تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 31

يأشر لها زياد بعيونه بمعاني تفهمها تبتسم ساره تفهمه تنفذ معانيه يلف طلال لهم بربكه:لا تقرب امشي
تمشي ساره معه بهدوء تبتسم تضربه بقوه ع بطنه يتأوه بألم يركض زياد يمسك السلاح منه يناظرهم طلال بخوف من ناظر ان محاصر تبتسم ساره بسخريه تقرب له:يدك اللي طالت علي والله لأكسرها ولنا لقاء بالمحكمه
يزفر طلال بعصبيه:والله لاخليك تعضين ايامك ندم ع فعلتك
زياد بحده:اطلع لا ارتكب فيك جريمه يا****
طلال بسخريه:ما كان لازم تدخل في شي ما يخصك يأشر عليهم الاثنين ينطق:حسابنا ما خلص والأيام بينا
يطلع برا المكتب بعصبيه تفز وعد لساره تضمها تبتسم لها ساره تناظر زياد تنطق:شكراً
زياد:غريبه بنت مشاري تشكرني
تناظره ساره بطرف عين تنطق:ماني ناكرة للمعروف يا متخلف
زياد بحده: بنت احترمي نفسك و وثمني كلامك معي
تقرب له ساره:يمه خوفتني أقول اسكت بس
وعد وهي ماسكه راسها:بس خلاص اسكتوا
تشمق له ساره يناظرها زياد بصدمه يشد ع قبضة يده يطلع برا المكتب تكش عليه ساره بيدينها:فكه روحه بلا رده
وعد وهي تبتسم لزياد اللي عصب:امسحها فوجهي واطلع
تتكتف ساره تناظره بتحدي يستغفر زياد يطلع وهو متنرفز من حركاتها
وعد بضحك:خلاص تعالي
ساره:ايه تعالي علميني وش اشتريتي

في المول تدخل محل ورا الثاني ومعها آسر اللي تخليه يختار معها تمسك اثنين فساتين بألوان مختلفه تنطق:شرايك اي واحد احلا
آسر وهو يناظر للجوال:ايه كلهم حلوين
تضربه برجله تلف عنه يتأوه بألم وهو ما ركز وش حكت له
يلحقها ينطق:شفيك
لورين:ولاشي خلاص مآبي شي
يرفع حاجبه :كيف ما تبين شي
لورين:مآبي خلاص
يمسك يدها ينطق:إلا تبين تعالي معي
تمشي معه لفستان كان باللون السماوي ضيق بدون أكمام
يزينه تطريز بالؤلؤ من الصدر لين الفخذ تلحقه قماش كبير من ورا ناعم وفخم
آسر:أنا عجبني هاذ تأخذينه
تبتسم من اختاره اللي كان فعلاً في قمة الروعه تهز راسها تناظر السعر اللي كان غالي جداً تبلع ريقها تنطق:بس السعر
آسر:لو بمليون دامه عجبك تبشرين لا تشيلين هم السعر
تبتسم بهدوء يطلب من العامل يلف لهم الفستان يمشون المحاسبه يحاسب آسر عليه يمد له العامل الكيس ياخذه يطلعون برا المحل يلف لها ينطق:ايه وين وجهتنا الثانيه
لورين وهي تعدد أصابعها:كعب ، اكسسوارات، شنطة ، و تسكت من ضحك ينطق:كل هاذ
لورين:تراه قليل والله
يضحك بصدمه ينطق:خذي اللي تبين وأنا جاهز وصرافتي لك وحلالك
تبتسم له يحاوط يدها يكملون تسوق بعد فتره يكملون كل شي يمشون قريب من ديور تناظر بأسوار شدتها يلف لها يناظر وين تناظر يبتسم ينطق:ابشري
تلف له بإستغراب تناظره متوجه معها لديور تشهق بصدمه تنطق:لالا مابي
آسر:تعالي
لورين:آسر لا مره غالي
آسر:مافي شي يغلى عليك تعالي وبس
يدخلون للمحل يناظرها ينطق:وين اللي عجبتك
تهز راسها بالنفي:آسر خلنا نطلع ترا السعر مره غالي
آسر:ما يهم السعر يلا أشري وينها
تعض شفتها تأشر ع الاسواره يبتسم لها يتوجه للعامل يلف له الأسوار بعلبه ويدفع حقها تبلع ريقها من المبلغ يبتسم لها يمد لها الكيس:تزهاك وأنا ادري ما تزين إلا بيدك، ودك بشي كمان
تهز راسها بالنفي تاخذ الكيس يلفت نظره عقد فخم وهادي يعطيها مفتاح السياره:اسبقيني للسياره أنا شوي وبجيك بروح محل اشتري غرض
تهز راسها بالإيجاب:طيب
يناظر خروجها يدخل المحل مره ثانيه يطلب من العامل يعطيه العقد يبتسم يناظره:تستاهلين يا حرم آسر
آسر:لف لي ياه بعلبه حلوه
العامل:حاضر
يعطيه العامل العقد يبتسم ياخذ ويخبيه يتوجه لها يركب السياره تبتسم له يناظرها تحاول تسكر قفل الاسواره
آسر:عطيني
تمد له يدها تخليه يقفل قفل الاسواره تبتسم تحرك يدها تنطق:مره حلوه
يبتسم آسر تلف له تضمه تنطق:شكراً لأنك ما تخلي شي بخاطري وتحاول تخليني مبسوطه
يبتسم آسر يمسح عليها ينطق:أنا ان ما دللتك ادلل مين مين يستاهل دلالي غيرك
تبتسم بوسع ثغرها تبعد عنه يبتسم من ابتسامتها
يمسك يدها يطبع قبلاته ع يدها يتنهد بهدوء يحرك من المول تاخذ جوالها تشغل أغنيه كأعتراف له بس مستحيل تطلع الكلمه منها:
ايه انا محظـوظ في مثلك اكيـد
يا غــرامٍ كل ما نكبـر يـزيد
الله لايحــرمني منك يا غــلاي
والله لا يفــرقنا يا حُبي الوحيــد