جيتي مثل ربيع ازهر بقلب السيف بُستان

البارت الأول

في بيت ابو رامي توه راجع العصر من المسجد ويصادف سيف جاي من دوامه
سيف يسلم عليه ويعتبره مثل ابوه : كيفك يبه ويسلم على راسه ويده
ابو رامي المتسلط يسحب يده: الله يوفقك بس قبل تسلم اغسل يدينك وانت جاي من دوامك
تجي ام رامي : هلا بحبيبي توك خلصت دوام؟
سيف مكسور خاطره : ايه بروح اغير واغسل يديني واجيك يمه ويروح
ابو رامي: شفتي ولدك ماسلم عليك وهو ماغسل يدينه بس انا سلم علي 
ام رامي: عيب عليكك لو يسمعك يزعل وولدي مثل ولدك واخو لعيالك
ابو رامي : ياحرمه وانا قلت اني اكرهه ؟ انا وصيته
يطلع سيف لغرفته اللي كانت اصغر غرفه في البيت وهو خاطره مكسور من كلام زوج امه اللي من يومه صغير وهو يكسر بخاطره ويحطمه
دانه تدق باب الغرفه
سيف يحاول يبتسم عشان مايبين : تعالي
دانه : كيف كان دوامك اليوم
سيف : زي اي يوم عادي ويطالع دانه : انتي عندك كلام يللا قوليه
دانه تضحك: يعني مااسأل اخوي حبيبي عن دوامه الا اذا ابي شي ؟
سيف : ايه يااختي الحنونه وش تبين ؟
دانه : نبي السوق وتعرف ابوي ماخلانا نطلع وحدنا فقلت نكلمك
سيف: ابشري من عيوني بس ارتاح ونطلع بعد المغرب للسوق وش رايك؟
دانه : حبيبي ياسيف مانبي نضغطك ونشغلك زياده على شغلك بس اقنع طلال يودينا
سيف : وش اشغلتوني تراني بزعل منك اذا سمعتك تقولين هالكلام مره ثانيه
تجي ياسمين : وانا اقول وينكم مختفين امي تقولك يادانه خلي سيف يرتاح ونروح بيوم ثاني
سيف: والله ان تمشون معي والليله انتوا بس تجهزوا وقولولي
ياسمين: بس انت تعبان واخاف نطول بالسوق خلاص مو مهم نأجلها ليوم ثاني وطلال كلمته قالي طالع مع اخوياه
ام رامي: سييف دانه ياسمين تعالوا تقهوو معنا
سيف: طيب على راحتكم اذا تبون الليله ابشروا واذا تبون بكره او بعده ابشروا اللي تبونه انا حاضر
دانه : لا والله ارتاح اليوم وبكره نشوف
ياسمين : انت ارتاح الحين وانا بجيب لك قهوتك عندك اعرف ابوي مارح يخليك تتهنى بالقهوه
سيف: عيب ابوك لازم تحترمينه وتبرين فيه ومايزعلني كلامه بالعكس
دانه تقرص ياسمين وتسحبها: بننزل عند امي وابوي تبي شي؟
سيف : سلامتكم بس قفلوا الباب وراكم
ينزلون دانه وياسمين يتقهوون مع امهم وابوهم
ياسمين: يمه سيف قال عادي اي وقت بيودينا
ابو رامي : وانتوا كل يومين في السوق وماخلصتوا
ياسمين: يبه خلاص تغير الزمن مو شرط لازم اذا بنطلع السوق نشتري
دانه : خلاص مانبي نطلع اي مكان
رامي يجي من دوامه : السلام عليكم
الباقي: وعليكم السلام
رامي: دانه وش اللي خلاص ماتبينه؟
دانه : كنا نبي نطلع بس بطلنا وتطلع لغرفتها
ابو رامي: كيفك مع الدوام اليوم
رامي: الحمدلله كان عند حالتين اليوم والحمدلله عدت الامور
ام رامي كاسر خاطرها سيف : الله يوفقك ياولدي ويسهل لك دربك
رامي يبوس راس امه : الله لايحرمني من الدعاوي الحلوه وبيروح لغرفته
ابو رامي: مافي دعوه ولا بوسه لراس ابوك ولا يده
رامي يضحك : ابشر بس بعدين يبه ويروح
ام رامي: مو تقول انهم لازم يتعقمون ويغسلون يدينهم قبل يسلمون عليك
ابو رامي: بس شغل رامي غير عن سيف وكل شي معقم بالمستشفى
ام رامي طفح الكيل: الله يهديك حاط دوبك من دوب ولدي
ابو رامي: ول.. ويدق جواله " عبدالرحمن اخوه" ويرد الو هلا وعليكم السلام
عبدالرحمن: هلا كيفك عساك طيب
ابو رامي : بخير الحمدلله
عبدالرحمن: قول تم بما ان الجمعه بكره خل هالاسبوع تتجمعون عندي والله يحييكم  
ابو رامي : والله مدري وش اقولك لكن تم
عبدالرحمن : جيب ام رامي والبنات معك وكل عيالك
ابو رامي: ان شاء الله ويقفل
ام رامي: وش فيه ابو نايف؟
ابو رامي: عازمنا بكره يقول الجمعه عنده
_______
في بيت عبدالرحمن ابو نايف
ابو نايف: والله عزمتهم بكره وقلت لهم الجمعه عندي هالاسبوع وتراني عزمت ابو زهر بعد
ام نايف: الله يحييهم اجل بقوم اشوف وش ناقصنا عشان نكمله
ديم جايه من فوق
ام نايف : هلا بديم قلبي
ديم: هلا فيك يمه فاتتني العصريه ماصحيتيني
ام نايف: شفتك نايمه وماحبيت ازعجك
ديم تحضن امها: حبيبي انا الحنونن
ابو نايف: وابوك ماله نصيب يعني ؟
ديم تحضن ابوها وتبوس راسه : افاا انت الاساس والله
ام نايف تضحك : خلي عنك الكلام لاتنسيني وش بقول ترى بكره الجمعه عندنا
ديم تقلب خلقتها: جمعة ايش؟
ابو نايف: عزمت عمانك ابو رامي وابو زهر
ام نايف  : يللا تعالي وراي نشوف وش ناقصنا لبكره
ديم تضحك : طيب يمه بس باقي ماقلت طيب
ام نايف : والله قلتي ولا ماقلتي خلاص ابوك عزمهم
نايف : مساك الله بالخير يبه
ابو نايف : مساك الله بالنور والسرور
ويدخل وليد: هلا يبه كيف حالك
ابو نايف : هلا بعيالي غريبه جايين سوا
نايف يضحك : جيت من الدوام وصادفته برا وشكله كان يفحط واضح عليه
وليد: ياثقل دمك بس ماالومك طالع على عمك ثقيل دم وكذاب
ابو نايف بعصبيه: عمممك ولازم تحترمه وش قلة الادب هذي
نايف : يمزح يبه صح وليد ويطالعه
وليد العصبي : ايه ايه كل شي الا زعلك يبه
ابو نايف: وتراني عازمهم بكره عندي ابو رامي وابو زهر ولازم تكونون كلكم موجودين
نايف: الله يحييهم
وليد ماقال كلمه راح لأمه وديم
وليد : يممه ابوي يعرف اني انا وعمي مانقدر نقعد في نفس المكان ويبيني بكره اقابله ؟ عز الله صار دم
ديم تضحك : ويي يانونو خلاص بنقول لأبوي يكنسل العزيمه
وليد : ديم انطممي لااعطيك كف الحين
ام نايف: ماعليك من عمك انت قوم بالواجب وقوم بالعزيمه انت واخوانك عشان ابوك
وليد: يللا الله يعين بروح اغير وبطلع مع اخوياي وبرجع بدري
ام نايف : طيب وانتبه لنفسك واذا احتجت شي كلمني
ديم تغار : يمه تحبين مين اكثر انا ولا وليد
ام نايف تحضن ديم : كلكم عيالي واحبكم
ديم تضحك : اييه على بالي
...................................................
بيت فارس ابو زهر
ابو زهر : عبدالرحمن عازمنا بكره وملزم علينا نجي
ام زهر : ان شاء الله وبناخذ لهم شي معنا
ابو زهر: اللي تشوفونه ويقوم بيروح لصلاة المغرب في المسجد
زهر : يمه خالتي وبناتها بيروحون؟
ام زهر: والله اني ماادري ماقد كلمتها بس اكيد
تجي شهد من غرفتها : وش فيكم ؟ وخالتي بتروح فين؟
زهر : بكره الجمعه بتكون عند عمي عبدالرحمن مو عند خالتي واسأل اذا بيجون
شهد: يعع ياكرههي يارب مايجون بناتها
ام زهر: وش هالكلام عن خالتك وبناتها
شهد: متكبرين وشايفين انفسهم مدري على ايش
زهر: حرام عليك والله انهم متواضعين وطيبين
شهد: ايه لأنك طيبه يازهر تفكرين الناس كلهم مثلك
تجي يارا: وش فيها ملكة النكد
زهر وامها يضحكون وتزعل شهد
يارا: خلاص لاتزعلين امززح بس منجد يعني ودي اشوفك يوم رايقه وماتنكدين علينا وعلى نفسك
زهر: ماتبين تروحين لاتروحين انا وامي وليان بنروح وانتي يارا معنا ولا ؟
يارا : اييه اكيد معكم خلوا النكديه وحدها في البيت واحنا نروح وننبسط ونسولف
شهد المزاجيه : الا بروح مين قال لكم مابروح
ام زهر : انا بصلي وبكلم خالتكم اذا بناخذ شي معنا لهم
يارا تروح لليان : احياناً انسى ان عندي اخت اسمها ليان
ليان تضحك: ليه وش عندك وش تبين
يارا : ولا شي بس بشوف وش بتلبسين لبكره بنروح عند عمي عبدالرحمن
ليان : عادي اي شي بلبس
يارا: الله المستعان انا وش خلاني اسألك
ليان : طيب انقلعي ابي اكمل الرسمه لازم اخلصها اليوم
يارا تضربها على راسها وتطلع بسرعه وتلحقها ليان انا اوريك
.....................
عند حليمه ام رامي
سيف : يمه بستشيرك في شي
حليمه : سمم ياعيوني وش بغيت
سيف : بما ان عندي استطاعه وراتب زين ودي استأجر شقه لي
امه زعلت :  تبي تروح وتتركني ياسيف ؟ تعرف اني انا واخوانك واخواتك مانستغني عنك
سيف يبوس راسها: بس يمه ماباخذ شقه بعيده هنا قريب منكم
حليمه : لا انا ماني راضيه تروح تعيش بعيد عني
رامي ودانه جايين
سيف: جيتوا في وقتكم قلت لأمي اني بستأجر شقه وزعلت مني
رامي: وتستأجر شقه ليش والبيت موجود ؟
دانه: سيف كلنا بنزعل مو بس امي ليه يعني بتاخذ شقه ولا مليت منا ومن مشاكلنا وبتروح
سيف : لا والله بس قلت الافضل لي
يجي طلال: وش اللي اسمعه ياسيف والله ماتطلع هو بيتك مثل ماهو بيتنا واذا طلعت بنطلع كلنا معك وتحمل وقتها
سيف يضحك : زي العسل تعالوا معي كلكم
امه : والله ماتطلع من البيت اذا مت بكيفك بس مادامني حيه انت مكانك هنا
سيف يبوس راس امه : بعيد الشر عنك يمه وابشري اللي تبينه بيصير بأجل الموضوع هالوقت
دانه: مو تأجله لا تنساه بالمره
طلال: ليش تبي تطلع طيب ابوي قال لك شي ؟
سيف : لا والله بالعكس معتبرني مثلكم واكثر
امه : مافي طلعه انا قلت كلامي وانتهى
سيف: مارح يصير خاطرك الا طيب يمه
رامي: حطها في بالك انك مارح تطلع من هنا
سيف: طيب ويطالع دانه باقي تبون اوديكم السوق؟
دانه: لا ارتاح انت طلال بيودينا
طلال : على كيفك ماني فاضي والله خلو رامي يوديكم
دانه: من متى اصلاً كنت فاضي يالوزير
طلال : والله ماني فاضي لكم وللسوق
رامي : خلاص خلوه الوزير انا بوديكم تجهزوا وانزلوا
طلال العصبي قام بسرعه وبغى يطيح على وجهه دانه وسيف يضحكون انتبه الغرفه مابتطير
ام رامي : دانه نادي ياسمين وروحوا انا مابروح معكم
سيف: ليه يمه ؟ كم لك مارحتي السوق واذا ناقصك فلوس خذي هذي صرافتي
ام رامي : لا والله ياولدي خل صرافتك معك بس انا بنام بدري باقي وراي بكره يوم طويل
سيف : على راحتك يمه وانتي دانه حولت لك وحولت لياسمين واذا نقص شي عليكم كلموني
دانه : عمري انا اخوي الكبير الله يخليك لنا ولا يحرمنا منك
سيف: ويخليكم لي دام رامي بيوديكم بطلع انام انا وجوالي بخليه عام اذا فيه شي دقوا علي
تجي ياسمين وهي لابسه وجاهزه: يمه ليه مابتروحين معنا؟
ام رامي: لا مالي خلق للسوق روحوا وانتبهوا لنفسكم ولاتطولون مانبي مشاكل مع ابوك واحنا ورانا بكره يوم طويل
ياسمين تبوس يد امها وراسها : من عيوني واذا تبين شي من السوق كلميني وبيطلعون دانه وياسمين لرامي بالسياره
ويطلع انس ويشوف رامي ويجي يسلم عليه بحكم ان بيوتهم جنب بعض
رامي: هلا بولد العم شخبارك
انس: هلا فيك بخير الحمدلله انت شخبارك ويشوف ياسمين ودانه ويبعد عن السياره يللا انا استأذنك تبي شي
رامي : لا سلامتك ماتقصر
ويمشي انس لبيتهم
ياسمين: ياكرهي له هالولد
دانه: وش مسوي لك هالمسكين
رامي : وين تبون اي سوق 
ياسمين : مافي سوق محدد
.............
بيت عبدالرحمن ابو نايف
انس يحب ياسمين وهي ماتدري يعني الولد هيمان وهي ماتدري عن هوا داره وتسبه كل ماشافته
ديم: الو نحن هنا ولا البزر عاشق
انس : انقلعي انتي والله م البزر غيرك
ديم تضحك: يعنني رحت النادي وصرت معضل وكبرت
ابو نايف: خلاص انت وياها صجيتوا روسنا صلوا العشاء وناموا بكره لازم تقومون بدري
ديم: يبه دجاج احنا ننام بعد العشاء؟
انس: خلاص ابوي قال تنامين يعني تنامين
ديم: انطم انت ورح رمم هالعضلات اللي مزعجنا فيها
ابو نايف بعصبيه: انت وياها متى بتعقلون الناس تعقل وانتم تنهبلون يللا على غرفكم
ام نايف جايه من المطبخ: ديم ماتسمعين لي ساعه اناديك
ديم: ماسمعتك يمه امريني وتجي جنب امها وتمسكها من ذراعها
انس: انقلعي مكانك المطبخ ولاتكثرين كلام
ابو نايف: ولدد وش قلة هالادب من متى هالكلام عندنا مو لانها بنت تتطاول عليها لاتنسى انها اختك واكبر منك المفروض تحترمها
ديم تطلع له لسانها يعني بتقهره وتمسك يد امها تعالي وش تبين توريني يااحلى ام بالدنيا
انس عصب وطلع غرفته ويطبق الباب بقووه
وليد داخل من برا : وش ذا زلزال ولا ايش
ابو نايف : انس لو نخليه على راحته كسر البيت
وليد يضحك: ماعليك منه يبه شوي وبيجي ولا كأنه سوا شي
ام نايف وديم يجون من المطبخ
وليد : تبون شي انا بتروش وانام
ابو نايف : صليت العشاء؟
وليد : ايه صليت مع الجماعه
ام نايف: الله يوفقك مانبي الا سلامتك
ديم: وانا بطلع اجهز وش بلبس بكره وبشوف اذا يحتاج غسيل تصبحون على خير