تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 30

مكتب محاميتنا
بين اوراقها وتراجع قضيتها وتدقق في ابسط الأشياء تنتبه لصوت جوالها كانت عباره عن رساله محتواها
" لا تفكرين ان الموضوع بيمر مرور الكرام يا محاميه بسببك أنا خسرت شغلي والحين جا الوقت اللي ارد فيه حقي منك"
كانت تقرأ الرساله بسخريه تسكر الجوال هي متوقعته تهديد وبس وما يقدر يوصل لها وهي ما أخذت قضيته لأنها تدري انه قضيته باطله ولا يمكن هي تاخذ رشوه عشان توقف معه تركز ع قضيتها الجايه تتجاهل كل التهديدات اللي تجيها

وعد وهي تدخل محل ورا الثاني تتسوق لعرسها مع زياد لانه هو اللي اخذها للرياض زياد وهو حاط يدينه ورا ويدور معها وعد وهي تلف له تخليه يختار معها تنطق:زياد شرايك
زياد:وعد تدرين اني ما اهتمّ لسوالف هاذي واللي تبينه خذيه
تميل شفتها وعد تلف عنه تكمل تختار وهي تدري انه مافي فايده منه لو كان زايد كان اختار معها
تنبه لرنين جوالها تاخذه ترد بهدوء:أهلين ساره
ساره:كيفك يا عروستنا
تبتسم وعد بخفه:الحمدلله انتي وش اخبارك
ساره:الحمدلله،اسمعي دامكم بالسوق شرايك تمرين مكتبي ومنها نسولف شوي وبعدها نطلع مع بعض نتسوق لانه ما اقدر اطلع الحين
وعد:اوك ماعندي مشكله وبعدين تساعديني شوي لانه زياد مو نافعني بشي
ساره برفعة حاجب: المتخلف معك
تضحك وعد:ايه معي يلا باي الحين طالعه من المحل
ساره:اوك باي
يطلعون من المحل تنطق وعد بهدوء:زياد
زياد:هلا
وعد:ودي نروح لساره ونطلع مع بعض نتسوق
زياد:ماهو بضروري امشي خلصيني
وعد:زياد تكفى أبيها تساعدني
يتأفف زياد:طيب امشي يلا
تبتسم وعد تمشي معه لسياره يتوجهون لساره

-تصحى من نومها بتعب تتمغط تناظر اللي جنبها ونايم تقوم تتوجه للحمام "يكرم القارىء" تطلع بعد دقايق بروبها تفتح الدولاب بهدوء تاخذ بنطلون جينز وبلوزه باللون الزهري تلبسهم تتوجه للتسريحه تفرد شعرها وتنشفه تكتفي انها تاخذ خصلتين وتلفهم لورا ببكله صغيره تنزل خصلتين ع وجهها وتترك شعرها منسدل ترش من عطرها وكالعاده ما تنسى المسك تمرره ع أماكن النبض وعنقها تاخذ جوالها تطلع برا الغرفه تتوجه للمطبخ تبدأ تجهز لها قهوتها وتسوي فطور خفيف تاخذ جوالها تبحث ع أغنيه لـ اصاله وهي تدندن معها وتحرك القهوه بالمعلقه ع صوت اصاله:
ارحم اللي يحبك وميت يبيك
كل أبوابي توصلني لباب
باب قلبك افتحه الله يهديك
افضحتني عيون ضيعني الصواب
والرياض درت اني لبيك

يتقدم لها يضمها من ورا يدفن راسه بعنقها ينطق بصوت توه صاحي من نومه: اخخخ والرياض درت اني أبيك
تبلع ريقها تحس بقشعريره من قربه يبتسم من ارتباكها يشد عليها تنطق بصوت متقطع:آ س آسر
آسر بإبتسامة:قلب آسر
تبلع ريقها تعيد مناداتها له من ناظرت سكونها وشدته عليها:آسر
آسر:رجعان قلب آسر
لورين بصوت يرجف :آسر ابعد
يبعد عنها من لاحظ رجفة صوتها تتنهد تاخذ نفس من بعد عنها يبدأ صدرها يصعد ويهبط تاخذ قهوتها ما تلف له تطلع برا المطبخ يبتسم من هروبها يبعثر شعره ياخذ قهوته اللي مجهزتها له يطلع وراها يناظرها قاعده بالصاله وسرحانه قريب الشباك اللي كان عباره عن زجاج كامل كبير يطل ع الورود الموجوده برا يبتسم يتقدم لها يقعد بجنبها تفز من سرحانها ترتشف من قهوتها تبتسم ينطق:متى ودك نروح للمول
ترفع أكتافها بعدم معرفه:متى ما ودك
يبتسم من خجلها الواضح منه ينطق:قومي ما ودك تروحين للادهم
تبتسم تهز راسها ترقى الدرج تغير لبسها للبس الفروسيه يتنهد بإبتسامة يكمل يشرب قهوته

-الخبر بعد ما اخذ بيت له ولغيم عشان شغله
قاعده وتناظر التلفزيون وبيدها صحن الفراوله يدخل يناظرها وهي بس تأكل فراوله ورا الثانيه يضحك بهدوء تلف له تبتسم تنطق:لا تضحك هذا ولدك ماهو أنا
يضحك لؤي:بالعافيه عليه وعليك
تبتسم له تنطق:جبت كل اللي قلت لك عنه
لؤي:ايه خليتهم لك بالمطبخ
غيم:اوك بروح أشوفهم
تتوجه للمطبخ وهو معها تناظر الأكياس جايب لها كل شي طلبته تناظر الكيس الأخير تفتحه تحط يدها ع ثغرها تنطق:لؤي وش ذا اللي جايبه
لؤي بإستغراب:كبده عشانك
تركض غيم للحمام تستفرغ "الله يكرمكم" يلحقها لؤي بخوف عليها ينطق:غيم شفيك
كان يسمع صوت استفراغها ويزيد خوفه تطلع له بعد فتره يناظرها ينطق:شفيك انتي بخير
غيم:بخير ما علي بس الكبده اللي جبتها تطلعها من المطبخ
لؤي:ابشري ابشري بس انتي ارتاحي خوفتيني عليك
تضحك غيم تقعد تنطق:تعال
يتقدم لها يقعد جنبها يتابعون مع بعض يحاوطها تسند راسها ع كتفه تكمل أكل الفراوله يضحك بهدوء من أكلها المبالغ فيه للفراوله ترفع أكتافه تزم شفتها:ودي طيب يعني ما آكل
لؤي:لا بالعافيه عليك والله لو تبين كمان الحين اجيب لك سلة فراوله
تبتسم غيم تكمل أكل تاخذ حبه تمدها له:تبي
يبتسم لؤي ياخذها وهي تكمل أكل وتتابع معه الفلم

-يبتسم وهو يناظرها ع ظهر الخيل وتركض فيه بملابس الفروسيه وشعرها اللي يحركه النسيم تنزل راسها للادهم (الخيل) تحضنه وتمسح عليه تنزل بعد دقايق تتوجه له وبيدها الأدهم يبتسم لها
تبتسم لورين:تصورني
آسر:ابشري
تعطيه الجوال ياخذ لها صور مع الأدهم تحتضن الأدهم وهو يصورها يهمس:اخخ يالخيل المحظوظ
لورين:صورت
يستوعب آسر يبتسم:ايه
تتقدم تاخذ الجوال تناظر الصوره يتركها من جاه اتصال من علي تتقدم للادهم تدخل للاسطبل تبعد الخوذه عن راسها تعدل شعرها تبتسم من صهيل الأدهم تمسح عليه تبدأ تهز راسها وترفعه والأدهم يكرر حركتها تبتسم يتقدم لها بعد ما خلص مكالمته يناظرها مع الأدهم وحركاتها وهي تهز راسها
تحرك شعرها وتهز راسها مع الادهم اللي يصهل مع حركتها
يبتسم آسر بوسع ثغره:
للخيل عـز وراعي الخيل خيال
ياسعد منهو في حياته مثلها
لا شفتها بالعين تلعب وتختال
تحفر حوافرها بكبدي غـلاها

بمكتبها تنتظر وعد وتقرأ ملف القضيه مره ثانيه وتتأكد من ابسط التفاصيل تناظر فتح الباب اللي دخل وهو متلثم تقوم من مكانها تناظره :من انت ومن سمح لك تدخل مكتبي
يبتسم بسخريه:افا نسيتيني بالمحاميه
ساره:اطلع برا
يتقدم لها يطلع السلاح من من جيبه يوجّهه ع راسها تناظر السلاح اللي ع راسها تحاول تمثل عدم الخوف أمامه
طلال:أظن نسيتي تنبيهي لك
ساره:لا مانسيت وتنبيهك ما يهز فيني شعره
يرص ع اسنانه بعصبيه من ثقتها الزايده:لا تختبرين صبري انتي تدرين وش اللي أبيه منك بس تستلمين القضيه و تشتتين التهم الموجهه علي وأظن انه سهل عليك
ساره:ماني مستلمه قضيتك كل الادله ضدك وقريباً بتدخل السجن ع يديني
يقرب اكثر ينطق بعصبيه:لا تخليني أتصرف معك تصرف يخليك تخسرين حياتك أدفنك بمكانك بدون لا يرف لي جفن
تبتسم بسخريه:ان كنت رجال سوها
يعصب من كلمتها ينتبه لفتح الباب من كان زياد و وعد يلف ساره له ينطق:لا تقربون والله اذب'حها
تشهق وعد بخوف ع ساره
زياد وهو يقرب له
طلال وهو يسحب ساره معه:لا تقرب
يمشي طلال ومعه ساره يأشر لها زياد بعيونه بمعاني تفهمها تبتسم ساره تفهمه وتنفذ معانيه....
🌚🌷🌷🌷🌷🫶🏻.