جيتي مثل ربيع ازهر بقلب السيف بُستان

البارت الثاني والعشرين

بيت ابو نايف
ديم : يمه تبين اصحى الصبح اسوي شي ناخذه معنا ؟
ام نايف : لا حبيبتي مابيك تتعبين نفسك ارتاحي ونامي
ديم تبوس راس امها: الله يخليك لي يمه
انس : يمه متى زواجنا انا وياسمين
ديم وامها يضحكون مع بعض
ديم : خيير وش الطاري
انس : بس كنت اكلم ياسمين وابي زواجنا يجي بسرعه ولاتبين ولدك يتعذب ؟
ام نايف تضحك: طيب بنحدده لاتتعذب
نايف : السلام عليكم
ام نايف : وعليكم السلام طولت بدوامك اليوم
نايف: والله غطيت ع واحد من اخوياي زوجته بتولد وقلت له يمشي وانا استلمت بداله
ام نايف: الله يعطيك ع قد نيتك ياحبيبي وان شاء الله انت ودانه تجيبون اولاد وبنات وتعبون البيت علينا
نايف : اللهم امين .. انا بروح غرفتي اتروش وانام تبون شي
ديم: مانبي الا سلامتك
نايف: هاه ديم كيفك اليوم اشوف وجهك منور
ديم: الحمدلله والله مافيني الا العافيه
ام نايف: الحمدلله والله لايعيد عليها الوجع
نايف يروح غرفته
انس : يمه لاتنسين اللي قلت لك كلمي خالتي حليمه ابي اتزوج ياسمين
ديم: انت وش فيك خلاص بتتزوج ياسمين بس اصبر شوي
انس : بقوم انام بكره ابوي بيصحينا من قبل الفجر
ام نايف : وليد وينه؟ بيقعد هواش هو وابوه كل فجر يعني
ديم: والله مدري بس اكيد مع طلال
ام نايف: الله يهديهم ويصلحهم
.............
ابو زهر : تفضلوا اشربوا شي
وليد: ماتقصر ياعمي والله الوقت متأخر وبكره جمعه يبي لك تصحى بدري
طلال يضحك: ايه والله ويطالع وليد ابوي وابوك بكره بيقعدون يسوون خطبة الجمعه ع روسنا اذا ماقمنا
ابو زهر : اذا كذا الله يحفظكم وبكره تعالوا للغداء ولا تراني بزعل
طلال: افا ياعمي كل شي الا زعلك ادخل ارتاح
وليد : فمان الله ياعمي الله يحفظك
يدخل ابو زهر للبيت
طلال يطالع فوق ماشاف شهد ويتنهد
وليد : وش فيك تتنهد ؟
طلال: انت قد جربت عذاب الحب ؟
وليد : الله الله وانت مجرب يعني ؟
طلال: يللا يللا توكل ع بيتكم وانا بروح انام
وليد يضحك: يالله انا بروح يالعاشق المتيم
طلال : اول مره تقول شي صح والله اني عاشق ويروح لبيته
......................
يوم الجمعه الساعه 10 الصبح
ابو نايف يصرخ: يللا ياوليد بتصير نقطه سوداء بقلبك من كثر ماانت تفوت صلاة الجمعه
ام نايف : علامك ماعمره فوت الجمعه من يومه صغير
ابو نايف: اقوله كذا عشان يقوم اعرفه بيقوم يجاكر
وليد مغمض عين وفاتح الثانيه: اللي يسمعك يقول انك تكلم كافر مايصلي
ابو نايف يضحك: قلتلك استفزيه اذا تبينه يقوم بسرعه
ديم : والله صادق ابوي لازم تستفزينه عشان يفهم
وليد: انطمي انتي اخر وحده تتكلم
ام نايف : باقي بتتهاوشون روح اتروش وتجهز للصلاه والغداء
انس توه صاحي: وليد اخذت ثيابي من الكواي معك ولا
وليد: شغال عندك انا لا مااخذتها قلت لنايف اسأله
نايف يتقهوى وجاهز للجمعه : ايه اخذتها علقتها ع الباب بغرفتي
ام نايف: انس ووليد موال كل جمعه قوموا تجهزوا
ديم تضحك : الحمدلله اني بنت ولا كنت معهم
وليد: اللي يشوف وجهك يحمد الله انه ولد
ام نايف تحضنها : وليد وش فيك ع بنتي تراني بزعل منك
وليد: اييه الدلال والكلمه الحلوه كلها لديم ويروح
ديم تضحك : تبين يمه اسوي لك كوب قهوه معاي ؟
ام نايف : ايه وجيبي بخور
ديم: اكييد يمه من طقوسي للجمعه
.................
عند ابو رامي
طلال: خلاص قمت وش فيكم ترى باقي ساعه ونص
ابو رامي: ساعه ونص وتقعد نص ساعه تتروش وتجهز يعني راحت
ام رامي: يللا قوم اخوانك صحوا من ساعه
طلال : طيب يللا هذاني قمت
سيف : طلال ماتعلم من دروس كل جمعه لازم مايصحى الا اخر الناس
رامي يضحك: خله ينفعه السهر لاخر الليل
دانه جابت البخور وبخرت ابوها وسيف ورامي
ابو رامي: الله يرزقك يابنتي من حيث لاتحتسبين ويسعدك سعادة الدارين
ياسمين : وانا يبه مالي دعوة
ابو رامي يضحك: ويرزقك ويسعدك
طلال جهز وكشخ متحمس لهالجمعه اكثر من اي جمعه ويتبخر بالعود اللي تحبه شهد وينزل
ياسمين: عريس عريس يارب
طلال: الله يسمع منك ايه هذا الكلام الحلو اللي يفتح النفس
ام رامي تضحك: الله يحقق امانيك ياولدي ويوفقك
طلال: اممين يمه
رامي وسيف يطالعون بعض
رامي: بس طلال تتحقق امانيه ؟
سيف يضحك : خلاص يللا بنروح يمكن لا رحنا يدعون لنا
ام رامي: الله يوفقكم وينور دربكم ويحقق امانيكم من سيف لين ياسمين
ابو رامي يصرخ : يلللا ياعيال شكل ماودكم تصلون انتوا
ياسمين: يللا انا بروح اتجهز
ام رامي ودانه : يللا واحنا بعد
...............
بيت ابو زهر
ابو زهر طلع للصلاه
زهر مبسوطه ومحد شايل فرحتها خلصت ترتيب البيت والبخور باقي بس تكشخ
شهد لها ساعه تدور لبس ومتحمسه انها بتشوف طلال
ليان تساعد امها بالمطبخ وتفكر بوليد لانها تستحي تكلمه بس هي واقعه في حبه وتبي تشوفه لو من بعيد
يارا توها صاحيه وتسوي لها فطور
ام زهر: يابنات خلصتوا كل شي جاهز ؟
زهر : ايه يمه كل شي جاهز ومثل ماتبغين واكثر
ام زهر : الله يخليكم لي ويفرحني فيكم
زهر وشهد مع بعض : امييين
يارا : يمه بناتك ذولا خفيفات والله
شهد تضربها ع راسها: خلينا الثقل لك ياام لسان
يارا : ييمه شوفي لك حل معاها كل شوي تضربني
ام زهر: شهد اتركي اختك في حالها
شهد تقوم : اصلا كنت بقوم اتجهز
.................
خلصوا صلاة الجمعه والرجال ع طول من المسجد لعند ابو زهر
ابو زهر: تفضلوا حياكم الله نورتوا البيت
ابو رامي : الله يحييك ويزيدك من فضله
سيف يبوس راس عمه : الله يحييك ويبقيك
طلال مبسوط ومبتسم : هلا برفيقي ويبوس راس عمه
ابو زهر يضحك: هلا فيك يالرفيق ويحط يده ع كتف طلال
رامي يضحك : هلا بعمي ورفيقه بعد
وليد: افا ياعمي جحدتني وانا بعد رفيقك
ابو زهر : تعال تعال ويحط يده الثانيه ع كتف وليد انتوا خلاص ماعاد لكم طلعه من هنا
طلال المطفوق بصوت عالي : ايه والله ياعمي ياليت ماعاد ارجع بيتنا وابقى معك
وليد : بس الله يعينك ع هالخبل لو تكلم ماعاد يسكت
ابو نايف يضحك : خذهم بس لاترجعهم وتقول انك ماتحملتهم
ابو زهر : افا والله
نايف: شخبارك ياعمي وكيفك مع السكر
انس يضحك : عمي شكل جاه السكر من يوم شاف وجه وليد وطلال يرفعون الضغط والسكر
ابو زهر : بخير عساك بخير ويطالع انس والله انهم مونسيني كنت كل ليله امشي لحالي بس الحين معي اثنين الله يحفظهم ويخليهم
شهد تسمع صوت طلال : فديت هالصوت وراعيه
زهر ماصبرت راحت تشوف سيف من بعيد : الله يكحل عيوني بشوفتك كل يوم
يدق الباب وتفتح زهر
زهر : هلا بخالتي اسفرت وانورت
ام رامي: هلا فيك يابعد قلبي
دانه تسلم ع زهر: وش هالحلاوه وش هالاناقه
زهر : والله مااحد ماخذ الحلاوه والاناقه غيرك
ياسمين: كيفك يابنت خالتي محلوه والله
زهر : عيونك الحلوه تفضلوا حياكم الله امي والبنات بالمجلس
ام زهر: هلا وغلا بأختي وبناتها
ويسلمون ع بعض
شهد ويارا وليان يسلمون عليهم
ويدق الباب
ليان : انا بقوم افتح وتفتح لام نايف وديم
ام نايف تسلم عليها وتدخل المجلس
ديم تسلم ع ليان: وش هالكشخه والحلاوه اللي يجعلك من نصيب اللي تحبين قولي امين
ليان: اميين وانتي جعل رامي من نصيبك
ديم: امييين ياليته يدري وش كثر احبه بس
ليان تضحك: تعالي للمجلس لو تاخرنا شوي تجي ام لسان تشوف ليه تاخرنا
ديم تضحك: مين ام لسان يارا؟
ليان : اييه مناشبه شهد هالايام وفكتني شوي
ويدخلون المجلس وتسلم ديم ع ام رامي والبنات وام زهر والباقي
ام رامي: كيفك ياديم ؟ ان شاء الله انك بخير
ديم: بخير الحمدلله ياخالتي وماقد امداني اشكرك انتي ورامي
ام رامي: ولو مافيها شكر ياعمري ورامي يسألني كل يوم كذا الدكاتره قلقين
ديم تبتسم ياجعلني فداه : الله يسلمه مافيني العافيه
ليان تطالع ديم وتغمز لها
ابو زهر يدق ع ام زهر : جهز الغداء ؟
ام زهر : اييه بس خل احد من عيال اختي يجي بعطيه الفواكهه والسلطات
ابو زهر : الحين يجيك طلال
ام زهر تقفل وتقوم للمطبخ وتلحقها شهد
شهد : يمه مين بيجي ياخذ السلطات والفواكهه ولا تبين احطها عند باب المجلس ؟
ام زهر : قال ابوك طلال بيجي انتي روحي جوا عند الحريم
شهد قلبها يدق بسرعه : طيب واول ماطلعت سمعت صوت طلال
طلال بصوت عالي : خالتي وش تبين اودي غير السلطات والفواكهه
شهد اول ماسمعت صوت طلال رجعت وتشوفه من طرف الباب
طلال لمحها وغمز لها : مطبخكم حلو ياخالتي
ام زهر تضحك وهو اخذ الاغراض وطلع
شهد : يمه تبين اسوي شاهي الحين ؟
ام زهر : سخني المويه وبعد الغداء نسوي الشاهي وتطلع
طلال وصل السلطات وبيرجع بسرعه
ابوه : وين رايح ؟
طلال : لا خالتي قالت ارجع فيه اشياء تبي تعطيني
ابو رامي : طيب
شهد بالمطبخ وحاطه الطرحه ع نص شعرها ويجي طلال ويشوفها لان الباب قزاز
طلال يضبط شكله ويدق القزاز : قالوا ان فيه ملاك بالمطبخ
شهد ارتبكت ماتوقعت يرجع وتطيح الطرحه عن راسها : بسم الله الرحمن الرحيم انت دايم كذا تحب تفجع الناس ؟ وتبتسم
طلال : هالابتسامه الحلوه كانت من نصيبي ؟
شهد انحرجت : اشش لايسمعك احد يامطفوق
طلال رايق : اصيرلك مطفوق ومجنون بعد بس بقولك شي قبل اروح ترى سرقتي قلبي وكنت انتظر الفرصه اقولها لك وبيمشي
شهد بتموت من الحب : طلال قبل تمشي ترى سرقتك وسرقتني وتضحك وتروح
طلال كان بيغمى عليه وينادي شهد بس راحت : وش سويتي فيني وهربتي ياشهد والله اني محظوظ فيك واحب الصدفه اللي خلتني اشوفك ويروح
شهد جات وهي وجهها احمر وتبتسم
يارا تجلس جنبها: شفتي حبيبك ؟
شهد وهي مبتسمه وماتكلمت
يارا: زين عالاقل كشختك ماراحت عالفاضي
تقرصها شهد : اسكتي
يارا تضحك وتقوم
زهر تفكر بسيف وكيف تقدر تعطيه هديته
.................
وخلص الغداء وجاء وقت العصر
سيف : الله يغنيك ويزيدك من فضله تكلفت ياعمي
ابو زهر : ولك بالمثل والله مابها كلافه والحمدلله ع سلامتك
ابو رامي : يللا نستأذنك بنروح نصلي العصر ونروح بيوتنا الله يكثر خيرك غديتنا وقهويتنا
ابو زهر: وانا معكم بروح اصلي
ابو نايف: الله يديم الجمعات الطيبه
سيف ورامي : اللهم امين
وليد يطالع طلال : خلاص انت والشاهي صارلك ساعه تشرب
طلال مستمتع بالشاهي يعرف انه شهد مسويته: وش عليك خلني اشرب الشاهي اللي احبه
وليد : قم قبل يفصل عليك ابوك
ابو رامي بصوت عالي: طلال وانت ماتبي تصلي يللا قدامي
ابو زهر: انتظره يخلص كاسته وشو له مستعجل ماقد اذن العصر
طلال يضحك : خله ياعمي كل مره يحسسني اني كافر (ويشرب الشاهي) والله ياعمي فارس اني ماقد ذقت شاهي احلى من الشاهي اللي اشربه عندكم
ابو زهر: بالعافيه عليك وعاد تعال تقهوى معي
طلال : اكيد ياعمي
ويطلعون كلهم للصلاه وزهر تطالع من شباك الصاله تبي تشوف سيف وتناديه
سيف كان اخر واحد يطلع من المجلس لأن نسى جواله ورجع له
زهر استغلت الفرصه وطلعت: سيف بس شوي
*******************
و ⭐️ لتشجيعي ودعمي