تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 15

الديره

عند الرجال بعد ما عرفوا باللي صار مع غيم بعد الشكوى اللي قدمها ظافر ع غيم
مشعل بحده:مافي عندنا بنات يطلعوا بمحاكم
آسر:الموضوع ما هو بيدنا ولا تبغانا نخليها تتحاسب ع شي كان مجرد دفاع عن النفس
مشعل:أنا بحكي مع ابو ظافر واخليه يتنازل عن الشكوى والبنت تعتذر له
آسر بحده :اختي ما تعتذر لاحد تفهموا واتحدا اللي يجبرها تعتذر ،يطلع من عندهم بعد ما قال كلامه يلف مشعل لعمر:شوف عيالك يبونا ننفضح قدام الناس بسبب شي ما يسوا تعتذر له بنتك وخلاص
يتنهد عمر ما يرد ع أبوه لانه يشوف انه غلط كلامه بس ما يقدر يناقشه
مشعل وهو يدور بعيونه ع لؤي:والمقنذ وينه
زايد:طلع من الصباح
مشعل:ماشاءالله فندق معانا يجي وقت ما يبي ويطلع وقت ما يبي عيالكم فيهم بلاء أكيد
بندر وهو يهمس لـ زايد:الحج ضاربه معه من الصباح
زايد بضحك:ايه خله يرتفع فيه الضغط نرتاح شوي
يضحك بندر بصوت عالي يناظروه كلهم ينطق مشعل:قطعوا حسك قصر صوتك لا اجي اعلم العصا ع ظهرك
يكتم ضحكته زايد ع ملامح بندر اللي تلونت للخوف بدال الضحك يهمس له:تستاهل سيطر ع نفسك شوي
بندر:أنا ان قعدت جنبك بحفر قبري بيديني

-قاعدين جنبها يواسونها ومزون اللي تلومها وتعتبر انها غلطانه تنطق:انتي ما تستحين تتهجمين ع رجال
رتيل:وش تبينها تسوي يعني مد يده عليها وتبينها تسكت والله لو اني لأكسر له عظامه تكسير
مزون:اسكتي انتي انتي لو جاء من يأخذك بعدين كسري له عظامه
تشمق لها رتيل
غند وهي تخز رتيل:رتيل
رتيل:يمه
غند:خلاص
تسكت بنرفزه
مضاوي وهي تنادي غيم :غيم تعالي
تتقدم لها غيم مضاوي:آسر يبيك روحي له
تتوجه ل آسر  اللي قاعد بالغرفه ينطق:تعالي
تقعد جنبه ينطق:اسمعي ظافر قدم عليك شكوى تدرين صح والحين لازم نروح لرياض عشان المحكمه
غيم:خايفه
آسر:من وش تخافين أنا معك والله انه ما يمس شعره منك لا تخافي
غيم:بس من هو يستلم القضيه
آسر:ما عليك أنا احلها انتي بس لا تخافي من احد وأي كلام تسمعيه منهم وبالأخص جدي طنشي تفهمين
تهز رأسها بتفهم ينطق:طيب الحين جهزي أغراضك ونروح للرياض
غيم:طيب
آسر:نادي لي لورين
غيم:طيب الحين

-تتوجه لهم تنادي لورين اللي قاعده ومعها الفصفص وتسولف مع البنات غيم:لورين آسر يبغاك روحي له
تختنق من بلعت الفصفص تفز وعد تضربها ع ظهرها تنطق:بسم الله عليك لذي الدرجه أسم اخوي يخوف
تبلع ريقها تنطق:مويا مويا
تمد لها رتيل المويا:خذي
تأخذها تشرب تتنهد تنطق ضي بضحك :يلا قومي زوجك يحتريك
لورين:اصبري خليني آخذ نفس
اديم:الله يعينه هو يحتريك وأنتي قاعده تسولفي ما تستاهليه يستاهل وحده زيي
تناظرها لورين من فوق لتحت تنطق:واثقه ماشاءالله
اديم:ايه حبيبتي جمال وكل شي فيني عندك شي
لورين؛لا ابداً ماشاءالله كامله بس ما تستاهلين آسر
تقوم تتوجه للغرفه اللي فيها آسر تطنش اديم وكلامها ،تناظره قاعد وشابك يدينه ببعض ومنزل راسه يناظر قدومها ينطق:تعالي
تتقدم تقعد بمسافه بعيده عنه ينطق:بنرجع الرياض اليوم
تنطق بسرعه:مآبي اروح
آسر بحده:ماهو بكيفك أنا آمرك ما أطلبك
لورين بعناد:ماني رايحه معك تقوم يمسكها من معصمها يثبتها ع الجدار  ينطق بحده:اللي قلته تنفذيه ولا ما بيحصل لك طيب
تنطق بصوت بكاء:آسر ابعد عني وجعتني
يناظر يده اللي ماسكه يدها بقوه يبعد يده تبعد عنه تنزل دموعها يبلع ريقه يتقدم لها ينطق:أنا آسف ما... تقطع كلامه تنطق:بعد عني ولا تفكر تقرب لي تفهم أكرهك
تتقدم تطلع برا الغرفه وهو تبكي يضرب يده بالجدار بغضب  من كلمتها وأنه أذاها بدون ما يحس