جيتي مثل ربيع ازهر بقلب السيف بُستان

البارت الثاني

عند ابو رامي
ابو رامي : والله لولا مخافة الله ان اكسر له راسه كبر وكبر حقده معه مايستحي على وجهه
رامي: بس عمي عبدالرحمن قد تكلف بالغداء ماودي اننا احرجناه ومشينا
طلال: البيت اللي مانتقدر فيه مالنا جلسه فيه
ابو رامي يعدل جلسته : والله اليوم عرفت محبتكم لي ومحبة سيف لأخوانه
سيف: الله يخليك تربيتك وطلال ماغلط بالعكس حفظ قدرك ومكانتك وابو زهر الله يسامحه ماكان له داعي حركته
ابو رامي: الله يحفظكم لي ولا يخليني منكم عرفت ان وراي سند
طلال: تبون اروح اخذ غداء؟ سيف انت من الصبح مااكلت شي
رامي: ايه والله حتى انا بموت جوع جيب لنا غداء
ويدق الباب ويفتح طلال
ابو نايف ونايف جايبين غداء
ويدخل ابو نايف : والله يااخوي اني ماخذ بخاطري منك تطلع وتخلي غداء اخوك؟
ابو رامي: اعذرني والله اني ماقدرت اقعد في مجلس فيه واحد قلل من قدري وقدر عيالي
سيف: امسحها بوجهي هالمره ياعمي
ابو نايف يمسح ع ظهر سيف: هالمره عشان سيف رح امشيها
طلال: عمي ودي انك ماتكلفت كنت طالع اشتري غداء
ابو نايف بعصبيه: استحح تروح تشتري وانا عازمكم على الغداء
طلال يبوس راس عمه: ماقصدت بس الله يكثر خيرك
ويطلعون ابو نايف ونايف ويرجعون لبيتهم
............
عند ام نايف
ام نايف: تفضلوا للغداء الله يحييكم
ام رامي وام زهر : الله يكثر خيركم ويزيدكم
شهد وهي تناظر بنات خالتها بغرور : وش مسوين هالايام
دانه : والله الحمدلله قاعده ادور على وظيفه هالايام وسيف يقول افتح مكتب لحالي افضل من اني اشتغل تحت امرة احد
زهر عشانه رأي سيف : وانا رأيي من رأيه احس بمكتب لحالك افضل انا لسى قاعده انتظر التعيين لو ان تخصصي نفس تخصصك كنت فتحت مكتب محاماه لوحدي
ياسمين تطالع ليان: انا ناويه اتعاون مع ليان ونسوي صالون بما انها رسامه وانا احب المكياج
شهد : وشدخل الرسم في المكياج ؟
ليان : الا له دخل والالوان والمكياج نفس الشي في الدمج
يارا: الله ويكون عندنا صالون للعائله
ديم تضحك : ابدئوا مشروعكم بسرعه تحمست
وكانت ضحك وسوالف جمعتهم انبسطوا والرجال بس هواش