جيتي مثل ربيع ازهر بقلب السيف بُستان

البارت الاربعين

بالمستشفى عند زهر
قرروا يسوون لها عمليه لان نقص عندها الاكسجين
ام زهر تبكي : يارب استودعتك زهر احفظها
الممرضه : نبي متبرعين بالدم ضروري
سيف: انا نفس فصيلة دمها بتبرع انا
الممرضه : اذا فيه احد ثاني برضو معك عشان للاحتياط
سيف :رح ادور بس اول شي انا بتبرع
الممرضه تعال من هنا
ام زهر: يارب تقوم بنتي بالسلامه
تجي يارا : يممه وش فيك؟
ام زهر : اختك قرروا يسوون لها عمليه
يارا تبكي: الله يقومك بالسلامه يازهر
سيف تبرع بالدم ونقصهم لسى يبون مسعفين
ويطلع سيف ياخذ جواله ويكلم رامي وقال له بيدور
ويدق عبدالعزيز
سيف: هلا عبدالعزيز اعذرني جوالي كان بالسياره وش بغيت
عبدالعزيز: والله خلصت افراغ الصكوك وقلت اجيبها لك
سيف: والله ماني بالبيت اني بالمستشفى
عبدالعزيز : عسى ماشر وش صاير
سيف: والله بس زوجتي بتولد واحتاج متبرعين دم
عبدالعزيز : وش فصيلة الدم اللي تحتاجها ؟
سيف : o سالب
عبدالعزيز : يللا انا جايك الحين اي مستشفى؟
سيف: لا مايحتاج الحين كلمت رامي وبيدور
عبدالعزيز : افا وانا اخوك يللا انا جاي الحين
سيف ماعاد عرف وش يقول يبي ينقذ زهر وبس
................
عند ام رامي
ابو رامي: زهر باقي ماولدت؟ صارلها فوق ال٦ ساعات
ام رامي تكلم بالجوال : يللا انا جايتكم
ابو رامي: وش صار ؟
ام رامي : طلبوا لها اسعاف دم ودخلوها العمليات
ابو رامي: الله يقومها بالسلامه يارب
وتطلع ام رامي مع رامي وتروح
ام رامي: ديم وش اخبارها ورضت تاكل ولا ؟
رامي: والله يعني مره تاكل ومره لا
ام رامي: انتبه لها خل بالك عليها
رامي: ديم بعيوني يمه
ام رامي: الله يخليكم لبعض وتجيب حفيدتي ع خير
رامي: اللهم امين ويقوم زوجة سيف بالسلامه
............
بالمستشفى عند سيف
ام زهر ويارا يبكون ويدعون لها
يجي عبدالعزيز: هلا سيف يللا تعال بتبرع
سيف: والله اني مدري وش اقولك ومدري كيف اشكرك
عبدالعزيز: عيب هالكلام انا مو غريب انا ولد عمك ولا نسيت
سيف : الله يخليك ويبقيك
عبدالعزيز وهو مار شاف يارا وهي تبكي بس يارا ماشافته
يارا يمه بروح اشتري لك شي تاكلينه
ام زهر : لا ماني مشتهيه شي بالي مشغول ع اختك
يارا: طيب ع الاقل شي تشربينه من يوم جينا وانتي حتى مويه ماشربتي
ام زهر: طيب جيبي شي دافي
يارا : من عيوني
ويروح عبدالعزيز ويتبرع بالدم
سيف: انا ماادري كيف اشكرك والله انك ماقصرت
عبدالعزيز : مايحتاج تشكرني الله يقومها بالسلامه تحتاج شي تبي شي ؟
سيف : ماقصرت سلامتك والله
عبدالعزيز : فمان الله ويروح وسيف يروح عند غرفة زهر ينتظرون هو وام زهر
يارا في يدها كوبين قهوه دافيه لها ولأمها ومنزله راسها ودخلت وصدمت في عبدالعزيز وانكبت القهوه
يارا : انا اسفه اعتذ... وتطالع الا وجهها بوجه عبدالعزيز
عبدالعزيز يطالع عيونها اللي متورمه من البكاء: مافي مشكله حصل خير
يارا لازم تطلعه هو غلطان: اشك انك تشوف وش ذا كل شوي طالع بوجهي وتطنشه وتروح
عبدالعزيز يراقب خطواتها ويتنهد : هالعيون مايليق بها البكى والله يقوم اختك بالسلامه ويروح
مر على دخول زهر المستشفى ٩ ساعات
سيف قلقان وبيموت من القلق
ام زهر وام رامي جالسين ينتظرون
يارا تبكي
طلعت الدكتوره
سيف : طمنيني دكتوره زوجتي كيفها؟
الدكتوره: الحمدلله ع سلامتها هي الحين تحت تأثير المخدر
سيف يصررخ الحممدلله ويسجد سجود شككر
ام زهر وام رامي يحضنوون بعض الحمدلله ياربب
الدكتوره : والف مبروك جابت بنت وولد وهم بخير وديناهم الحضانه
سيف : طيب متى اقدر اشوف زوجتي؟
الدكتوره: بعد شوي يطلعونها وتقدر تشوفها والحمدلله ع سلامتها
سيف كان رح ينط من الفرحه
يارا : الف مبروك سيف عيالك وزهر كلهم بخير
سيف: الله يبارك فييك
ام زهر : الحمدلله ربي انجاها هي وعيالها
ام رامي : تعال اجلس الحين وارتاح شوي ونشوفها
سيف : الحمدلله يارب الحمدلله يمه بروح للحضانه بشوف بنتي وولدي
ام رامي : وانا وخالتك بنجي معك
يارا : يمه وانا بعد ابي اشوف عيال زهر
راحوا للحضانه وشاف سيف عياله
سيف: الحمدلله يارب ع هالشعور وعلى هالنعمه والحمدلله عليك يازهر وصورهم عشان يوريهم لزهر
ام زهر: هذول اللي تعبوا امهم الله يخليهم لكم
سيف: اللهم امين ياخالتي
يارا : ياعمري ياكتاكيتي ياروح خالتكم
ام رامي: وش مقرر تسميهم
سيف: والله لسى مدري بشوف لزهر
زهر طلعوها للغرفه وتنادي سسييف ابي سسيف
الممرضه تجي: انت سيف زوج زهر؟
سيف خاف ان فيها شي : ايه انا وش فيه؟
الممرضه : مافيه شي بس زوجتك تبييك
سيف يركض ويروح لغرفتها : عيون سيف وقلب سيف وروح سيف
زهر وواضح عليها التعب وتحط يدها ع وجه سيف: وجهك شاحب مانمت صح؟ ومااكلت؟
سيف يمسك يدها ويبوسها : وانا اقدر ارتاح وانتي تعبانه او تتألمين الف الحمدلله ع سلامتك
زهر: حبيبي شفت عيالنا ؟
سيف: اييه وصورتهم لك ويوريها
زهر تنزل دموعها : الحمدلله انك انت ابوهم
سيف يمسح دموعها:والحمدلله انك انتي يالزهر امهم ورح تزهرين حياتهم مثل ماازهرتي حياة ابوهم
زهر : حبيبي انت الله لايحرمنا منك
سيف: وش تبين نسميهم؟
زهر: انت كنت تحلم عندك ولد يكون اسمه جيّاد؟
سيف يبتسم : اييه واصير ابو جيّاد
زهر تبتسم بتعب: بس ابو جيّاد؟ وماتبي تكون ابو جيان ؟
سيف يقوم ويبوس خدها : ايه ابو جياد وجيان
زهر: الله لايحرمني منك ابي اشوفهم
سيف: من عيوني بطلع اقول للممرضة وترى امي وامك ويارا ماخلوك ولا دقيقه
زهر: يابعد عمري هم خلهم يدخلون
سيف يطلع ينادي الممرضه تجيب التوأم
ويدخلون عندها امها وام سيف ويارا
......................
مرت الايام والشهور وصار عمر عيال سيف ٣ شهور  وعمر بنت ياسمين ٣ شهور وعمر سعود ٥ شهور ونص وصارت العائله كلها بزران وكبرت عائلة ال ضاري
شهد صار لها بالحمل ٧ شهور وديم صار شهر ولادتها
رامي راح المستشفى ب ديم وحلف ع امه وخالته مايجون ويتعبون انفسهم هو بيكون معاها
..............
عند عبدالعزيز ويارا
يارا تجيها رسايل من رقم غريب " مساء الخير ياام شعر كيرلي مانسيتك ولا قدرت انساك وانا حاولت ماالجأ لهالطريقه لكن اجبرتيني "
يارا ترد : مين؟
عبدالعزيز : خمني ؟
يارا: نلعب احنا اذا ماتكلمت مين انت والله بلوك
عبدالعزيز يتلاحق نفسه: انا عبدالعزيز الجاسر ولد عم سيف
يارا تبتسم : اييه ووش تبي؟
عبدالعزيز : اقولك ماقدرت انساك تقولين وش تبي
يارا: منجد وش تبي اعطيك خلطه سحريه تخليك تنسى ولا ايش ؟
عبدالعزيز يضحك وماندم انه كلمها : لا ابيك انتي ماابي الخلطه السحرية
يارا اصلا حتى هي مانسته من لما مسك يدها : انت عقلك طار يعني ؟
عبدالعزيز : اي والله من يوم شفتك
يارا: الزبده انت الحين وش تبي مني؟
عبدالعزيز : ابي رقم ابوك
يارا تتوتر ومحد من اخواتها فيه عشان تقولها :وليه يعني تبي رقم ابوي ؟ عشان تشتكي له اني صدمتك
عبدالعزيز : ههههههه يعني تعرفين انك انتي صدمتيني
يارا تورطت : انت تحب تلف وتدور واعطته بلوك
عبدالعزيز  يكلم نفسه : هذا اللي مخليني متعلق فييك يارا  ويتنهد ويمسك جواله ويكلم سيف ياخذ رقم ابو زهر
سيف: ليه وش تبيه فيه ؟
عبدالعزيز : ابيه والله بكره بتعرف ارسل له لي
سيف: يللا ارسلته لك
يارا راحت تبحث عن حساباته تبي تعرف هو ايش وليه مانسته وشافته خيّال ومصور عند مزرعة خيول  ويدخل في سباقات
يارا تبتسم وتحس ان  قلبها بدا يدق : وييه علامي بلحق اخواتي شكلي كلهم كانوا مجانين
وبحثت اكثر ولقته طيار
يارا: وش هالعبدالعزيز جامع كل شي ابيه وتضحك
*********************************
⭐️