تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 43

ألمانيا
تفتح عيونها بإنزعاج من ضوء الشمس تناظره محاوطها ونايم تبتسم بهدوء ما توقعت بعد مدة طويله بعيد عنها تصحى اليوم قبال وجهه وبحضنه تبعد يده من خصرها بشويش تقوم من السرير تتوجه للحمام (الله يكرمكم) تاخذ شور لطيف خفيف تطلع من الحمام وهي لافه الروب حقها تفتح الدولاب بشويش تطلع لها بنطلون ابيضّ وبلوزه باللون الاخضر قصيره تتوجه للتسريحه تحط ميكب خفيف ثم تنشف شعرها وتمشطه تكتفي انها تاخذ خصلتين وتلفهم لورا ببكله بيضاء وتتركه منسدل على ظهرها بطوله اللي يحبه آسر ترش من عطرها وماتنسى المسك تمرره على أماكن النبض وعنقها تتوجه لستاير تفتحهم تخلي ضوء الشمس يملي الغرفه يتحرك بإنزعاج ياخذ المخده يحطها على عيونه ينطق بصوت فيه نوم:لورين سكري الستاير
تبتسم تفتح الشباك تترك الهواء يدخل للغرفه تناظره وهو مغطي نفسه باللحاف والمخده على وجهه تقرب لسرير تنطق:آسر
آسر بتثاقل:همممم
تسحب المخده و اللحاف عنه تنطق:قوم
يغطي عيونه بيده:خليني انام وإلا
تضحك تنطق: وإلا وش
يفز يبي يمسكها تبعد بسرعه تطلع برا الغرفه ينطق:هين
تضحك تنطق بصوت عالي:قوم تروش والبس وتعال افطر بنروح لابوي

تسوي قهوتها وهي لابسه عبايتها وجوالها بيدها وتطقطق فيه يتقدم لها مُلهم:صباح الروقان
تبتسم كيان:صباح النور
تناظر الخاتم اللي عطته ياه تنطق بضحك:شكلك استخدمت السلاح
يناظرها بإستغراب ما فهم قصدها تأشر له على يده يناظر الخاتم يضحك ينطق:ايوا
تضحك كيان:ارتحت يعني
مُلهم:يعني بس الحين المعجبات راحو
ترفسه برجلها تنطق:قليل ادب وأنا أقول اخوي عاقل
يضحك مُلهم:امزح معك
تاخذ كيان قهوتها تنطق:سيو
يبتسم مُلهم:باي
يسوي قهوه له ياخذها بيده وياخذ اللابكوت من الكنبه يطلع برا البيت يتوجه للمستشفى يركن سيارته ياخذ اللابكوت والقهوه بيده يدخل المستشفى يناظر اللي يناظرونه بنظرات ما يفهمها حزن او حسره يعطيهم ابتسامه ما يدري وش فيهم ندى وهي تكلم لارا:تخيلي راح لغيري
لارا:ماكان لك عشان يروح
تشمق لها ندى يمشي بإستغراب لنظراتهم له يحس نفسه مجرم بينهم يهمس:وش ذا يخوفون
تتقدم له لارا وبيدها الملف  تنطق:دكتور المريض***عنده جلسه اليوم  والمريض***يمكن نسوي له خروج اليوم لانه تعافى
مُلهم:الحين وش فيهم يناظروني كذا
لارا بتأفف:الحين أنا مين اكلم وش ودك فيهم وبعدين لا تنسى انك كسرت قلوبهم على قولتهم وأنت الحين ركز معي احنا فدوام ومعجباتك نشوف سالفتهم بعدين ولا تنسى انك  كنت تلعب عالثقيل كيف تجاريهم وتصدمهم انك مخطوب انت ما عندك احساس انت...مُلهم وهو يسحب الملف من يدها:يا كثر بربرتك بس صدعتي راسي ور ور ور مثل الراديو ما تسكتين
لارا:أحمد ربك اني متدربه عندك ولا كان مسحت فيك الأرض
مُلهم وهو يتكتف:لا لا تستحين تعالي هذا اللي ناقص
تمشي لارا وهي تتحلطم تمسكها ندى تنطق:وش تسوين معه
لارا وهي تدفها:يا مريضه ما أبيه وش ابي فيه لا تنسين اني مخطوبه وبعدين يا حبيبتي ليه أراكض ورا واحد ما يستاهلني وعندي اللي احسن منه احبه وأموت فيه
ندى:ايه خلاص تمام تتشمتين علي الحين
تضحك لارا تنطق لارا:انتي فيك شي صح الرجال مخطوب وانتي تغارين عليه مجنونه انتي وبعدين ليه اتشمت انتي لو انتبهتي لحياتك يكون افضل لك ونصيبك بيجيك
ندى:احبه بس
لارا:حبك برص قولي آمين ياشيخه الكلام معك ضايع وخري خليني أكمل شغلي
يدخل غرفة محمد يناظر اللي بالغرفه يرجع لورا بصدمه يفرك عيونه وهو ماهو مستوعب يضحك آسر بهدوء يأشر له بالسكوت
محمد:وشفيك يا ولدي
مُلهم وهو يفتح ويغمض عيونه مراراً وتكراراً بعدم تصديق:اءءء لا ولاشي ياعم
يدخل بتقدم يسلم على آسر يهمس له:بالله اقرصني
يضحك آسر يقرصه بيده يتأوه بألم ينطق:إلا والله آسر
محمد بإستغراب:ايه يا ولدي آسر فيك شي شكلك ما نمت زين
تضحك لورين يناظرها آسر بحده يهمس:لورين صوتك
تبلع ريقها تناظره تهمس:طيب بالغلط والله
مُلهم:ايه ياعم شكلي ما نمت زين
آسر:مُلهم كيف صحة عمي
مُلهم:الحمدلله بس يبي له كمان جلسات بس صحته الحين احسن من قبل
محمد:ما اقدر أكمل الجلسات بالسعوديه
مُلهم:تقدر ياعم إذا ودك
محمد:اي ما ودي اقعد هنا
آسر:يعني عادي لو عودنا لسعوديه
مُلهم:ايه ياخذ جلسات هناك ممكن وأي شي تبونه تدقون علي
يهز راسه آسر:طيب
مُلهم:أنا عندي مرضى الحين أشوفكم بعدين
آسر:الله معك
يطلع من الغرفه يقعد جنبها يناظرها بحده على انها رفعت صوت ضحكتها تعض شفتها تلف عنه تهمس:يعني من قال لي اضحك هاه
يبتسم على جنب من همسها تلف له يرجع يحول ملامحه لجمود وحده تبتسم له بقصد تخليه يبتسم لها ويطمنها انه م مو معصبه يخفي ابتسامته وهو يناظرها بحده وجمود تبلع ريقها تنطق:أكلتي هواء يا لورين تستاهلين أنا من قال لي افتح فمي أصلن
يمسح على ملامحه ما وده يضعف ويضحك الحين
يناظرهم محمد ينطق:وش عندكم انتم
آسر:سلامتك ياعم ولا شي بس بنتك انجنت تحاكي نفسها
لورين:أنا!
يسكت بدون رد تميل شفتها تقوم لابوها تسولف معه تبعد عنه لانه يخوفها بنظراته