تباهي بجمالك يا لورين الآسر وازهي بحبي واحيي فيني شعور كنت اجهله

بارت 35

.
تركب معدات التصوير وتضبط الإضاءة تاخذ كاميرتها تنطق: ?Are you ready (هل انت مستعد؟)
الرجال:Yes
تعطيه وضعيات مع الخيل ع البحر بنسمات الهواء الخفيفه والسماء المليئه بالغيوم تاخذ وضعيه التصوير تقرب الكاميرا لعينها ترجع خطوه تثبت الكاميرا ع الصوره تلتقطها وتعطيها وضعيات أخرى مع الخيل وبدون تبتسم تنتظر إبداعها بعد ساعه تخلص من التصوير يقرب الرجال يشوف الصور يبتسم بإعجاب: Wow, these are beautiful
‏pictures, thank you
(واو ، انها صور جميلة ، شكرا لك)
تبتسم كيان:welcome
يمشي الرجال بعد ما قالت له متى بياخذ الصور تناظر البحر تاخذ نفس تترك كاميرتها ع الكرسي تتقدم للبحر ترفع بنطلونها وتمشي والماء يلامس رجليها وهي تعشق البحر وخاصه بذي الأجواء غيوم وبحر ورياح خفيفه تترك شعرها يتمايل مع الهواء تبتسم تناظر اللي جاي لها وهو لابس شورت ابيضّ وتيشرت ازرق يركض لها بعد ما خلع جزمته (الله يكرمكم) يوقف جنبها يمشون ع البحر وهم علاقتهم قويه كأخوان ومُلِهم يحاول يسعدها بأي طريقه لان بعد موت امه كيان تأثرت كثير والحين حالها احسن ولا وده بيوم يزعلها يبتسم لها
كيان:توقعت ما تجي
يلامس خدودها:افا كياني تقول لي اجي وما أجي
تبتسم كيان تضمه وهو كان لها الاخ والصديق والأم وكل شي كانت تحتاجه ما يقصر معها هو وأبوها محتوينها ويدللونها حتى وهي كبيره يبتسم يمسح عليها ينطق:ايه كيف كان يومك
تبعد كيان عنه تحرك شعرها من الهواء:حلو كان معي تصوير والحمدلله خلصت
مُلِهم:ماعندك شي الحين
كيان:لا أبوي لحاله بالبيت بروح له
مُلِهم:زين أنا عندي دوام بس جيتك الحين لانه ما عندي شي
تبتسم كيان:خلاص روح ع شغلك أنا الحين بلم المعدات واروح
مُلِهم وهو يبوس راسها:زين يا عيوني استودعتك الله
تبتسم تلوح له يتوجه لدوامه يوصل للمستشفى يتوجه للحاله اللي هو مستلمها يدخل يناظر محمد ع السرير عشان العلاج الكيماوي يبتسم له يناظر آسر ولورين وهو اول يوم يقابلهم وهاذي اول جلسه تكون لمحمد معه كانت مع دكتور آخر يبتسم لهم:تقدرون تطلعون لا تخافون فتره وتعدي يلف لمحمد:وأنت ياعم أصبر وان شاءالله تعود بصحتك وعافيتك لديارك
مُلِهم:هههه لا تستغربون تراني سعودي بس عايش بألمانيا واشتغل هنا
يبتسم آسر:جزاك الله خير حنا نطلع الحين
يطلعون يتركونه يعالج محمد
تقعد الكرسي وهو بجنبها تميل برأسها ع كتفه يبتسم يمسك يدها يطمنها تنهد بهدوء تشد ع يده

تسريع الأحداث بعد اشهر
غيم وهي طالعه من الغرفه تناظر لؤي قاعد ويجهز الغداء تتقدم له غيم يناظرها ينطق:وش مشتهي حبيب ابوه
ترفع أكتافها بعدم معرفه تناظر لؤي من حست بوجع وأنه ولاده تصرخ بخفه:لؤي
لؤي وهو يترك السكين:شفيك
يناظرها تبكي تمطق:لؤي بسرعه بولد
يختبص لؤي يلف ويرجع لها تصرخ عليه غيم:لؤي عبايتي مو وقتك بسرعه
يركض لؤي يجيب عبايتها وطرحتها يلفهم عليها وهو يرجف ما يدري ويش يسوي لأنهم لحالهم بالخبر تركب السياره وهي تصرخ ولؤي يسرع
غيم وهي تبكي وتصرخ:كله بسببك والله ما أسامحك
يبلع ريقه لؤي ياخذ نفس يوصلوا للمستشفى ينزل ياخذ لها الكرسي وتنزل يساعدها وينادي الدكاتره كلهم يركضون لها يدخلونها غرفة الولاده يقعد ع الكرسي وهو مختبص يقوم يمشي بالممر ذهابا وإياباً ويسمع صراخ غيم يبلع ريقه وهو يسمعها تسبه يوقف عند الباب :وش دخلني أنا استغفري يا غيمي  لا تدعين علي
ينتبه انه صوت غيم ما عاد ينسمع تطلع الدكتوره يتقدم لها ينطق:دكتوره كيف زوجتي
تبتسم الدكتوره:الحمدلله المدام بخير والطفل بخير
يبتسم يدخل الغرفه يناظرها ع السرير يقرب لها يبوس راسها :الحمدلله ع سلامتك يا ام الغيث
تبتسم غيم بتعب تقرب الممرضه ومعها غيث ياخذه لؤي يبتسم يبدأ يأذن فإذنه وغيم تناظرهم وهي مبتسمه
يقرّبه لها تبتسم غيم تنزل دمعتها
يبتسم لؤي:ناظري ثمرة حبنا
يقرب لسرير غيث يتركه ياخذ جواله يدق ع زايد
زايد وهو يشرب شاي:ارحب ابو غيث
لؤي:جاء جاء الغيث
زايد:احلف
لؤي:والله يفتح الكام يوجهه ع غيث وغيم
زايد:ابك والله انك صادق يركض ينادي امه:يمه يمه
مضاوي وهي تقوم مفجوعه:بسم الله عليك يايمه وش فيك
زايد:يمه غيم غيم
مضاوي وهي تحط يدها ع قلبها:بسم الله وش فيها أختك لا تخوفني
زايد وهو يقرب الجوال لامه:يمه ناظري حفيدك
تبتسم مضاوي تنزل دمعتها:الحمدلله على سلامتك يامي ومبروك ما جاكم
يبتسم لؤي:الله يبارك فيك يا عمه
تاخذ الجوال غيم تكلم أمها شوي تمد الجوال للؤي ياخذه ينطق:يلا فأمان الله
زايد:الله معك بكره نجيكم

ألمانيا
بعد جلسات كثيره اللي خضع لها محمد تحت إشراف مُلِهم
كان يستجيب للعلاج
مُلِهم:الحمدلله صحتك الحين نقدر نقول تمام بس باقي جلسات
آسر:الحمدلله كم جلسات متبقيه
مُلِهم:والله مادري ياخوي ع حسب استجابته للعلاج
يهز راسه آسر بتفهم يربت ع كتفه مُلِهم :دعواتكم له ولا تخافين صحته الحين احسن من قبل
تبتسم لورين تقرب لابوها وتسولف معه وتخفف عنه يطلع مُلِهم يتركهم يأخذون راحتهم ينزل الكمام ياخذ جواله
يرد:هلا يبه
تركي:يا ولدي أنا جئت للمستشفى بس شكلي ضيعت تعال لي
مُلِهم بخوف:يبه صاير لك شي كيان فيها شي
تركي:لا وانأ ابوك بس انت قلت انه تعالج واحد سعودي وأنا ودي أتعرف عليهم تعرف اني طفشت بالبيت
مُلِهم:الله يهديك يا يبه الرجال مريض بس تعال تطمن عليه بجيك الحين انتظرني
ينزل لابوه بالمصعد وهو لابس اللابكوت يبتسمون الممرضات يناظرونه تنطق وحده من الممرضات: Oh my god how beautiful
(يا إلهي كم هو جميل)
ممرضه2بهيام: He is my dream boy
(انه فتى أحلامي)
تتقدم احد الممرضات له تنطق بدلع (ملاحظه هي عربيه):دكتور
يناظرها مُلِهم بإبتسامه تهمس:يمه بدوخ
مُلِهم بإستغراب :تبين شي
ندى:لا بس كنت ابي اااا
يناظرها مُلِهم بضحك:وش فيك اسمعي أنا الحين مستعجل إذا ودك شي بعدين علميني
تبتسم ندى تطيح ع صاحبتها اللي جنبها لارا وهي تصفقها بخفه:بنت شفيك
ندى بهيام:أموت أنا شفتي كيف ضحك اخخخخ يهبل
لارا:بنت عيب وش ذا الكلام
تقوم ندى:شدراك انتي بعدي
تمشي للممرضات تناظرهم يناظرونها بغيض تبتسم بمكر وهي تحاول توهمهم انه يحبها وهو ما درى عن هوى دارها
ياخذ ابوه يوصلون للغرفه اللي فيها محمد يناظره تركي وهو. صح انه متغير بسبب تساقط شعره إلا انه عرفه:محمد
محمد:تركي
يبتسم تركي يقرب يسلم عليه تحت أنظار مُلِهم وآسر ولورين اللي مو فاهمين شي يلف آسر للورين يمكن تعرف ترفع أكتافها:ما اعرف والله

🌷🌷🌷🫶🏻