تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 23

(( الرياض ))

ينزل لهم بكل نشاط بشورت ابيضّ وبلوزه باللون الزيتي
وشعره ع وجهه تناظره ساره تنطق:اخيراً شرفت يلا بابا وماما ينتظرونا برا
علي:يلا مشينا
يطلعون من البيت متوجهين للديره
علي:سوير ودك شي من البقاله
ساره:علوش اسمي ساره
علي بضحك:طيب ودك شي يا ساره
ساره:ايه وقف
تنزل تاخذ لها سناكات للطريق
علي:يمه يبه ودكم شي
نوره:ودي بشاي كرك
مشاري:وأنا مثل نورتي
يبتسم علي:ابشروا
تركب ساره مع أغراضها ياخذ لابوه وأمه شاي كرك من الطريق يوصلون بعد ساعات للديره يستقبلهم آسر
يسلم ع مشاري ويأشر لنوره وساره ع مجلس الحريم
يناظر علي من فوق لتحت يكتم ضحكته يتقدم له علي يصافحه
آسر:انت الحين واثق انك بتدخل لهم بشكلك ذا
علي بإستغراب:ايه
آسر:لبس الشورت والاناقه خلهم بالرياض اما الديره أنساه والله ان جدي بينتقدك لو شاف شكلك
علي:والحل
آسر:روح غير لبسك ولبس ثوب وشماغ
علي:طيب
يدخل لبيت آسر بحكم انه مافيه احد ويغير لبسه ويلبس ثوب وشماغ ويطلع يتوجه لرجال

(( عند الحريم))

رتيل وهي تهمس لساره:اسمعي انتبهي من اديموه وبديران
ساره بنفس الهمس مع إستغراب:مين ذولا
رتيل وهي تأشر لها ع اديم:حيه من الدرجه الأولى
ساره بضحك:طيب وبديران مين
رتيل:هذيك اللي اخذه نص المكان بكرشتها شفتيها
ساره بضحك :ايه شفتها
ابتهاج: بنات ناظروا رتيل الله يعلم وش تهمس للبنت
لورين بضحك : رتيل تمون بسرعه
ابتهاج:ساره
ساره بإبتسامه:لبيه
تبتسم لها ابتهاج: تجين معنا تتجهزين
ساره:أكيد يلا
يقوموا البنات يتوجهون للغرفه ويبدون تجهيز للعرس
غيم:ضي تعالي انتي حطي لي الميك أب
ضي:من عيوني جيتك
رتيل:الله عليكم من يسوي لي الايلاينر الحين لورين راحت وضي مشغوله
ساره:أنا أسويه لك إذا ودك
رتيل:ايه ودي تعالي
تتقدم لها ساره تسوي لها الايلاينر وتضبطه لها

(( لـــورين ))

قاعده قدام المرايه وتحط الميك أب اللي يناسب كشختها اللي كانت باللون الأسود تنتهي من الميك أب تترك شعرها ينسدل ع ظهرها تخليه ستريت يناسب فستانها الهادي
تاخذ الروج باللون الأحمر الغامق يبرز إطلالتها تختم إطلالتها بالعطر تاخذ المسك تمرره ع أماكن النبض وعنقها تقوم تاخذ كعبها تلبسه تخلص من إطلالتها تتوجه للمرايه تاخذ صور باطلالتها تخلص تصوير تطبطب ع شفتيها تعدل شعرها ترمي بوسه لنفسها تنطق: يا حلوني
يبتسم ينطق: هو في زين بعد زينك
لورين:بسم الله الرحمن انت شفيك ع الأقل تنحنح
يقرب لها يشدها مع خصرها يحس بشعرها المنسدل ع ظهرها يطوله اللي يجيب راسه ينطق وهو يلامس شعرها:تدرين اني احبه
لورين بإستغراب:وشهو
آسر بإبتسامة:شعرك
لورين:تدري اني بقصه
آسر:يا ويلك
لورين وهي تبعد عنه:امزح ما بقصه
يبتسم ينطق:طيب تعالي نتصور مع بعض
لورين:طيب تعال
تاخذ الجوال توقف قدام المرايه وهو جنبها يشدها له من خصرها تبتسم تبان غمازاتها يناظر ابتسامتها وغمازاتها اللي ما زادت إلا هلاكه يبتسم تاخذ صوره لهم وهو يناظرها كأنه بعالم ثاني بعالم يغرق فيه فيها ويموت بإبتسامتها وغمازاتها
تبتسم لورين:اوك خلصنا
آسر وهو يبوس خدها:لا ما خلصنا
يتقدم يحط يدينه ع ثغره ويحصنها تبتسم من حركته اللي بكل مره ما ينساها يبتسم يناظرها:الحين خلصنا
لورين:لا
تتقدم تعيد نفس حركته وتحصنه تنطق:انزل شوي طويل مره
يضحك ينزل لمستوى تقدر توصل له تحصنه تبتسم: خلصنا
يبتسم لها يبوس خدها تبعد عنه تتورد وجنتيها يبتسم من خجلها تاخذ عبايتها تطلع من البيت وبالمثل عند آسر