جيتي مثل ربيع ازهر بقلب السيف بُستان

البارت الثامن

سيف يدق غرفة ياسمين ويلاقيها شارده بأفكارها ويدخل ويأشر بيده قدامها : مين ماخذ عقلك
ياسمين بتوتر : ههلا سيف
سيف: اهلين بعروستنا الصغيره
ياسمين : وش عروسته امي قالت لك ؟ بس ترى باقي ماقررت
سيف يضحك: طيب وش فيك معصبه الراي رايك محد راح يغصبك ع شي واخوك موجود
ياسمين : الله يخليك لنا
سيف: ويخليكم لي ، بس انتي تعرفين اني ماعمري تدخلت في ارائكم او حياتكم بس ترى انس شاريك ويبيك من يومه صغير يقول ماباخذ الا ياسمين سبحان الله كبر وصار رجال وفعلاً مااختار الا انتي وهو والنعم فيه
ياسمين تبتسم لأن ديم قالت لها عن انس : طيب اللي تشوفه
سيف : لا مو اللي اشوفه انا اللي تشوفينه انتي وتبينه رح يصير
ياسمين: الله لايحرمنا منك ياحبيبي
سيف : هاه نقول انك موافقه ؟
ياسمين  : اممم ايه موافقه بس لاتردون لهم خبر بسرعه
سيف يضحك: يابعد عين اخوك الف مبروك والله يكتب لك اللي فيه الخير ويطلع
ياسمين وهي تبتسم : انس يحبني وانا كنت مو طايقته واشوفه عينه زايغه؟
.........
عند ابو زهر
ام زهر : بس انا خايفه عليكم
شهد : عادي يمه بنتك تراها شاطره بالسواقه
يارا: ايه توك تشهدين لي عشانك تبين تطلعين
زهر: يمه ابوي اليوم ماطلع من غرفته طلعت ولقيته نايم
ام زهر : انا حلفت مااكلمه لين يراضي سيف
يارا: طيب يمه تكفين وافقي بنطلع ناخذ قهوه ونرجع بس
ليان تنزل من الدرج : ماشاء الله ع وين وماتقولون لأختكم
شهد: جاتكم مدمنة القهوه
يارا تضحك : هاه يمه زادت معنا ليان مابنطول خلاص ؟ يللا قوموا البسوا
ام زهر: وانتي انتظرتي اقول لا ولا ايه بس طيب الله يحفظكم انتبهوا لأنفسكم
يارا تبوس راس امها : يااحلى ام بالعالم وتطلع برا البيت وتشغل السياره وتنتظر شهد وليان 
شهد: ليان ماقد لبستي وش تنتظرين ؟
ليان : انتظريني بلبس بسرعه واجي
شهد : بنتظرك برا بالسياره استعجلي
وتطلع شهد وهي مانزلت الطرحه ع وجهها لسى ويشوفها طلال لأن بيتهم مقابل لبيت ابو زهر وهو طالع وماخذ شنطته بيسافر وكانت اول مره يشوفها 
يسمع يارا تناديها شهد وين ليان
طلال فعلاً مانزل عيونه وهي مو منتبهه له ويقول بنفسه : معقوله عمي فارس عنده هالحلوه وانا مدري !
وتطلع وراها ليان ويمشون بسيارتهم
وليد يدق بوري : ياشيخ انت بتطلع معي ولا اسافر لحالي لي ساعه انتظرك
طلال: هاه ؟ ايه ايه
وليد : وش فيك ويطلع من السياره ويتلفت انت وش شفت وصفنت كذا
طلال وهو ضايعه علومه من يوم صادف شهد : شفت ملاك ع هيئة بشر
وليد يحط يده ع جبهة طلال: انت تعبان ؟
طلال يطلع للسياره بدون اي كلمه
وليد : كان ناقص تنهبل بس ويطلع لسيارته ويمسكون خط للشرقية وطلال ناسي عقله وقلبه عند شهد
..........
عند ابو رامي
ام رامي: الحمدلله اني بشوف بناتي عرايس قبل مااموت
سيف : جعل لك طولة العمر وتزوجين احفادك بعد
ام رامي: وانت متى تفرح قلب امك؟
سيف : اذا جاء وقته خلينا الحين مبسوطين في دانه وياسمين
ام رامي: دام وافقوا البنات بقول لأبو رامي
سيف: لسى ماقلتي له ؟
ام رامي: قلت مابقوله لين اشوف البنات
سيف : طيب انتي روحي قولي له وانا بطلع ارتاح شوي
تروح ام رامي لأبو رامي ورامي وتقولهم
ابو رامي : انا ماعندي مانع وردي لهم اننا موافقين دام بناتك وافقوا وش تنتظرين
رامي: وكبروا اخواتي وبيصيرون عرايس الله يتمم لهم ع خير
ام رامي: بس مانبي نرد لهم بسرعه كذا احسن
ابو رامي : لا والله اني انا بكلم اخوي واقوله وشو له تطولون السالفه وهي قصيره
ام رامي: خلاص سوالف حريم مالك علاقه فيها بعدين انا اكلم ام نايف
ابو رامي يسكت وهو ناوي يقول لأخوه لان يشوف الاشياء اللي يسوونها الحريم مالها داعي
يدق جوال ام رامي (ام زهر تتصل)
..................
عند ابو زهر
ام زهر: وشلون ابوك ؟
زهر : بخير بس كان يتألم شوي واعطيته مسكن
ام زهر: مدري هو صادق ولا عشان مايعتذر من سيف انا بروح لحليمه وانتي انتبهي لأبوك مابطول
زهر تفكر بسيف : طيب يمه بروح معك اشتقت لدانه وياسمين
ام زهر: وابوك نخليه لحاله ؟ البنات لسى ماجو
زهر : نايم انا كنت عنده واصلاً مابنطول هناك صح؟
ام زهر : طيب يللا اتجهزي ولا تطولين انتظرك
زهر مبسوطه طبعاً تعرف ان سيف خلص دوامه وفي البيت : يللا بس دقايق
..........
عند سيف
ياسمين تدق باب غرفة سيف وتدخل ابيك بموضوع
سيف : امريني
ياسمين: مايامر عليك عدو بس بسألك عن انس
سيف يضحك : طلع الموضوع مو خطير تعالي اجلسي وقوليلي كل اللي بخاطرك
ياسمين : اذا بتقعد تضحك علي ترى بطلع وماعاد اسألك
سيف : لا والله ان تقولين وخلاص مابضحك ولا بعلق لين تخلصين كلامك
ياسمين: انس كيف سمعته ؟ اقصد يعني عنده لف ودوران ولا ولما صارت السالفه بينك انت وعمي فارس وقف معك ولا
سيف: تبين برنت عنه يعني طيب خذي ياطويلة العمر ايه سمعته زينه ومافيه شي يخليك تخافين وماشي سيده ودايم هو مع الحق
ياسمين: بس ؟
سيف يبتسم : وش تبين تعرفين ثاني ؟
دانه تدق الباب : تعالي خالتي ام زهر وزهر جو ويسألون عنك
ياسمين : طيب مو وقتهم
سيف : عيب ضيوف وغير هذا خالتك
ياسمين: اوفف يللا جايه وتروح
سيف يرجع ينسدح ويتنهد بسبب مشاكله وهو مو دراي عن زهر وحب زهر اللي تعشقه
.............
عند زهر
زهر تبوس راس ام رامي : كيفك ياخالتي ان شاء الله انك بخير
ام رامي: الله يرضى عليك ياحبيبة خالتك بخير دام اني شفتك
ام زهر تضحك: شكل زهر نستك اختك
دانه وياسمين جايين
ام زهر: هلا بحبايب قلبي ويسلمون على بعض وتاخذهم السوالف ساعه ونص
ام رامي: وين تو الناس
زهر: والله نبي سوالفكم اللي ماتنمل منها بس ابوي تعبان وتاركينه لحاله
ام رامي: والبنات وينهم
ام زهر: طلعوا يتقهوون وللحين مارجعوا
ام رامي : اذا كذا مانقدر نقول شي
ام زهر: سيف موجود ؟ ابي اسلم عليه
زهر وهي بتموت من الحب تنتظر متى خالتها تقول انه موجود
ام رامي: ايه موجود بس مدري اذا هو نايم ولا وتطالع ياسمين سيف صاحي ولا نايم ؟
ياسمين: قبل شوي كان صاحي بطلع اناديه
زهر قلبها بيطلع من بين ضلوعها تبي تشوف سيف حتى لو لمحة
ياسمين بصوت عالي من فوق: ايه يمه صاحي وقلت له
ام زهر تطالع زهر البسي عباتك وتغطي السيف جاي
زهر تلبس عباتها وتحط الطرحه لأنها عارفه انه يغض البصر مايطالع
سيف يدق الباب: ياولدد (يستأذن قبل يدخل)
ام زهر تروح له عند باب المجلس : هلا بسيف وتحضنه كيفك عساك طيب
سيف: بخير خالتي انتي كيفك وكيف عمي
ام زهر : الحمدلله بخير يابعد عمري
دانه تكلم زهر : كيف البنات ؟ شهد وليان ويارا
زهر غارقه بتفاصيل سيف كلامه وصوته واسلوبه
دانه : تأشر بيدها قدام زهر علامك؟
زهر: هاه وش كنتي تقولين؟
دانه: كنت اسألك عن البنات
زهر توترت : ايه بخير كلهم والله
سيف: تبين شي توصين شي ؟
ام زهر: سلامتك حبيبي ماتقصر
زهر تطالع تبي تلمحه وفعلاً لمحته وهو رايح
زهر تتكلم بينها وبين نفسها ياجعلني فدى زولك
ويطلع سيف لغرفته ويروحون زهر وام زهر لبيتهم