جيتي مثل ربيع ازهر بقلب السيف بُستان

البارت السادس والعشرين

بيت ابو نايف
ام نايف: انس ماصحى للفجر صحيته وماقام
ابو نايف: ماعليك معذور تعبان
ام نايف: ووليد مدري متى رجع نمت وهو ماقد جاء
نايف لابس لبس الدوام: صبحكم الله بالخير
ام نايف وابو نايف: صبحك الله بالنور
ام نايف: بتداوم اليوم ؟
نايف: ايه يمه انتهى شهر الدلال لازم اداوم
ابو نايف: الله يحفظك عاد انت حامي بلد بعد الله ماتصلح لك الاجازات الطويله
ام نايف: مافيها شي لو اخذ اجازه
نايف يضحك : ماقصروا يمه عطوني شهر
ام نايف: طيب متى بتجيب دانه للبيت ابي اسوي لكم عزيمه
نايف: والله مدري لسى
ام نايف: انس قال بيجيب ياسمين بعد يومين
.....................
مر الوقت وجاء العصر الوقت المنتظر لزهر وسيف
زهر ماطلع سيف من بالها طول الشهر مالمحته حتى لمحه وتفكر انه نساها
ام زهر: علامك يازهر لك فتره مو ع بعضك
زهر شارده بأفكارها وماهي معاها ابدا
ليان تتدارك الوضع وتدقها بكتفها : امي تكلمك علامك
زهر: هلا يمه اسفه ماسمعتك
ام زهر يدق جوالها "ام رامي"
ام زهر: هلا بحليمه شخبارك عساك بخير
زهر : ليان انا بطلع غرفتي ابي ارتاح شوي
ليان تهمس : طيب بس حاولي تمسكين نفسك شوي واضح عليك انك اشتقتي له
زهر ماتكلمت راحت وتصادف شهد نازله من الدرج
شهد: زهر وجهك اصفر تعبانه؟
زهر شارده وتمشي للغرفة
ام رامي : الحمدلله بخير انتي شخبارك واخبار زهر والبنات
ام زهر: ابشرك كلنا بخير والحمدلله ع سلامة دانه وياسمين
ام رامي : الله يسلم قلبك فاضيه ؟ ابيك بموضوع
ام زهر: امري
ام رامي: والله انا اليوم مكلمتك خطابه مو اختك
ام زهر تضحك : حياك الله وش السالفه ؟
ام رامي : ابي زهر لسيف وابيك ماترديني
ام زهر مبسوطه : وانا مارح الاقي لزهر رجال كفو مثل السيف لكن ابي اشاورها واشاور ابوها واردلك بس من جهتي موافقه بس تعرفين لازم اخذ رايها
ام رامي: حبيبتي هذا حقها اسأليها ورديلي خبر انا انتظر رد يفرحنا
ام زهر: ابشري وان شاء الله مافي الا الاخبار الزينه وتنتهي المكالمة
ليان وشهد : وش فيه يمه؟
ام زهر مبسوطه: وين زهر ؟
شهد: راحت غرفتها يمه وش فيه جاني فضول
ام زهر: اختكم بتصير عروس ان شاء الله خالتكم كلمتني تبي زهر لسيف
ليان وشهد فرحوا لزهر لأنهم عارفين حبها لسيف
ليان: بروح اقولها
ام زهر: لا انا بطلع لها
شهد : اخيراً يازهر بتاخذين حب عمرك وعقبالي اخذ اللي احبه
ليان: اممين وتجيها لحظة ادراك وتطالع شهد
شهد: وش فيك تطالعيني كذا؟
ليان: تحبين وماتقولين لي هاه؟
شهد توترت : بروح لزهر بشوف فرحتها لما تقول لها امي
ليان : وانا بعد ويطلعون
يارا تشوفهم : وش ناوين عليه ماتتفقون انتوا الثنتين الا اذا فيه شي
شهد تضحك: تعالي بنصير اخوات العروس
يارا تتحمس: ممين ؟ ليكون ليان وتضحك
شهد : زهر خطبها سيف
يارا: يابعد عمري يازهر لما شفت خوفها ذيك الليله ع سيف عرفت انها تعشقه الحمدلله بيصير من نصيبها
ليان: الله حتى البزران صاروا يعرفون يتكلمون
شهد : اصص مو وقتكم ابي اسمع امي وش تقول لزهر ويوقفون بعيد عند غرفة زهر
ام زهر: علامك ياروح امك تعبانه ؟ وجهك اصفر
زهر: لا والله يمه يمكن ضغطي منخفض
ام زهر : كنت ابيك بموضوع بس بأجله دامك تعبانه
شهد اخذت الطفاقه من طلال وتدخل بسرعه : لا يمه لاتأجلينه قولي لها الحين وشوفي كيف يتغير لونها
ليان تقرصها : انتي محد قال لك انك مطفوقه
يارا : خليها انعدت من المطفوق حقها
ليان تطالعهم : وش هالاسرار اللي مااعرفها
ام زهر : اسكتي انتي وهي خلوني اعرف اتكلم مع اختكم
زهر: امريني يمه
ام زهر: اليوم جاك خطابه
زهر خافتت تفكره احد غير سيف: مين قال اني ابي اتزوج
شهد: انتي علامك اصبري امي تكمل كلامها
ام زهر : خالتك حليمه كلمتني تبيك لسيف
زهر تفز : مييين؟
ام زهر: سيف ولد خالتك حليمه
وتطيح زهر من طولها مايدرون اخواتها هي مبسوطه لدرجة اغمى عليها او تعبانه
ام زهر تمسك راسها وتضرب خدودها: زهر يمه وش فيك ؟ اكييد فيها شي كان وجهها اصفرر
ليان تجيب عطر وتخلي زهر تشمه : زهر علامك فيك شي؟
شهد تقول ببالها يممه اخاف يصير فيني كذا لو خطبني طلال
يارا تهمس لها: اسمع افكارك ترى
زهر تفتح عيونها
ام زهر تشربها مويه : وش فيك يابعد روحي
زهر تبتسم : مافيني شي انخفض ضغطي شوي
ليان: مو وقت تبتسمين خوفتينا عليك
زهر وهي في اللاوعي منجد: يمه مين تقولين خطبني ؟
ام زهر ميته ضحك: سيف يبيك وكلمتني خالتك تبينه ولا اكلمها انك ماتبين تتزوجين؟
زهر: لا لا يمه انا موافقه ومارح الاقي احسن من سيف
ليان تغمز لها: ايه يمه وين بتلقى احلى واحن من سيف
زهر: وش قلتي لخالتي ؟
ام زهر: قلت لها بشاورك واشاور ابوك
زهر: وابوي بيوافق ع سيف ؟ ولا بترجع العداوه؟
ام زهر: لا ان شاء الله انه موافق ابوك تغير عن زمان
شهد: نقول مبروك مقدماً؟
زهر تضحك والدنيا مو شايلتها
ام زهر : ابوكم جا؟ بنزل اكلمه اختي ماابي اطول عليها وبرد لها خبر بسرعه
ليان : لا يمه خليها اسبوع او اسبوعين بعدين ردي
زهر: لا عادي يمه ردي لهم اني موافقه
شهد: اييه ليه تطول عليهم خالتي وولدها مو غريبين عشان نطول عليهم
يارا: انتي تمهدين الطريق لنفسك
شهد: اصص وش فيك انتي لااعطيك كف
ام زهر: حتى يوم خطوبة اختكم هواش وتروح
ليان تحضن زهر: مبببروك عليك سيف يازهر اخيراَ تحققت امنيتك
زهر مببسوطه: الله يباركك فيك اخيراَ بشوف سيف كل يوم وكل وقت
شهد تحضن زهر: مببروك ياعمري وخلي السيف يعرف شكثر تحبينه
يارا تبكي وتحضنها: مبروكك يازهر مااتخيل البيت بدونك
شهد تضرب راسها : يالنكديه اللي يسمعك يقول بتروح الحين مع سيف
زهر تضحك: انا مو مصدقه احس اني بحلم معقوله بصير زوجة سيف حقيقه مو حلم
ليان: والله اني فرحت لك ياروح اختك
زهر تناظرها: عقبالك انتي ووليد
شهد ويارا مع بعض: احححلفي ؟
شهد: وانا اققول ليان وش فيها بس روحة وجيه لبيت عمي عبدالرحمن
يارا: وش هذا كلكم تحبون ؟ الله لايبلانا
زهر: مين غيري انا وليان ؟
شهد تعطي يارا نظره يعني انطمي
يارا تضحك :مححد وتطلع من الغرفه
ويطلعون ليان وشهد ويتركون زهر لحالها
زهر تحضن المخده بقوه : يابعد عيني يالسيف وانا اللي مفكرتك نسيتني مر شهر وماشفتك الله يجمعني فيك بسرعه
ابو زهر: وزهر وش رايها ؟ سيف رجال والنعم فيه وماعليه زود
ام زهر: زهر ماعندها مانع وسيف حبيب خالته ماله مثيل
ابو زهر: الله يقدم اللي فيه الخير وانا بعد ماعندي مانع
ام زهر : الله يسعدك مثل مااسعدتني واسعدت بنتك بموافقتك
ابو زهر: اللهم امين ويسعد زهر تستاهل بنت ابوها
........................
عند ابو رامي
ام رامي : كلمت اليوم اختي وخطبت زهر لسيف
ابو رامي : ووش ردت عليك؟
ام رامي: قالت بترد لي خبر
ابو رامي : الله يوفقهم ويقدم اللي فيه الخير
دانه: الحمدلله ان سيف اختار زهر
ياسمين : تتوقعين عمي مايعاند ؟
ابو رامي: ايه بيوافق مارح يلاقي مثل سيف لبنته
ام رامي: صدقت والله وزهر تستاهل سيف وسيف يستاهلها
رامي: يمه فيه بيت جنبنا معروض للبيع ويمكن اشتريه
ام رامي: وتشتريه ليه ؟ ماعاد تبي تقعد مع امك؟
رامي يضحك: لا والله ماقصدت كذا بس للمستقبل اذا تزوجت
دانه: والله ياحظ اللي يحبها رامي وبيشتري لها بيت بعد
ام رامي: حتى لو تزوجت مارح اخليك تطلع من البيت
ابو رامي: والله ياحليمه انك ناويه تربطين العيال في البيت
ام رامي: ايه عيالي وابيهم معي
ابو رامي: اذا بكره تزوجوا كلهم اكيد مارح يضلون ساكنين معك
ياسمين: الا هذاني انا ودانه بنسكن مع عمي عشان زوجة عمي تبي عيالها معها
ام رامي: ايه قولي لأبوك يبي عيالي يبعدون عني
رامي: ابوي معه حق بكره لما يتزوج سيف وطلال رح يمتلي البيت وترى البيت جنبكم مره الجدار بالجدار
ام رامي: وانا قلت لا يعني لا البيت كبير والغرف واجد
طلال جاء المغرب وهو توه يصحى
طلال: علامكم تتهاوشون اصواتكم واصله لعندي
ابو رامي: وانت هذا اللي فالح فيه نوم واكل بس؟
ام رامي: بسم الله وش فيك عالولد اول ماقام
طلال: هذا هو ابوي من يوم اصحى لين انام يحطم فيني
ابو رامي يقوم بيروح المسجد
رامي: ماعليك تعرف ابوي والله انه مايقصد لاتنكد ع نفسك
طلال: ايه بس بكره اتوظف واروح ويرتاح من وجهي
ام رامي: تبي تبكي امك؟
طلال يبوس راس امه: لا والله وناشب لك مافي فكه مني
سيف صاير بس منسدح ويفكر بزهر: انا بعدك يازهر مافي بقلبي امنيات والله ان اسعدك مثل مااسعدتيني في وقت ضيقتي وتعبي
امه تدق الباب
سيف يجلس: تفضلي يمه حياك
ام رامي: كلمت ام زهر العصر وقالت بترد لي خبر
سيف: الله يكتب اللي فيه الخير
ام رامي: سيف تبي تكلم عمانك يجون وقت الملكه ؟
سيف عصب: اي اعمام يمه؟ اعمامي اللي اخذوا ورث ابوي وتركوك تشتغلين ع المكينه عشان تصرفين علي؟ وماسألوا عني للحين ولا يدرون عن اخباري
ام رامي: اهدأ انا بس اسألك اذا تبي تجيبهم
سيف: عمي ابو رامي واخواني يكفون وزياده لاعاد تطرينهم يمه ويقوم ويطلع
ام رامي ندمت انها كلمته عن اعمامه
سيف معصب ويطلع برا البيت ويقفل الباب بقوه
طلال : يمه وش فيه سيف ؟ ليكون بنت خالتي رفضته؟
ام رامي واضح انها زعلانه : لا ماقد كلمتني خالتك
رامي: اجل وش فيه يمه؟
دانه: من زمان ماشفت سيف كذا اخر مره واحنا صغار
ام رامي : ولا شي بس قلت له لو يبي يعزم عمانه لملكته
رامي : الله يهديك يمه تعرفين ان سيف يتضايق من هالموضوع ويقوم يلحق سيف
طلال: انا اعرف انه يكره اعمامه بس مااعرف وش السالفه
دانه : الله لايسامحهم سيف بسببهم صار يكتم ومايتكلم اتذكر امي قالت لي انهم كانوا يخلونه يغسل المواعين ويكنس وفوقها اخذوا حق ابوه ماعطوه
طلال : وكيف خليتيهم يسوون كذا؟
ام رامي: ماخليتهم انا كنت افكر انه عند جده وعمانه وعماته وجيتهم بيوم وشفته بهالحال وهاوشتهم وحلفت ماعاد يطلع من البيت لين جاء ابوكم وخطبني ووافقت عليه
ياسمين : يابعد عمري ياسيف عانى كثير
ام رامي: من يوم عمره ٥ سنين ماسألوا عنه
طلال: طيب ليه يمه قلتي له عنهم
ام رامي: ابي الناس يشوفون ان عنده اهل
طلال : افا يمه واحنا ؟ مو اخوانه واهله ؟
ام رامي: ماتقصرون جعلني ماانحرم منكم
سيف ضايقه فيه الدنيا وجالس بسيارته تذكر معاناة امه وظلم عمانه له ولأمه
رامي يدق دريشة السياره : ماخذ عقلك يتهنى
سيف يبتسم ويخفي احزانه: تعال تبي ناخذ فره ؟
رامي: مع ان عندي دوام بعد ساعه بس بروح
ويطلع طلال : ع وين بدوني اخوكم الصغير خذوني معاكم
رامي وسيف يضحكون
رامي: يللا تعال لايجي ابوي يعطيني هوشه عشان وظيفتك
طلال يضحك : يللا يللا ابوي هالايام مشخصنها معاي
سيف: طيب وين تبون نروح؟
رامي: مو انت تبينا نفرفر يللا
ويصادفون وليد المهموم الثاني توه طالع من البيت
طلال ينزل القزاز وبصوت عالي: كم عدد عيالك عشرين ولا ثلاثين
رامي يضحك :وش تقول انت
وليد بصوت عالي : بحدود الخمسين
طلال: تعال تعال لايكثر بنروح نفر ونشرب شاهي مع سيف ورامي
سيف: يللا اطلع نغير جو شوي
وليد يطلع للسياره
طلال: والله اللي يشوفك مهموم يقول انك عندك عيال ومو قادر تأكلهم
وليد: لا والله افكر بالوظيفه
رامي: حتى عمي جاته عدوى الهواش عالوظايف ويضحكون
********************
انتهى البارت وبدأت الحياه تضحك لأبطالنا😔❤️