جيتي مثل ربيع ازهر بقلب السيف بُستان

البارت السادس والثلاثين

عند ابو نايف
ياسمين: والله ياخالتي للحين مارضيت عن فستان
ام نايف تضحك: ولسى بطنك بيكبر اكثر
انس: يمه نبيك تهونين عليها وزدتيها
ياسمين تطالع بطنها : اوفف وباقي عرس طلال بيجي وبطني اكبر
انس : ماعليك حبيبتي لا جا وقته نفر السوق كله لين ترضين
ياسمين تطالعه : حبيبي اللي يواسيني يخليك لي
ام نايف تتصل ع ام زهر
ام زهر: هلا بجليله شخبارك وايش مسويه
ام نايف: بخير الحمدلله بغيتك بطلب ولاترديني
ام زهر: امريني اذا اقدر عليه ابشري
ام نايف : ابي اخطب بنتك ليان لوليد ولدي
ام زهر: الله يحييك ويحيي وليد بس تعرفين لازم اسألها واردلك
ام نايف : ماعندي مشكله اسأليها وردي لي خبر
ام زهر: ان شاء الله فمان الله
وليد يكلم طلال : غريبه انه جا العصر وماقد كلمتني نطلع الملعب
طلال: والله مدري علامي من رجعنا من دورتنا وانا ماعاد اشبع نوم
وليد: عندي وعندك خير ونسيت النوم المتواصل
طلال يضحك: طيب يللا البس ومرني فيه مباراه اليوم
وليد : انا جاهز بس اغير جزماتي للملعب وامرك تجهز
ام نايف جايه لوليد: قدك طالع طيب ماتبي تاكل شي؟
وليد: لا والله بطلع مع طلال للملعب وباكل برا
ام نايف : الله يوفقك ياولدي وترى كلمت زوجة عمك بس انتظرها ترد لي خبر
وليد يمسك يدين امه ويبوسها: الله يخليك لي ع هالخبر الحلو ويطلع وهو مبسوط
ويطلع ويمر طلال ورايق ويشغل الاغنيه ويغني مععه : نعمم لعيونك اللي مايصير يصصير اجيب النجمه لو بالك تصورها .. ويطلع طلال من بيته ويطلع وليد من السياره ويغنون مع بعض ( وحتى النجمة لو جاتكك بهها تقصيير اسسافر للسما لأجلك واغيرها ) العشاق التموا ويطلع لهم رامي من بيته
رامي: وشش فيكم ؟ خفضوا الصوت فشلتونا
شهد تسمع صوت طلال بس ابوها جالس ماقدرت تشوف من الشباك
طلال يطالع وليد : ( اححبك موت كلمه مالها تفسسير)
ويرد عليه وليد: وليين اليوم ماادري كيف افسرها ويطلع السياره ويأشر لطلال يعني اطلع
رامي : الحمدلله والششكر مهابيل ويتصل ع امه
ام رامي: هلا برامي
رامي: يمه ولدك وولد عمه انهبلوا وش صاير لهم
ام رامي تضحك: اييه الدوره مسحت عقولهم
................
ام زهر : وين ليان؟
يارا: بغرفتها اناديها؟
ام زهر : لا انا بقوم لها
شهد تغمز ليارا : نلحق امي؟
يارا : يللا
ام زهر تدق الباب وتفتح
ليان: هلا يمه تعالي
ام زهر: وش فيك ماعاد تطلعين من الغرفه ؟
ليان: ولا شي والله مشغوله عندي كم رسمه اخلصها
ام زهر : طيب ابيك بموضوع
ليان: سمي يمه
ام زهر: اليوم كلمتني خالتك جليله وتبيك لوليد وش رايك؟
ليان انصدمت : هاه ؟
يارا وشهد ماتوا ضحك وتطالعهم امهم : تموتون فالتجسس
يارا: شدعوه يمه هذا مو تجسس هذا فضول
شهد تضحك : ايه والله ومو سر بعد
ام زهر : طيب اسكتوا ابي اعرف راي اختكم
ليان قلبها تسارعت نبضاته : مدري اللي تشوفينه يمه
ام زهر: وش مدري؟ تبينه ولا ماتبينه
ليان: ايه
ام زهر تضحك: طيب ياحبيبة امك الله يكتب لك اللي فيه الخير وتقوم
يدخلون شهد ويارا
شهد: هاه يالولي مو قلت لك انه مانساك ؟
يارا : مرض الحب صابكم كلكم
شهد: لو جربتي تحبين بتحسين فينا
يارا: لا وييه بعيد الشر عني ولا بصير مجنونه مثلكم
......................
مرت الايام وتزوجوا ديم ورامي ومر ع زواجهم شهر
(ديم ببيتها هي ورامي )
رامي : والله مايمديني اكل لازم اروح عندي اليوم عمليات
ديم تبوسه من خده : طيب واذا قلت لك عشاني ؟
رامي ضاعت علومه ويحط يده حول خصرها ويسحبها : ترى ابطل اروح بالمره 
ديم تضححك: لو ماوراك مرضى وحياة اوموت كنت ماخليتك تطلع من الباب
رامي يبوسها : هالفم الحلو يعرف يرتب الكلام
ديم تضربه بشويش : بس عاد حبيبي
رامي يضحك: يللا انا بمشي واذا احتجتي شي كلميني
ديم : طيب حبيبي وبروح لخالتي بعد شوي بشوف اذا تبي مساعده
رامي : انتبهي لنفسك حبيبتي ويطلع
ديم تاخخذ نفس : الله لايحرمني منك ياكل امنياتي
..................
عند ام رامي
ام رامي : طلال بكره ملكتك وانت باقي تبي تلعب بالملعب
طلال يضحك : ايه يمه وش فيها يعني اللي يتزوج ماعاد يمارس هواياته ويطلع
نزل سيف وساند زهر اللي متعبها الحمل بزياده لانها حامل بتوأم
زهر : بكره ملكة اخواتي وانا كذا تعبانه
سيف: حبيبتي بتروحين وترقصين لهم بعد
زهر بعصبيه : ايه هين
سيف يضحك: زهر ماكنت ادري انك حلوه حتى وانتي معصبه
زهر تضحك: انت تبيني اكلك يعني وش هالكلام الحلو
تجي ام رامي: احم احم
سيف يعدل جلسته وهو كان شوي ويدخل ف وجه زهر: هلا يمه وين كنتي؟
ام رامي: اخوك بيجنني راح الملعب وبكره ملكته اخاف تنلوي رجله مثل قبل
سيف : طلال وتعرفينه يعشق الكوره لو تكلمتي لبكره مافي فايده
زهر : خالتي الليله بروح لأمي بساعدها
ام رامي: اللي يريحك ياحبيبتي سويه
زهر تهمس لسيف : وانا اقول من وين جبت كل هالحنيه
سيف يضحك: اهم شي ماتتعبين نفسك
زهر: من عيوني
...............
عند ام زهر
ابو زهر: الله يبلغني فيهم واشوف احفادي قبل مااموت
ام زهر: بعيد الشر ولك طولة العمر ان شاء الله
يارا: يمه بناتك ليه ماحطوا الملكه بليله وحده مثل دانه وياسمين
ام زهر: انا ابي كل وحده تجلس مع زوجها بعد الملكه ابيهم ياخذون راحتهم بما ان زواجهم بيكون مع بعض
يارا: الله يسعدهم ويهنيهم بيفضى علينا البيت
ابو زهر يحضنها : وبتبقى دلوعتي وتتخرج من الجامعه ونزوجها
يارا تسوي نفسها زعلانه : انا يبه مابتزوج الا واحد ابيه ماابي الزواج التقليدي
ام زهر تضحك: والله انها صادقه شهد ان لسانك طويل استحي عيب
ابو زهر اللي مايرفض ليارا طلب ويدلعها: خليها علامك عليها يارا مابتاخذ الا اللي تبي ويضحك
يارا تضحك : الله يخليك لي يااحلى اب
ام زهر زعلت: بس ؟
وتقوم يارا وتحضنها : ويااحلى ام بكل العالم
شهد تجي من غرفتها: ايه ايه فاضت مشاعركم يوم قربت اتزوج
ام زهر : تعالي حبيبة قلبي والله اني بشتاق لهالوجه ماعاد بشوفك الا من وقت لوقت
شهد تحضن امها: والله انا اللي بشتاق لك يمه
يارا تضحك: اجل كنسلي زواجك من حبيب القلب طلال
شهد تخزها : انتي منجد لسانك يبي له قص وتطالع امها اقصه لها قبل اروح الشرقية؟
ابو زهر يضحك: شهد ويارا يعني ماتقعدون بمكان الا وتتهاوشون
شهد تضحك: والله اني احبها وبشتاق لها وبشتاق لهالهواش
يارا تجي وتحضن شهد : انتي تبيني ابكي صح
شهد تضحك: ايه عشان تبطلين هواش معاي
ابو زهر: الا وين ليان ؟ هي بعد ملكتها بعد بكره كل شي تبيه فيه؟
يارا : ايه يبه بس ليان شكلها بتاخذ لوحاتها معها لشهر العسل ويضحكون هي وشهد
ام زهر: بس عاد وش فيكم عليها قومي ناديها
شهد: والله يمه انها نايمه مريتها قبل انزل لكم
ابو زهر: نوم الهناء بنفقدك انتي واختك
.......................
عند ام نايف
وليد طربان ويغني ويلبس بيروح الملعب
انس: انت مهبول وش لك بالملاعب وانت باقي يوم ع ملكتك واسبوع ع زواجك
وليد يضحك: وش فيها ؟ ليكون حرام
انس : الله لايبلانا ويطلع
ام نايف: علامك
انس: ولدك المهوي رايح الملعب
ام نايف: ولييد
وليد: هلا يمه
ام نايف: ع وين ان شاء الله
وليد يضحك: يمه ترى انا العريس مو العروس عشان مااروح الملعب
ام نايف: الله يهديك انتبه لنفسك
وليد يبوس راس امه ويطلع
ام نايف: ماني مصدقه اني ماعاد بشوفه وبيروح الشرقيه
انس: ماعليك يمه كل يومين بينط لك
ام نايف: ياسمين احسن اليوم؟
انس : ايه تعبانه كانت وقالت بتنام شوي وبتروح لخالتي هي ودانه
ام نايف : الله يقومهم بالسلامه واشوفهم هم واحفادي بخير
...............
عند ام زهر
زهر جايه وهي بطنها قدامها صار لها اربع شهور
ام زهر : هلا ببنتي هلا بحبيبة امها
زهر: هلا فيك يمه تعبتي بالتجهيزات وانا ماقدرت اساعدك
ام زهر: تكفيني راحتك ياعمري ولا تعب ولا شي انا مبسوطه اني اجهز لملكة وزواج بناتي
شهد تضحك : هلا بزهر وعيالها
زهر: اصبري اولد واجيبهم لك يلجون راسك
شهد: عاد بكون وقتها بالشرقيه
ام زهر تبكي : لاتذكروني ان بناتي بيروحون الشرقيه
ينزلون ليان ويارا من غرفهم
يارا : وش فيها امي تبكي؟
زهر: يمه لاتبكين ترى بيجونك كل اسبوع وقريبه الشرقيه
ليان الحنونه تبكي وتحضن امها : ترى اذا قعدتي تبكين يمه بخلي وليد يروح لحاله الشرقيه
ام زهر تضحك وتمسح دموعها : ياحبيبتي انتي
يارا تضحك: ووليد بيخليك هنا وبيروح؟ وتغمز لها
ليان: يارا ترى بفصل عليك الحين
شهد ويارا يطالعون بعض ويضحكون
زهر: وش فيكم ؟
شهد: ولا شي بس مبسوطين لليان
يارا: زهر وش بتسمينهم
زهر: والله للحين مدري بس سيف يبي يسمي جياد
يارا: لا مو حلو
زهر: بس عاد سيف مايختار الا الحلو
يارا تضحك: طيب واذا بنت؟
زهر: والله للحين مافكرت
شهد: يارا لسى بتودين فستانك للخياط؟ لا تبلشينا
يارا: ايه وديته
زهر: بنام الليله هنا عشان اساعدك بكره يمه
ام زهر: وسيف وش رايه
زهر تضحك: ماعنده مانع يمه
************************
انتهى البارت واقتربت النهايه😔💔