تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 16

.
الصباح الساعه 7:30
توجهت للحمام "يكرم القارئ" تروشت وأخذت روبها تلفه عليها تطلع ملابسها من الدولاب بنطلون ابيضّ وبلوزه باللون الأصفر بكم واحد طويل تتوجه للمرايه تمشط شعرها ترفعه ببكله باللون الأبيض ينسدل باقي شعرها ع أكتافها ،ترش من عطرها وتمرر المسك ع عنقها وأماكن النبض تطلع بهدوء من الغرفه تنزل للمطبخ تناظر وعد وغيم اللي يجهزون القهوه تنطق:صباح الخير
وعد وغيم:صباح النور
لورين:افطرتوا
وعد:لا ننتظركم،آسر صحى ولا لا
لورين:لا نايم
غيم:تعالو نفطر وبعدين نصحيه يفطر
لورين:ايه صح
بعد دقايق من فطورهم يرتبوا الطاوله ويغسلو الصحون تجهز لهم لورين القهوه تمد لكل وحده كاسه تنطق:نطلع برا بيعجبكم المنظر
غيم:طيب يمكن تتعدل نفسيتي
يطلعوا برا يناظرون سلات الورود اللي كأنو باللون الأبيض والأحمر تبتسم غيم:والله اخوي ماهو هين طلع عنده ذوق وورد احمر كمان
تبتسم لورين تتذكر شكله وهو يسقي الورود والأبيات اللي قالهم لها يدخل عليهم وهو يحرر شعره بيده  ينطق:صباح الخير
وعد:صباح النور
آسر:افطرتوا
وعد:ايه وترا فطورك بالمطبخ اجي أسخنه لك
آسر:لا خليك أنا بسخنه
يناظرها صاده عنه يتنهد ينطق:تتجهزوا بنروح الحين لمكتب المحاميه
وعد:طيب
آسر:غيم
غيم:هلا
آسر:اي سؤال تسألك عنه تجاوبي مافي داعي للخوف الأمر بسيط
تهز رأسها بتفهم تنطق:طيب
يدخل يعقد حجاجه من سكوتها حتى ما ردت عليه بكلمه ولا اهتمت لوجوده ينطق وهو يمسح ع ملامحه :زعلها صعب وقلبي ما يقوى صدها

-قاعد يشرب القهوه بمكتبها ويناظر الملفات حولها ينطق:الحين بيجون امس كلمت آسر
ساره:حلو
علي:تدرين الفضول ذبحذني ابغا  أشوف اللي ضربته باين عليها قويه
ساره وهي تضحك:يمكن مو قويه بس وقت يكون الأمر يحتاج دفاع نصير قويات احنا البنات
علي:يمكن
ينتبه لدق الباب ينطق:جو
يقوم يفتح الباب ينطق:اهلاً نورتو مكتبي
يضحك آسر ينطق:اهلاً فيك
ساره:تفضلو طبعاً مكتبي ما عليكم منه
يناظرها علي.جحدتيني
ساره:ايه الحين أنا المحامية ساره مو أختك

‎يتقدمو يقعدوا تناظره ساره ما تدري عن وحده فيهم اللي ضربت الرجال تنطق بإبتسامه:كلكم ضربتوه
‎غيم بضحك تنطق:لا أنا اللي ضربته
تهز رأسها بتفهم تنطق:طيب تقدرون تنتظرونها برا بتكلم معها
يطلعوا كلهم برا تبقى غيم وساره
ساره:ايه احكي لي
غيم:من الأول ولا بس ع الضربه
ساره:الأحسن من الأول عشان اقدر احلل كل شي
تبدأ تحكي لها كل شي صار من طلبها ظافر ليوم زواجها وسبب ضربها له
تبتسم ساره:محلوله لا تخافين
تبتسم لها غيم:شكراً
ساره:العفو هذا واجبي
تبتسم لها تنطق ساره بإبتسامة :بعطيك رقمي تجون عندي اليوم ابغا اعرف تفاصيل عن القصه
تبتسم غيم:طيب
تطلع لهم بعد كلامها مع ساره يناظرها آسر:خلاص
غيم:ايه بعد بكره الجلسه
آسر:طيب يلف ل علي اللي صاد عنهم ينطق:مشكور ما قصرت
يبتسم علي:العفو ما بينا
آسر:يلا أنا أستاذن منك
علي:الله معك
وعد وهي تكلم لورين بهمس:شعري انفتح تدلين الحمام
لورين :لا والله بسأل آسر
يناظرها تأشر له يفز قلبه واخيراً نادته واخيراً تبغا تكلمه يتقدم لها بسرعه بابتسامه:لبيه ي عروق قلبي
تكتم ضحكتها وعد وغيم اللي مو مصدقه هذا آسر اخوها ولا تتخيل وعلي اللي حط يده ع فمه لانه يشوفه طايح بالحب إلا وغرقان تهمس له بإحراج:وشو له تقول كذا اسمع الحين وعد تبغا الحمام تدله
يستوعب ع نفسه يلف يناظر علي كاتم ضحكته يلف لها ينطق:لا بسأل علي
يتقدم لعلي يهمس:بس خلاص
علي:خروووف لذي الدرجه متلهف تأشر لك
آسر:تعقب
علي بضحك:اعقب هاه واللي قبل شوي وش
يحك راسه من ورا ينطق:ردة فعل وبعدين وش دراك بحياة المتزوجين انت المهم وين الحمام
يضحك علي:ليه وش جاك
آسر بحده:اسكت لا اتوطى فبطنك اختي تبغا الحمام
علي :هاه طيب تعال وادلك عليه
يأشر لها بالقدوم يمشوا قدامها هي وراهم يوصلو للحمام تدخل تعدل حجابها وترفع شعرها ،يرن جواله اللي كان "لؤي"المتصل ينطق:دقايق
يهز راسه علي تطلع من الحمام تناظر تدور بعيونها ع آسر يناظر قدومها ينطق وهو صاد:عنده مكالمه الحين بيجي
تسكت بدون رد تتقدم بنت تدخل الحمام تبعد من الحمامات توقف جنبه بمسافه بعيده عنه تفرك يدينها ببعض يناظر توترها وخوفها منه ينطق عشان يطمنها:لا تخافي ماني مسوي لك شي
تهز رأسها تنطق بصوت هادي:ادري
يتقدم لهم آسر يناظرها ينطق:مشينا
تهز رأسها يودع علي يلف يناظرها يناظر عيونها العسليه برموشها الكثيفه كأنهم نجمتين تنتبه لنظراته لها تبلع ريقها بتوتر تمشي بسرعه مع آسر ابتسم يشوف توترها وخجلها يضرب راسه ينطق:الله يهديك يا آسر خليتني خفيف مثلك