تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت2

.
فتحت عيونها ع شروق الشمس تشوف وصولهم للديره تناظرها بسكون تلفت تناظر الأطفال اللي يلعبون تناظر البيوت اللي جنب بعضها تفز بارتباك تشوف أبوها وقف السياره ينطق محمد: هيّا انزلي
تعدل حجابها تفتح باب السياره تمشي خلف أبوها بخطوات متثاقله تحس نفسها غريبه تحس شي جديد عليها تتخيل كيف بيكونو معاها وكيف تعاملهم توقف خلف أبوها تناظر رجل كبير بالسن يتوسد المجلس بعكازه ورجال حوله تستوعب لما نطق أبوها: السلام عليكم
ردوا عليه السلام يتقدم يبوس راس أبوه تناظرهم بخوف وربكه ينطق مشعل: مابغيت تجي ذكرت ان عندك أب وأم وإخوان يا محمد
محمد: يبه هذاني جيت وأنا عندك
يهز مشعل رأسه بسخريه يناظر لورين من بعيد:وبنتك ذي ليه ما تجي تسلم علي وعلى أعمامها ولا مو عاجبينها يلتفت للورين بعصبيه ينطق: لورين تعالي سلمي عليهم
ترجف بخوف من عصبيته تتوجه تسلم عليهم كلهم
يسلمو عليها أعمامها ببرود
يناظر مشعل محمد ينطق: روح سير ع أمك
هز رأسه يتوجه مع لورين لامه
يراقبها بهدوء ويبتسم ابتسامة خبث يهمس: والله إنها صاروخ
يسمع لؤي همسه ينطق بهمس وعصبيه:غض بصرك تراها بنت عمك
ناظره بندر بعدم اهتمام لكلامه  يلف يسمع حوار مشعل مع عمه محمد وباقي أعمامه وابوه يتنهد بملل ما يحب سوالفهم ينطق فارس: أنا بروح للإبل توصون ع شي
ينطق مشعل:لا خذ معك لؤي وبندر يساعدوك
ناظره بندر بحقد ما يبغا يروح ناظره لؤي بابتسامه سخريه يربت ع كتفه: هيّا ياولد العم
قام يكبت عصبيته يمشي معاهم للإبل

-تتقدم تمشي ورا أبوها بهدوء تحاول تتجاهل خوفها ودموعها ينطق محمد: طريق بدخل
قامو الحريم كلهم يدخلون دخل محمد ووراه لورين يتقدم يبوس راس أمه ويدها تتقدم لورين تبوسها بالمثل تناظر مزون محمد وتنطق:ابطيت علينا ولا نسيت ان عندك أهل
محمد: لا يمه ما نسيتكم وهذاني جيتكم ولا عاد بروح مكان
تهز رأسها تناظر لورين لحالها تنطق بسخريه: وحَرمك وين ما جات معكم
نطق محمد بسخريه: لا طلقتها وافتكيت
تبتسم مزون: إيه هذا القرار الصح وش ودك فيها بنات الحلال واجد
ناظرتها لورين تفتح عيونها من فهمت قصدها ينطق محمد: إيه بس ماهو بوقته هالحين لاحقين
تناظره مزون تنطق: خير البر عاجله وش ناقصك أنت أدور لك حرمه تناسبك وبنتك لا تخاف عليها هي كمان بتزوج وتنساك
يبتسم لها محمد: خير يمه اللي ودك فيه
تناظره لورين بصدمه تكبح دموعها من النزول تدري ان أبوها ما يهتم لمشاعرها وبيسوي اللي هو يريده وما بيرفض طلب أمه لان امها ما كانت زي ما أبوها يريد كانت تعصيه وترد عليه ومشاكل كثير بينهم  بس هي مالها ذنب تتحمل منهم كل هذا بيرميها الآن ولا بيسأل عنها تنزل دمعه ع خدها تمسحها بسرعه قبل إحد يلاحظ عليها وقف محمد يبوس راس أمه يتوجه للرجال ويتركهم
تناظر لورين خروجه بصمت هي ما تحس بالأمان معه ولا بوجوده بس تحس نفسها غريبه بينهم كونها ما تعرفهم وما تعرف تقاليدهم
تتقدم لها مضاوي تربت ع كتفها بحنيه تنطق: شكلس تعبانه يا أمي روحي ارتاحي بتساعدس وعد ناظرتها لورين تبتسم لها
تنادي مضاوي وعد: وعد
وعد: سمي
مضاوي: خذيها لغرفتها ترتاح وتغير ملابسها
هزت رأسها وعد تناظر لورين بابتسامه تنطق: هيّا
ناظرتها لورين ترد لها الابتسامه تمشي معها بهدوء تنطق وعد بابتسامه : وش اسمك؟
ابتسمت لها لورين تنطق: لورين
ابتسمت لها وعد:اسمك حلو مثلك
تبتسم لورين من لطافة وعد معها تناظرها لورين تبتسم: وأنتي؟
ناظرتها وعد تفهم قصدها تنطق بابتسامه: وعد
ابتسمت لها لورين تمشي بهدوء معها تتوجه بخطوات هاديه تدخلها وعد الغرفه تنطق بابتسامه: غيري ملابسك وارتاحي هنا
هزت رأسها لورين تنطق بابتسامه:شكراً
تبتسم لها وعد تسكر الباب تخليها ترتاح ناظرت لورين خروج وعد تناظر الشناط موجوده تطلع لها لبس تغير ملابسها طلعت بنطلون بيج وهودي باللون البني ترطب وجهها وجسمها تتقدم تنسدح ع السرير تضم نفسها تحس بإحساس غريب تحس نفسها غير مرغوب بها بينهم تذكر كلام مزون تنزل دمعه حاره ع خدها تبكي بقوه كبحت دموعها كثير والحين انهارت تغرس وجها بالمخده تمنع صوت شهقاتها تغفى بتعب كبير ما تحس بشي