا بطلب آكل لنا كلنا ومافي اعتراض
تبتسم من انه يحاول يطمنها ويطمن أبوها ع مرضه
وأنه مافي شي
يطلب لهم الأكل يوصل بعد فتره ياخذه يحطه ع الطاوله ولورين تساعده ويرتبون الطاوله يتقدم محمد تبعد له الكرسي يجلس يناظر اللي كان المفروض يفديها بعيونه وهي وحيدته وقت احتاجته تخلى عنها وقت ما كانت تبيه سند لها عطاها ظهره وصد يتنهد تمسح ع ظهره لورين بحنيه تدري بأن أبوها ندمان هي مهما شالت بقلبها عليه بس ما تتمنى انه يبعد عنها تقعد يبدون آكل تنتبه للي يناظرها ويناظر إذا تآكل ترفع نظرها له تبتسم له يرد لها الابتسامه يأشر لها ع الأكل بمعنى تأكل تهز راسها تأكل يخلصون أكل ترتب لورين الطاوله تتوجه لغرفة أبوها تتفقد إذا يبي شي تحط له المويه جنبه تقعد جنبه تناظره تنزل دموعها تمسحها بيدها تطلع تتركه نايم ما تبي تصحيه لانه تعبان ومن بكره يبدون بالعلاج تتوجه لغرفتهم تناظره منسدح بسرواله وفنيلته يناظرها يبتسم يفتح يدينه لها تبتسم وهي محتاجه كثير لحضنه تركض له ترتمي بحضنه يضحك بهدوء:بشويش
تشد ع فنيلته تنزل دموعها يحس بدموعها ع صدره يحاوطها يقلب لجهتها يصير مقابلها وهي دافنه راسها بصدره يمسح بيده ع شعرها :تدرين انه مايفيد البكاء وإنك كذا تتعبين نفسك وتتعبينه معك خليك قويه لازم تدعي له بدال ما تبكين بدموعك تتعبين ابوك لانه ندمان ع كل شي والحين يتعذب بدموعك لازم تكونين قويه وتسندينه بمرضه والدعاء هو الأهم الحين فهمتي علي يقلبي
تبعد عنه تهز راسها بالايجاب:فهمت بس آسر خايفه
يرفع إبهامه لوجهها يمسح دموعها يبتسم:لا تخافين كوني قويه وادعي له
تبتسم من مداراته لها تبعد شعرها ورا أذنها يبتسم من حركتها تحط راسها ع ذراعه يشدها له  تنام براحه بحضنه
يتنهد بهدوء يمسح ع شعرها ويحاول يداريها ويخفف عنها

الصباح
المستشفى
الدكتور :It can be treated because it is in the early
‏stage and this is a good thing
(يمكن علاجه لأنه في مرحلة مبكرة وهذا شيء جيد)
يبتسم آسر بارتياح: How long does the treatment take?
(كم من الوقت يستغرق العلاج؟)
الدكتور: The treatment period is long, two years
(فترة العلاج طويلة، سنتين .)
يهز راسه آسر: No problem, the important thing is that he recovers from the disease
(لا مشكلة المهم أن يشفى من المرض)
يطلعون من الغرفه يبدون بالعلاج الكيماوي لمحمد
تتنهد تحاول ما تبكي يحاوطها يطمنها تبتسم له وهم بيقعدون بألمانيا لوقت ما يتشافى محمد

عند عائله اول مره نجي لها ومكان اول مره نجي له دكتورنا المتخصص بعلاج السرطان وتشخيصها المحبوب الفرفوش دكتورنا الناجح اللي له اسمه وشاطر بمهنته
الدكتور مُلِهم وهو يمشي بمرر المستشفى وكمامته ع وجهه واللابكوت عليه يبعد الكمام وكان محبوب بكل المستشفى بسبب تعامله ويسموه الطبيب المعجزه كان فعلاً مثل النسمه تمر ع المرضى سواءً أطفال او كبار بالسن
مُلِهم وهو يكلم بالجوال: Hello my dear sister
كيان:Hello
مُلِهم:ايه حاكيني عربي لانه طول يومي احكي إنجليزي
تضحك كيان:وش مسوي
مُلِهم وهو يبعد اللابكوت:وش اسوي يعني أتلقى حالات وأعالج الناس
كيان:الله يوفقك اسمع بتجي عندي اليوم تصوير بمكان ياخذ العقل
مُلِهم:بحاول عشانك
تبسم كيان:سيو مشغوله الحين قاعده احضر معدات التصوير
مُلِهم:بالتوفيق
يدخل ممرض لمُلِهم: Doctor, there is a new case you need to check.
(دكتور هناك حاله جديده عليك فحصها)
مُلِهم: okay
يلبس اللابكوت حقه ياخذ سماعته يتوجه للمريض وهو متعود بكل مره يجي مريض ويحولوه له بحكم انه دكتور شاطر

"استعدوا للبارتات الجايه 🌷"