تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 8

.
-بغرفة بطلتنا
طلعت من الحمام بعد ما طلعت منيره تخليها تتجهز براحتها تتوجه للمراية تبدأ تفرد شعرها ع ظهرها ينسدل شعرها الطويل ع ظهرها تبدأ تجففه بالمجفف ،تحط ميكب خفيف يناسب ملامحها الجميلة تأخذ الفرشاه تلامس خديها تختم تجهيزها بالروج الأحمر ع لون فستانها تتوجه تشوف الفستان اللي حطته لها منيره ع السرير تتنهد بخفه ما كانت تتوقع يكون زواجها بهذا الموقف هي حتى ما تعرف كيف اطباع آسر ولا حتى تصرفاته تتنهد ترفع رأسها من حست برغبة بالبكاء تأخذ الفستان الأحمر بأكمام خفيفه منسدله ع أكتافها مع زخرفات باللون الفضي بلمعته الهاديه بجماله الهادي يناسبها ويناسب جمالها تنتبه لدخول منيره ومضاوي تنطق منيره:ماشاءالله عليك مزيونه
تبتسم لها لورين تنطق مضاوي:ياحظ وليدي بس
تتلاشى ابتسامتها بارتباك تنطق منيره :خلاص جهزتي ناقصك شي
لورين:لا
منيره:زين يلا
تقوم لورين بعد ما لبست كعبها تناظرها مضاوي تنطق بهمس :والله انك محظوظ وكثير يا آسر مهما كان موقف هالعرس

-عند البنات
أديم:يعني وش شاف فيها عشان ياخذها هي وش حب فيها
تشمق لها رتيل تنطق:يا حبيبتي انتي وش حارقك
أديم:مالك دخل أنا بس حكيت انه مافيها شي حلو ماشي حالها
رتيل:طيب محدا طلب رأيك عنها
أديم وهي تشمق لها تنطق:وأنتي وش دخلتس أفف نفسيه
تنطق رتيل وهي راصه ع أسنانها:خلوها تسكت  لأمسح فيها الأرض الحين اخليها عبرةً لمن لا يعتبر
أديم:وشو والله لو تمدي يدك علي لأكسرها متوحشه
تناظرها رتيل تنطق بسخريه:تكسرين يدي انتي
تشدها رتيل من شعرها تصرخ أديم:وش فيك بعدي عني جنيتي
تضحك غيم:تستاهلي والله انه قليل عليك
ابتهاج بتشجيع لرتيل:كفو اختي لا ترحميها
رتيل وهي تسحب بأديم اللي تصارخ:لا تخافي ان ما خليتها تتذكر هاليوم وتشوفني بكوابيسها  ما يكون اسمي رتيل
أديم وهي تبكي:بعدوها عني هالمتوحشه
ابتهاج بضحك:خليك تستاهلين
تتقدم لهم وعد تشهق بصدمه من منظر أديم تنطق:رتيل وش تسوي بعدي عنها
رتيل وهي تدور وبيدها شعر أديم:ولا شي ماعليك اعمل تنظيفات بسيطه قبل العرس
وعد وهي تبعد رتيل:رتيل ابعدي عنها خلاص
أديم وهي تصرخ:يمه بعدوها عني والله  لا أعلم جدتي اخليها تعطيك كف مثل المره الأولى
تناظرها رتيل تنطق:انتي شكلتس ما بتوبي وما بتبلعي لسانك أوريك ي اديموه تناظر غيم و ابتهاج تأشر لوحده منهم  تمسكها من رجلها تركض لها غيم تمسك أديم من رجلها وتدور فيها هي ورتيل تصرخ أديم:يمه بعدوهم والله لا اعلم جدتي بعدوهم عني
رتيل وهي تدور فيها:تبغين عجوز قريح تعطيني كف أوريك يا اديموه
تضحك ابتهاج ع منظر أديم وغيم اللي تدور فيها وتضحك تناظرهم وعد تنطق :مو بصاحين والله رتيل غيم ابعدو عنها تبعدهم وعد بصعوبه عن أديم تقوم أديم من ع الأرض بفستانها اللي صار متوسخ وشعرها المنكوش تنطق :أوريك ان ما علمت جدتي ما يكون اسمي أديم
رتيل وهي تفز لها تكمل عليها تمسكها وعد تنطق:خلاص خليها بس العرس بيبدأ وأشكالكم كذا تناظر غيم وابتهاج تنطق:وأنتو بدال ما تفكوهم جالسين تضحكوا
غيم وهي تضحك:تعاونوا ع البر والتقوى
وعد:روحوا عدلوا ملابسكم وأنتي يا أديم روحي غيري ملابسك
تناظر فستانها اللي صار في حاله سيئه تضرب برجلها الأرض بقهر تطلع من عندهم
تناظرها رتيل تنطق:والله إنها نشطتني كنت ابغا احد أضربه
وعد:امشي بس ادعي انها ما تكلم عجوز قريح
رتيل:ماعليك ان كلمتها بعيد لها نفس اللي شافته هالحين
وعد:طيب الحين روحوا عدلوا ملابسكم
رتيل و غيم:طيب