تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 4

.
-تصحى كالعاده ع اجواء الصباح الأحب لقلبها تتوجه للحمام "يكرم القارىء" تغسل وجهها  تتوجه للمطبخ تسوي لها شاي تطلع ببالية الشاي كاستها تتوجه للحوش  ترتشف من الشاي تناظر الجوء اللي يدل ع قدوم مطر الغيوم الكثيفه المغطيه السماء تبتسم بهدوء تحب هذه الأجواء وتعشق المطر كثير
يطلع من بيته يحب هذا الوقت يكون فيه الكل هادئ يناظر اللي جالسه بالحوش اللي كان واضح بنسبه انه بيته قريب منه وترتشف من كاستها الشاي يناظرها بتمعن ياخذ نفس يناظر السماء وقطرات المطر اللي بدأت تنزل شوي
تناظر المطر اللي بدأ ينزل تبتسم بفرح كبير توقف تدور حول المطر اللي بدأ ينزل بغزاره تحس بقطرات المطر تغسلها كانّها تغسل همومها وحزنها تبتسم ترفع يدينها تشوف قطرات المطر بيدها تدور حول نفسها تسمح لشعرها الطويل ينفرد ع ظهرها يناظر شكلها وفرحتها بالمطر يناظر شعرها وضحكتها يناظرها ما يقدر يوصف جمالها ينطق بهمس: سبحان من سواك يا آية الحُسن ما يستوعب ع كلامه غير انه شاف شي عمره ما شافه ينتهي المطر يناظرها تدخل لغرفتها يستوعب ع نفسه انه ناظرها وهي ما تحل له يتنهد بقوه يدخل للداخل..

-عند لؤي اللي كان متوجه للمطبخ  يعطي أمه الأغراض اللي طلبتها منه يدخل بدون ما يدق الباب يناظر اللي معطيته ظهرها يفكرها ابتهاج ينطق بابتسامة: صباح الخير يا اختي الحلوه
تتجمد بمكانها غيم تنطق بصوت يرجف:لؤي صد أنا مو ابتهاج
يسمع صوتها يعرف صوتها وكيف ما يعرف وهي حبيبة قلبه ينطق:اسف اسف بصد
ركضت غيم تطلع برا المطبخ وهي ترجف تصدم بـ ابتهاج تنطق: وش فيك زي المجنونه تركضي
بلعت ريقها غيم تنطق:لا ولاشي
ابتهاج: متأكده
غيم: ايه
تنادي مضاوي ابتهاج تنطق : ابتهاج روحي شوفي لؤي جاء خذي منه الأغراض
ابتهاج: طيب يمه تناظر غيم: امرك مشكوك فيه برجع لك و تقولي لي
تتوجه ابتهاج للمطبخ تناظر لؤي اللي الابتسامة شاقه وجهه تسوي يدها ع خصرها:مالك تتبسم تغمز له : شكلك شفت غزال هارب
تنهد لؤي: وأحلى بعد
تضربه ابتهاج ع كتفه: خفيف واني أقول ليه البنت مخروشه وتركض
ابتسم لؤي يعطيها الأغراض:خذي هذه اللي طلبتها أمي
ابتهاج: طيب يا العاشق الولهان روح
يحط يده ع قلبه ينطق:اه يقلبي  تدفه ابتهاج  برا المطبخ تنطق بضحك:صدق خفيف يلا توكل قبل احد يشوفك
يبتسم لؤي يطلع الابتسامه شاقه بسبب انه شافها يتذكر شكلها يتسم ينطق:اه ياغيمي
يتوجه للحلال بعد ما ملاء عيونه بشوفة حب طفولته

-ابتهاج: وش فيك علميني
غيم بارتباك: ولا شي وش فيني
تبتسم ابتهاج تقرب من أذنها تنطق: شفت العاشق الولهان بالمطبخ والابتسامه شاقه وجهه
تفتح عيونها غيم تشتت نظرها عن ابتهاج تنطق ابتهاج بضحك:والله انه طايح ع وجهه
تبتسم غيم تنطق:ابتهاج ع تعلمي احد وترا بالغلط
ابتهاج:افا عليك أنا مرسال الحب بينكم لا تخافي
تضربها غيم تبتسم ابتهاج تدري بحب لؤي لغيم وغيم تحبه بس تستحي تنطق ابتهاج: يلا تعالي نروح عند البنات
غيم: يلا

-عند البنات
رتيل: بنات شرايكم نجيب لورين معانا تغير من نفسيتها شوي
وعد:ايه بروح لها وانتم تعرفون ان جهزوا لنا جلسه حلوه
ابتهاج بابتسامه: تم وغيم عليها الشاي
ضحكت غيم تنطق: من عيوني
تعطيها ابتهاج بوسه بالجو يبدوا يجهزوا لهم جلسه بالحوش

-اللي كانت ترسم وتحاول تخفف من ضيقتها بالرسم تسمع دق الباب تقوم تتوجه للباب تفتحه تشوف وعد تبتسم لها تنطق وعد:تعالي اجلسي معنا وغيري جو لا ترفضي طالبتك
تتنهد لورين بهدوء تنطق بابتسامه: طيب بلبس عبايتي
تبتسم لها وعد تتوجه مع وعد بعد ما خلصت يدخلو للحوش تناظر جلسة البنات تبتسم لهم تنطق : السلام عليكم
يردوا عليها تنطق رتيل: ما بغيتي تجي وحشتيني
تبتسم لها لورين تبدأ غيم تصب لهم شاي
تنطق لورين:تسلم أيدك أموت فالشاي بذا الوقت
تبتسم لها غيم تنطق: بالعافيه
تناظر لورين  تنطق رتيل:تجنني حتى ابتسامتك حلوه
تبتسم لورين بخجل تنطق وعد : بس يا رتيل البنت صارت حمراء من الخجل
تنطق أديم بغيض: وش فيها الحلو ما ادري وين عيونك
تناظرها رتيل تنطق: انتي شكلتس تبين من يمحي ملامحك
تمسكها غيم تنطق: اهدي مالك منها
تدق ضي اختها أديم تنطق: أديم بلا مشاكلتس تكفين لا تخربين الجلسه بنكدك
تشمق لها أديم تنطق: واني قلت الصدق مافيها شي حلو وأنتي تأشر ع رتيل تكمل كلامها: لا تفكري حتى تلمسيني ما اخاف منك
ترفع رتيل أكمام جلابيتها تنطق:أوريك يا أديموه تمسكها غيم بسرعه:رتيل اجلسي
رتيل بعصبيه:فكيني عليها أوريها
ضي بحده: أديم بس  ولا اسمع صوت
تقوم أديم بتأفف تنطق: اففف أصلن جلستكم مخيسه
تنطق رتيل:فارقي بدونك احلى
غيم:بس خلاص اجلسي
تناظر وعد لورين اللي مصدومه تنطق بابتسامه:بتتعودي ما عليك اضحكي وبس
رتيل:ايه ما عليك اني كل يوم أربيها أديم
يبدوا يضحكو تضحك معاهم لورين تنبسط معهم بس تستغرب تصرف أديم بس ما أعطتها اهتمام وكملت مع البنات تسولف

-عند العيال
لؤي:فارسو
فارس بحده: وش بغيت واسمي فارس لعلمك
ينطق لؤي:يا اخوي أنا ادلعك افردها شوي
فارس: اخلص وش بغيت
لؤي:أنا بنفسي نروح للعزبه
فارس:وأنا وش دخلني
بندر:باختصار أنت بيسمع لك جدي
لؤي:مع انه ما اتفق مع بندر كثير بس كلامه صح
فارس:ماني مكلم احد تفهم أنت وياه
لؤي:تكفى فارس تكفى
فارس بتأفف:طيب طيب
يفز لؤي يبوس راس فارس يبعده فارس ينطق: ابعد لا اهفك
بالعقال
ابتعد لؤي ينطق بضحك: ابشر
بندر:الحين آسر وين
لؤي : هو قال بيجي بس ماجاء للان
ناظروا آسر اللي نطق: السلام عليكم
يردوا عليه
ينطق لؤي:وينك مغيب علينا يا ولد العم
آسر: كيف مغيب وأنا معكم بنفس المكان
بندر:معنا بس ما نشوفك كثير
لؤي:ماعلينا اتفقنا أنا وفارس وبندر نروح للعزبه وفارس بيكلم جدي
آسر:زين تغيير جو

🌷🌷🌷🌷🌷✨