.
-جالسه تبكي بخوف من المنظر اللي قدامها ترجف بخوف ما تدري وش تسوي تناظر التليفون اللي ع الطاوله تاخذه
ما تدري بمين تتصل تسجل رقمه اول شخص يخطر ببالها ترن مره ومرتين وثلاثه بدون رد تزفر بخوف :تكفى ي لؤي رد
ترن عليه تبتسم بفرح من رد ينطق:الو
غيم ببكي:لؤي
يفز من مكانه من عرف صوتها ينطق:غيم شفيك
غيم وبكائها يزيد رغم انها خذلته إلا انه يهتم لأمرها تنطق:لؤي تكفى تعال لؤي خايفه تكفى تعال
لؤي بخوف:وين انتي فيك شي
غيم:تعال لؤي خايفه لحالي
لؤي:وين انتي قولي لي
غيم:بالفندق ****
يحس بجمرة تخترق قلبه من نطقت كلمتها:طيب بجيك الحين،أعطيني رقم الغرفه
غيم:112
يقوم بسرعه يتوجه لسيارته بسرعه وخوف عليها رغم انها كسرته إلا انها تبقى بقلبه حبيبته يخاف عليها من نسمة هواء ولو خذلته حبها يزيد ولا ينقص بقلبه
-الرياض تحديداً في دووس كارتينغ
علي بإبتسامه:شرايك
ساره:حبييت جوي
علي:يلا تعالي
تختار السياره اللي تركبها تلبس خوذتها وبالمثل عند علي
ساره:بسبقك تتحداني
علي:أتحداك
ساره:وإذا فزت بطلب اللي ودي فيه
علي بضحك:انتي اليوم كله تتشرطي بس من عيوني تم
تبتسم له يبدأو بالسباق بضحك علي عليها تحاول تفوز عليه ينطق بصوت عالي:لا تحاولي لا تحاولي
تكشر ساره تنطق:طيب انتظرني
علي بضحك:شفتي مكتوب ع جبيني غبي
تضحك يكملوا سباقهم تنزل من السياره تنزل الخوذه ينزل خوذته يتقدم لها يحاوط كتوفها تبعد عنه يضحك:كل هذا عشان أنا سبقتك
ساره:غش غش
يضحك ينطق:كيف غش تلف عنه ينطق:خلاص ماعاد تبغي المفاجأة الاخيره
تلف له بسرعه يبتسم لها ينطق:يلا
يتوجهو لمطعم ليس فآلي
ساره:اوميجاد علي كذا كثير
يبتسم لها تتقدم تدخل معه للمطعم يطلبوا أكل يبدأوا يأكلوا
علي:هاه كيف كان يومك
ساره:ولا في الخيال
علي وهو يعدل بلوزته بغرور:ايه يا حظ راعية النصيب
تشرق باكلها بضحك تموت ضحك عليه
علي بخوف:شفيك
ساره بضحك:عيد وش حكيت
علي وهو يبتسم: وأنا صادق ولاعندك شك يا اختي العزيزه
ساره وهو تآكل:أبد إلا ان أمها داعيه عليها
يبتسم علي يستوعب يفتح عيونه بصدمه من فهمها تضحك ع ملامحه تنطق:امزح امزح والله انها محظوظه
علي بتمثيل للزعل:بعد وش بعد ما كسرتي خاطري
ساره وهي تناظره تبتسم تنطق:ي حبك للتمثيل
-يوصل للفندق اللي حكت له يرقى للدرجه بسرعه يناظر الغرفه يدق الباب تفز بسرعه تناظر من فتحة الباب تبتسم من وجوده تفتح الباب يناظرها بالفستان اللي حلم انه تكون لابسته له مو لغيره يناظر عيونها الحمراء وبقع الد*م ع فستانها تتقدم تضمه تسرق منه قلبه من ضمته تتوسط صدره وقلبه تحاوط ظهره بيدينها بقوة يحس باظافرها تجرح ظهره من شدتها يحس بدموعها ع ثوبه يرفع يدينه يحاوطها يهديها تبكي تشهق بقوه بحضنه تنطق:خايفه يم*وت بسببي لؤي تكفى
لؤي:فهميني وش صار
تبعد عنه تبدأ تحكي كل شي تشهق بقوه بعد كل كلمه يشد ع يده بقوه ترفع عيونها له تناظر بروز عروقه من عصبيته تحس شرار يطلعوا من عيونه ينطق بعصبيه:وينه الـ***
غيم وهي تبكي:أغمى عليه
يناظره مغمى عليه تنطق:اتصل ع الإسعاف يمكن ما*ت
لؤي بعصبيه:يم*وت تعالي معي
ياخذها معه ينزل شماغه يغطيها فيه تمشي معه وهي تبكي يحرك السياره وهو نيران الغضب تزيده فيه تناظر شدته ع الدركسون
غيم بخوف:لؤي
ما يرد عليها تعيد مناداته له يناظره بعصبيه تنطق ببكاء:لؤي كنت مجبوره
لؤي:ماهو بوقته
يزيد بكاها يحس قلبه يتقطع من صوت شهقاتها الواضح يرص ع اسنانه بعصبيه يوصل للديره تنزل معه بخوف ينطق :ادخلي داخل ولا تواجهي احد ادخلي غرفتك
غيم وهي لا زالت تبكي :لؤي
لؤي بعصبيه:غيم قلت ادخلي داخل لا تخليني افقد أعصابي ادخلي
ترجف بخوف من عصبيته تدخل للبيت
أنت تقرأ
تباهي بجمالك يا لورين الآسر وازهي بحبي واحيي فيني شعور كنت اجهله
Aléatoireإنّي لأنظر في الوجودِ بأَسرهِ لأرى الوجوهَ، فلا أرى إلاّك قالوا ويخلقُأربعينَمُشابها من أربعينك لا أريدُسِواك الكاتبه:خَـيـَــال
