جيتي مثل ربيع ازهر بقلب السيف بُستان

البارت الحادي عشر

بيت ابو زهر
زهر شارده تفكر بسيف ومبسوطه انها قدرت تكلمه وشافته من قريب
ام زهر: انتي مو طبيعيه اليوم فيك شي؟
زهر: لا والله يمه مافيني شي ابوي لسى نايم؟
ام زهر : ايه وشوي نصحيه ياكل ونعطيه ادويته
شهد : يمه ابوي قالوا له السكر اي نوع؟
ليان: اعتقد انه الاول
زهر رجعت بهواجيسها والسيف وعيون السيف وصوته وماهي معاهم
ام زهر : بطلع اشوف ابوكم وانتوا شوفوا لذي علامها (وتضرب راس زهر)
شهد تطالع زهر : انتي لك فتره مو ع بعضك فيه شي انا مااعرفه؟
زهر سرحانه ومنجد مافي ببالها الا سيف
...........
عند ام رامي
ام رامي : والله اني قلقانه ع سيف
ابو رامي: استودعي الله فيه مارح يصير له شي
ام رامي: اللهم اني استودعتك سيف احفظه بعينك التي لاتنام
ياسمين : يمه طلال متى قال انه بيجي ؟
ابو رامي: خليه لايرجع لين يلاقي وظيفه لمتى وهو جالس لاشغله ولا مشغله
دانه: يبه كلهم الحين مالقوا وظايف مو بس طلال
ام رامي: خليه ابوك حاط دوبه دوب هالعيال مره يهاوش سيف ومره يهاوش طلال
ابو رامي عصب وقام : نشوف دلعك ذا لوين بيوصلهم
ياسمين: ابوي يحب تكبير المواضيع
ام رامي: ترى رديت لأم نايف خبر وقالتلي اذا حددو يوم للشوفه بتكلمني
ياسمين : مو كأنك استعجلتي بالرد يمه
دانه: منجد يمه احس لو حددوها هالاسبوع مافي وقت نشتري شي
ام رامي تنزل دموعها : فيه وقت والله يتمم لكم ع خير ياحبايب قلبي
ياسمين : ليه تبكين يمه ؟ ترى والله منجد اكنسل كل شي
ام رامي تبتسم: ياحبيبة عمري هذي دموع الفرح
رامي جاي من برا : السلام عليكم هاه عسى جمعتكم جمعة خير
ياسمين تطالع امها : ماتبين تفرحين فيه هو بعد ؟
ام رامي تضحك: الا وابي اليوم قبل بكره
رامي يضحك: يعني صرت انا محتواكم اجل بطلع غرفتي
دانه تناديه : تعال مافيه فكه ترى
ام رامي ترد ع طلال
طلال : هلا يمه ماعندكم ولد تسألون عنه ولا ارتحتوا
ام رامي : هلا بقلب امه والله اني توني بتصل عليك كيفك وش اخبارك وش سويت
طلال: ابد والله بخير وقدمت انا ووليد ع وظايف وباقي يردون لنا خبر وبكره ان شاء الله راجعين
ام رامي: الحمدلله والله يختارلك اللي فيه الخير
طلال باقي ماطلع شهد من باله : يمه شخبار خالتي حصه
ام رامي : بخير الحمدلله بس ابو زهر امس طاح عليهم وسيف وداه المستشفى
طلال : وكيفه ان شاء الله انه بخير ووش قالوا له
ام رامي: غريبه عليك تسأل عنه وانت حتى ماتزوره
طلال يتوتر: اسأل عن عمي وين المشكله يمه
ام رامي تضحك: مافيها شي بس طول عمرك ماسألت عنه هو طيب الحمدلله وطلعوه من المستشفى طلع عنده السكر
طلال : الحمدلله وبتروحين لخالتي ؟
ام رامي : ان شاء الله بس مو اليوم
طلال: طيب سلميلي عليها
ام رامي: من عيوني يوصل ان شاء الله
طلال: تبين شي من الشرقيه ؟
ام رامي : لا والله مابي الا سلامتك
طلال: سلميلي ع ابوي والبنات وتنتهي المكالمة
...............
عند ام نايف
وليد: هلا يمه والله اني ماامداني اتصل عليك
ام نايف: ايه ماتفكر ب امك
وليد يضحك: والله اني افكر فيك بس من يوم صحيت وانا اركض ورا الوظايف
ام نايف: انا مابي تتوظف بالشرقيه وتبعد عني ان شاء الله مايقبلونك
وليد : استغفرالله يمه والله ماندري وين رزقنا فيه
ام نايف : متى بتجي ؟ يوم الجمعه بنروح لبيت عمك ونخطب رسمي لنايف وانس
وليد: بكره ان شاء الله جايين والله يوفقهم تبون اجيب شي معي ؟
ام نايف : لا والله سلامتك
وليد : وديم ماتبي شي ؟
ام نايف: ديم اخوك يقول تبين شي من الشرقيه؟
ديم : لا ماابي الا سلامته
وليد : بكره ان شاء الله وانا عندكم وتنتهي المكالمه
ديم: والله اني اشتقت له ولهوشاتنا
ام نايف : والله وانا بعد وماابيه ينقبل بالشرقية
ابو نايف: رزقه وبيروح له علامك عليه تبينه جنبك مايروح ويطلع لغرفته بينام
انس جاي من النادي ورايقق : السلام عليكم كيفكم
يردون السلام
ديم: الله الله دوم الروقان
انس يطلع لغرفته وهو يغني ومبسوط
نايف توه صحى من النوم ع الساعه 11 : ليه ماصحيتوني بدري
ام نايف: شفتك تعبان وماحبيت اصحيك ليه وراك شي يعني؟
نايف يضحك : لا والله بس الحين بضطر اروح الدوام مواصل
ديم: عادي طيب واذا رحت مواصل ؟
نايف يطالع امه : تفكرني بروح الجامعه دوامي ماينفع اروح له مواصل
ديم تضحك بصوت عالي : اقول نايف انت من يوم خطبنا لك وانت صاير تتكلم كثير
ام نايف : وش عليك خليه يتكلم ويسولف ولا انتي مستقعده لأخوانك
ديم : ايه يمه الحين نسيتي بنتك الوحيده وتزعل وتطلع غرفتها
نايف : لو خليتيها تتكلم الحين وش يخليها ترضى
ام نايف تضحك : ماعليك بعرف اراضيها
............
عند زهر
زهر قلقانه ع سيف وماعرفت هو جا ولا وتفتح الشباك وماشافت سيارته عند البيت
زهر: انا كيف بتطمن عليه مدري اكلم دانه واسألها
ليان تدق باب الغرفه: والله ماكنت ادري ان الحب يخليك مجنونه وتكلمين نفسك
زهر تقفل الباب: اسكتي لحد يسمعك
ليان: طيب قوليلي وش اللي يخليك تكلمين نفسك
زهر: قلقانه ع السيف وماادري اذا اكلم دانه ولا
ليان: انتي شكلك جنيتي جد تكلمينها وش تقولين ؟ سيف رجع ولا لا اكيد بتسألك ليه
زهر : طيب وش اسوي قلقانه عليه
شهد تدق الباب: ياراعين الاسرار اذا تبون قهوه معي انا وامي تعالوا
زهر تضحك وتفتح الباب : طيب جايين
ليان : والله انا نعسانه وبنام انتي انزلي
زهر: سندريلا تصبحين ع خير
ام زهر: ابوكم مارضى ياكل الا شوي
شهد: ايه الدكتور قال لازم يمشي ع جدول غذائي
زهر: يمه كلمتي خالتي ام سيف ؟ لسى بتسوون عشاء بكره ؟
ام زهر: ايه ان شاء الله بسويها ع سلامة ابوك وبنعزم عمك فايز وعائلته وبنعزم عمك عبدالرحمن بعد وعائلته
زهر: بتكلمينها الحين؟
ام زهر: الساعه 12 مدري اذا هي باقي صاحيه ولا
زهر : اتصلي واذا ماردت يعني نايمه
شهد : احس فشله يمه تتصلين بنص الليل خليها بكره الظهر كلميهم
زهر وهي كانت تبي تطمن ع سيف بس شهد خربت: وش فشله انتي بعد عادي احس
ام زهر : صادقه شهد بكره اكلمهم
زهر وهي واضح عليها القلق : طيب بطلع انام انا
............
الفجر الساعه 6 وليد وطلال راجعين من الشرقيه ومشوا
ام رامي قلقانه ع سيف ومانامت اصلاً وتتصل عليه جواله مقفل
رامي كانت عند مناوبه للفجر وتوه جاي ويشوف امه بالصاله
رامي: يمه مانمتي للحين؟
ام رامي: كيف بيجيني نوم وانا ماادري عن سيف شي وجواله مقفل
رامي: يمه الله يهديك كأنها اول مره سيف يروح مهمه الله يحفظه اكيد لازم يكون جواله مقفل
ام رامي: بس كان كل شوي يطمني بس هالمره ماكلمني وقلبي مو متطمن
رامي يبوس راس امه: مافيه الا العافيه يمه انتي تطمني
ام رامي وهي تمسح دموعها: طيب انت لاتنام لين تفطر
رامي: لا والله يمه اكلت بالدوام وماابي شي الا السرير من امس مانمت
ام رامي : طيب حبيبي نوم الهناء
( مر الوقت وصارت الساعه 11 الصباح)
طلال يدخل من الباب وبصوت عالي : صباح الخير يااهل البييت
ام رامي تفز وهي كانت غافيه ع الكنبه : هلا بطلال هلا بنور البيت
طلال يبوس راس امه : هلا فيك يمهه النور نورك والله
ابو رامي : عسى لقيت وظيفه
طلال : طيب قول لي الحمدلله ع السلامه
ابو رامي : الحمدلله ع سلامتك لكن قول لي لقيت وظيفه ولا لا
طلال : نقول ان شاء الله ويطالع امه سيف مارد عليك لسى ؟
ام رامي : للحين انتظر مكالمه منه
ويدق جوال ام رامي (ام زهر تتصل)
ام رامي: هلا بحصه كيفك وكيف فارس والبنات
يفز طلال ويجلس جنب امه
ام زهر : هلا فيك الحمدلله كلهم بخير وانا عازمتكم الليله ع العشاء انتي والبنات وفايز والعيال
ام رامي : ان شاء الله وبجي قبلها عشان اساعدك مين عازمه غير ؟
ام زهر: انتوا وام نايف وعيالها
ام رامي : تمام ان شاء الله بنجيكم بعد المغرب
ام زهر : وسيف اخباره وجاء للبيت ولا باقي ؟
ام رامي : لا والله للحين واتصل عليه وجواله مقفل
ام زهر: الله يحميه ويخليه لك
ام رامي : امين يارب نتقابل المغرب ان شاء الله وتنتهي المكالمه
طلال متحمس: يممه وش فيها خالتي وش قالت لك؟
ام رامي مستغربه: ولا شي بس عازمتنا الليله ع العشاء وتراكم معزومين انت وابوك واخوانك
ابو رامي: انا مارح اطب بيته
طلال: الا اول الناس ان شاء الله ويطالع ابوه لمتى هالقطاعه والهوشات خلاص
ابو رامي : انت شكلك رحت الشرقيه وتركت عقلك هناك من متى انا ادخل بيت فارس ولا نسيت وش صار
طلال يكلم نفسه : الا نسيت عقلي وقلبي هنا ورحت
ام رامي : وش تقول ؟ تكلمني ؟
طلال يبتسم : ولا شي بطلع ارتاح وبنام شوي وصحوني قبل تروحون لخالتي وبنروح بعد انا وابوي ورامي
ام رامي وابو رامي يطالعون ببعضهم طلال اللي ماكان يطيق عمه ويهاوشه فجأه صار يحبه ويبي يزوره
تنزل دانه : يمه وش فيه ولدك جن ولا وش فيه يبتسم ويغني وش صار له
ام رامي : مدري عنه من يوم راح الشرقيه تغير مع انه ماجلس الا يومين
ابو رامي: والله ياخوفي ان عقله ضاع ويقوم ابو رامي للمسجد بيصلي الظهر
ام رامي: ترى خالتك عازمتنا اليوم ع العشاء قولي لياسمين بنروح لهم بعد المغرب ياسمين دايما تأخرنا
دانه: طيب بطلع اصحيها واقول لها بس طمنيني اول رد عليك سيف ؟
ام رامي : لا مارد وانا قلبي متواككل
.......
عند ابو نايف
وليد سلم ع امه وابوه ومنسدح بالصاله
ام نايف : كلمتني ام زهر عازمتنا ع العشاء وقالتلي اقول لكم ابو زهر طلب منها
ابو نايف : مع اني ماابي اطب بيته بعد اللي صار بس ان شاء الله انه تغير
ام نايف: ان شاء الله
وليد: انا ماظنتي بروح ابي انام وارتاح
ابو نايف : وانت من متى لك حيل تروح مكان
ام نايف: وشفيك ع ولدي توه جاي من سفر اكيد يبي يرتاح
ديم تنزل توها صاحيه من النوم
ام نايف: صحصحي واكلي شي واشربي قهوتك ترى الليله عازمتنا ام زهر لاتقولين ماقلت لك بدري
ديم: طيب بس مابنروح بدري يمه
..................
عند ابو زهر
ابو زهر : والله اني مابي هالادويه مافيني الا العافيه
زهر: عشان صحتك يبه ولا تبي تنتكس حالتك مره ثانيه ؟
ابو زهر: الله المستعان عطيني وياخذ حبوبه
ام زهر: ترى كلمت اخوانك وعيالهم عزمتهم للعشاء
ابو زهر: خير ماسويتي وان شاء الله انهم يجون
زهر : يمه وخالتي بتجي وعيالها كلهم؟
ام زهر: ايه بس تقولي سيف مارجع للحين ومايرد عليها
زهر تقلق: الله يحميه ويخليه لخالتي
ام زهر : اممين لو يصير له شي والله خالتك تموت
زهر بينها وبين نفسها بعيد الشر عنه جعل يومي قبل يومه
زهر الدموع بعيونها : يمه بروح غرفتي
شهد وليان نازلين من الدرج وزهر طالعه ومنزله راسها
ليان تعرف ان زهر قلقانه ع سيف
شهد: يمه وش فيها زهر ؟
ام زهر: مافيها شي قالتلي بتطلع غرفتها
يارا جات من الجامعه الساعه 2 : مساء الخير هاه يمه لسى بيجون عماني الليله ؟
شهد : ايه بيجون امي عزمتهم مع اني مو طايقه دانه وياسمين
ليان : انتي دايما مو طايقه احد
يارا تضحك : اييه خليها عندها كل الناس متكبرين
زهر بغرفتها وحاضنه نفسها وتبكي : يارب تحمي سيف يارب اقدر اتطمن عليه وارتاح ويمر الوقت ويجي المغرب وهي بغرفتها ماطلعت
**************