تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 18

.
-الرياض
يصحى من نومه بكل نشاط غير عن العاده يتوجه للحمام "يكرم القارئ" يتروش وبعد دقايق يطلع وهو لاف المنشفه ع خصره والمنشفة الثانيه يجفف فيها شعره يتوجه للدولاب يطلع الثوب مع الشماغ والعقال يلبس الثوب يتوجه للمرايه يلبس الشماغ مع العقال ويعدلهم،يأخذ المبخره الالكترونيه يحط البخور يبدأ يتبخر وهو يغني:

"قــربــي منــي شــوي ردي انــفــاسـي علي"

يمسك الشماغ بيده يبخره ويكمل:

"اتــركــي خـوفـك تــعالــي ودي اشعــر اني حــي"

تدخل تناظره بكامل كشخته اللي يشوفه يقول معرس تبتسم تنطق:صباح الخير وش مسوي بنفسك انت
علي:انتي ما تعرفين تطقين الباب يعني
ساره:شدعوه ما بينا المهم ليه كاشخ كذا
علي:ماني كاشخ هذاني نفس كل يوم
ساره:لا لا وش سالفة هالنشاط والكشخه
علي:سوير توكلي انزلي تحت
ساره:اسمي ساره مو سوير يا علوش
علي بضحك:مافرقت سوير
ساره بعناد:علوش
علي:عادي علوش ولا سوير
ساره:وع بس بروح ابرك لي بعد
علي وهو يضحك:انقلب السحر ع الساحر
ينزل بعد ما رش من عطره يناظره مشاري ينطق:علوش ليكون اليوم عرسك واحنا مو عارفين
علي:يبه شفيكم تحسسوني اني وسخ
مشاري:لا وأنا أبوك بس ريحة البخور واصله لعندي اكثر من طبخ أمك
ساره باستفزاز:ايه شعندك علوش علمنا
يأشر لها بمعنى تسكت تنطق بعناد اكثر:يبه تدري انه علوش امس امي نادته اكثر من مره وهو يهوجس ويبتوسم
يناظره مشاري يبتسم له علي بتسليك
مشاري:لا يبا لها جلسه وأنا أبوك نشوف وش عندك
علي وهو يعدل شماغه:خير ان شاءالله بس ما هو الحين
نوره بفرح :يعني في شي
ساره:في يمه أكيد
يرفع علي أكتافه بعدم معرفه يفطر معاهم يطلعوا بعد دقايق متوجهين للمحكمه ينزلوا من السياره بنفس الوقت يوصل آسر يلف المرايه له يعدل الشماغ ويرش عطر تناظره ساره بصدمه وضحك تنطق:بشويش
ينزل بعد ما عدل شماغه وثوبه ينادي آسر يتقدم يسلم عليه
آسر بضحك:شفيك متكشخ ليكون رايح تخطب
علي:شدعوه أنا من يومي كشوخي بس انتم ما تشوفون
آسر:زين زين يلا مشينا
علي وهو يناظرها من بعيد:ايه يلا
غيم وهي تهمس لساره:شفيه اخوك كاشخ كذا
ساره بضحك :يعني واضح
لورين:مره ريحة البخور واصله لين عندي
تبتسم ساره تناظر وعد هي تدري انه حاط عينه ع وعد لانه الوحيده اللي شافها هي من بعد ما راحت من بيتهم وهو يهوجس ترفع أكتافه بعدم معرفه:مدري شعنده بس أظن انه بيخطب عن قريب
غيم:ماشاءالله زين
تناظرها وعد بصدمه معقول يخطبها هي تهز رأسها بالنفي تبعد الأفكار من رأسها

-قاعد يكلم بالجوال ينطق:خلك وراه وإذا اظطر الأمر خله يسوي حادث اهم شي ما يوصل الدليل لهم تفهم
....:تم كل شي تحت السيطره
يبتسم بسخريه ينطق:تهددني يا ولد مصعب نشوف الحين وش تسوي، مايدري ان الدليل صار معهم ولا يقدر يسوي شي
-راكب سيارته متوجه للديره بعد ما عطى الأوراق آسر يناظر الشاحنه اللي من وراه وملاصقه فيه يعصب يطلع راسه من الشباك ينطق:هي انت شفيك الشارع فاضي مدبس بسيارتي
ما يرد عليه يحاول يسرع ويبعد عنه يسحب القير بقوه
بس بدون فائده كان وراه مباشرةً يحاول يدعس فرامل عشان يوقف السياره ما يقدر لانه فقد السيطره ع السياره يلوي الدركسون بقوه لليمين تتحرك السياره بقوه لجهة اليمين تصطدم بالعمود بقوه تتفجر الجهه الاماميه للسياره بشكل مُرعب يتناثر الزجاج ، يضرب رأسه بالدركسون يفقد الوعي بسبب الضربه القويه