تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 53

تناظر خارج الشباك للنجوم والقمر ، تبتسم من لمحته قاعد ويلعب بالتراب وكأنه يفكر بشي، تدق على الشباك تخليه ينتبه لمصدر الصوت يناظر باستغراب ما يدري مين اللي جنب الشباك بسبب الظلام يقوم من مكانه يبي يتأكد تبلع ريقها ابتهاج يقرب تسكر الشباك شوي تنطق: زايد ارجع مكانك أنا ابتهاج
يضحك زايد يتكي على الجدار ينزل يتكتف يناظر للسماء ينطق:وش تسوين هنا بالليل؟ وفاتحه الشباك؟
ابتهاج:ما جاني نوم وبعدين احب قعدة الليل
يبتسم زايد يسكت لمده قصيره وهي بدت تتوتر لانه ما تحرك من مكانه تفتح الشباك بشويش ترفع نظرها له تناظر واقف ويناظر للسماء بابتسامه تبتسم من ابتسامته، ينزل راسه لها تسكر الشباك بسرعه تضرب راسها فيه تتأوه بألم، يكتم ضحكه زايد ينطق: بشويش وش فيك
تسكت ابتهاج بدون رد ، يقعد زايد تحت الشباك مباشرةً يناظر القمر يبتسم ينطق: مادريت ان القمر مثله قمر
لين شفتك!
تبتسم لا ارادياً من كلامه هي تدري انه يقصدها، تتكتف تسمع له وهو لو بيده يقول لها كلام غزل من الحين للصباح دامه عاحبها ، يسكت بخوف انه يكون يكلم نفسه وهي راحت ينطق: يا قمر؟
تبتسم من مناداته لها بالقمر تنطق: معك يالنجم
تبتسم بواسع ثغره يهمس: انتي قمري وانا نجمك اه ياقلبي
زايد:بسألك يا قمر؟ ابيك تجاوبيني بصراحه؟
ابتهاج: اسأل يالنجم
زايد: لو النجم تقدم للقمر توافق؟
تبتسم ابتهاج تنطق: القمر ما ترفض النجم
يبتسم زايد ينطق: والنجم يبي القمر تكون له وقريب بيتقدم لها
تبتسم ابتهاج تحس ودها تصرخ من فرط شعورها معه وكلامه لها تاخذ نفس تنطق: تصبح على خير يالنجم
زايد بابتسامه: وانتي من أهله يا قمر
تسكر الشباك تتوجه لفراشها تنام وهي تحس بفراشات داخلها ومصدومه كيف قدرت تتكلم معه عادي لأول مره
تحضن اللحاف تدفن وجهها بالمخده تصرخ بفرح ، عند زايد اللي حاط يده على قلبه ومنسدح بنفس المكان ينطق:
وش سويتي فيني ذنبك عظيم يالقمر ملكتي قلبي وخليتيه مجنون فيك، يبتسم يغمض عيونه ينام وهو يتخيلها ويتذكر تأكيدها له بحبها له مثل ما يحبها..

~الصباح لندن~
لانه تم إعلان عن إقلاع الطياره يربط حزامها وثم حزامه
تميل براسها على كتفه تغمض عيونها تغفى، يبتسم يرفع ذراعه يحاوطها، يرجع براسه لورا ينام هو كمان، يفتح عيونه على وصولهم ينزل أنظاره لها بنفس وضعيتها نايمه يقرب لها ينطق بصوت هادي: لورين، يلا ياقلبي وصلنا
تفتح عيونها تبعد عنه تعدل طرحتها تناظره تنطق: وصلنا
يضحك آسر:ايه وصلنا
تضحك من ضحكه تنطق:ليه تضحك؟
آسر:ولاشي ، يفتح حزامها ثم حزامه ، يستقبلهم علي بسيارته بعد ما كلمه آسر يفتح يدينه علي يضم آسر ينطق: الحمدلله على السلامه، شلونك
آسر:الله يسلمك،الحمدلله وأنت شلونك
علي:في قمة الراحه
يضحك آسر: الله يديمها
يركبون بالسياره ينطق علي وهو يسوق: تراكم بتروحون معي
آسر:لا على بيتي
علي: أوامر أختك تقول جيبهم لبيتنا وانا بس بنفذ
يضحك آسر:كذا صارت الأمور ، اقول ودنا لبيتي وأنت ساكت
علي:نتصل بـ ام غزل ونشوف رأيها
يدق على وعد ترد وعد تنطق: انتم جايين ولا توكم؟
يضحك علي: جايين بس اخوك ما يبي إلا بيته
وعد:آسر لا تزعلني وتعال انت ولورين لي مدة ما شفتكم لا ترفضون تكفون
علي: ما عليك منه أنا بجيبه بالغصب
آسر:طيب خلاص ما برفض طلب ام غزل
تبتسم وعد تنطق: حلو نحنا بالانتظار
يسكر علي يوصلون للبيت ينزلون من السياره، تدخل لورين للبيت وعلي وآسر توجهوا لمجلس الرجال ، تبتسم وعد تضم لورين تنطق: شلونك اشتقنا لك
تبتسم لورين تنطق:الحمدلله وانا اشتقت لكم ، انتِ شلونك
وعد:الحمدلله، تبتسم لورين تاخذ غزل تبوسها تنطق:ياقلبي وعد مره تشبهك حتى فـ عيونها
تضحك وعد: وهذا اللي يخلي علي كل يوم يتأملها يقول نسخه مصغره عني
تضحك لورين تنطق:صادق نسخه مصغره
نوره بترحيب: يا حيا من جانا تبتسم لورين تسلم عليها تنطق:وشلونك يا خاله
تبتسم نوره:الحمدلله يابنتي انتم شلونكم كيف كانت سفرتكم
لورين:الحمدلله، حلوه كانت بس قصيره
تضحك وعد: قصيره
تضحك لورين:اخوك عنده شغل عشان كذا رجعنا
نوره: تعوضونها مره ثانيه ان شاءالله وعيالكم معكم
تبتسم لورين تنطق:ان شاء الله