جيتي مثل ربيع ازهر بقلب السيف بُستان

البارت الثلاثين

عند ابو نايف
وليد يتصل ع امه عشان يخاف يدخل ويلاقي ياسمين ودانه جالسين
ام نايف: تعال نايف ودانه بالمستشفى مارجعوا لسى وياسمين فوق
ابو نايف : علامه وليد؟
ام نايف: مدري يقول عنده خبر حلو يبي يقوله لنا
ديم: الله يستر من اخبار وليد
يدخل وليد ويبوس راس اممه وابوه: باركولي
ام نايف: الف مبروك بس ع ايش
وليد: ولدك يمه انقبل ب امن المنشآت ورايح الدوره بعد اسبوع
ابو نايف: الفف مبروكك وجعله فاتحة خير عليك
ام نايف: وين ؟
وليد: الشرقيه
تنهار ام نايف وتبكي ع طول: مو قلتلك وظيفه خارج الرياض مافي
وليد: وش فيك يمه عاد اللي يسمعك يقول الشرقيه بأخر الدنيا
ديم : يمه مو تبونه يتوظف وتزوجونه خلاص جاته الوظيفه
ام نايف: ديم اسكتي اخوك بيروح يتغرب وانتي تأيدينه
ابو نايف: علامك انتي خليه يتوظف ويشوف حياته
ام نايف تبكي : يعني بتكسر كلمتي وتروح؟
وليد: يايمه والله اني ماابي تقولين كذا بذمتك كم صارلي انتظر الوظيفه؟
ام نايف: تخصصك مطلوب في الشركات ليه تبي تصير شرطي ولا عسكري
وليد: هذي رغبتي يمه وانا موب لحالي معاي طلال
ام نايف: ماوداك الشرقيه الا طلال
وليد: رزقنا وجانا يمه وماابي شي الا رضاك ودعواتك
ابو نايف: لاتنكدين عليه وهو مبسوط وجاي يبشرك
ينزل انس من فوق : سمعت ان فيه خبر حلو وش هو ؟
وليد: تعال احكم جاتني وظيفه وامي ماتبيني اروح وش رايك
انس : يمه والله ان كل شي مكتوب هذا رزقه ووين مايجي لازم يروح
ديم : يمكن لو ماراح هالوظيفه ماعاد تجيه فرصه بعد
ام نايف تبكي وتروح غرفتها
ابو نايف : ماعليك بترضى الا متى بتروحون الشرقيه انت وطلال؟
وليد: والله بعد يومين ثلاث
ديم: يعني مابتحضرون عرس سيف
وليد: ببارك له قبل نمشي واكيد اننا معذورين
انس: الف مبروك يااخوي والله اني فرحت لك
ديم: شوفه توظف مو زيك فالح تنقل علوم بس (لأن تخصصه اعلام)
انس: انطمي عالاقل التخصص مطلوب هالايام
ديم: ايه ايه قابلني لو توظفت 
وليد: يللا انا بطلع يبه وحاول تقنع امي
ابو نايف: حافظك الرحمن لاتشيل همها
يطلع وليد ويجون نايف ودانه
نايف ماسك يد دانه : ع هونك لاتمشين بسرعه
ابو نايف: بسم الله وش فيك يادانه
دانه: مافيني شي ياعمي وتطالع نايف بتقول لهم انت؟
انس طلع يجيب ياسمين لان دانه جات
ديم: تعالي اجلسي وش قال لكم الدكتور ؟
نايف : روحي نادي امي وتعالي
ديم: وش فيه؟
نايف: ناديها وتعرفين
ام نايف جات : هذاني جيت
ديم: وجات امي وش فيه ؟
ياسمين : دانه وش قالوا لك ؟
نايف يضحك : يمه انتي وابوي بيصير عندكم احفاد
ام نايف تحضن دانه: الف مبروك والله يتمم حملك ع خير
ابو نايف: الف مبروك يابنتي وجعله يجي صحيح معافى
ديم : اخيرا بصير عمه يابعد عمري هو وبيناديني عمتي
دانه تضحك: ايه واحلى عمه بعد
ياسمين تحضن دانه : الف الف مبروك ياروحي وبصير خاله لهالصغنون
انس: الف مبروك والله يعينك
ام نايف تطالع انس وياسمين: عقبالكم ويصير البيت كله احفادي
انس : اممين يمه وبتصير ياسمين افضل ام
ياسمين تبتسم: امين ياخالتي
نايف: دانه تعبانه اوديك الغرفه قبل ارجع دوامي؟
دانه: تعبتك طلعتك من دوامك لو خليتني اكلم احد من اخواني
نايف: لاتعبتيني ولا شي بعدين انتي زوجتي واللي ببطنك ولدي يعني ملزوم فيكم
دانه: يابعد عمري الله لايحرمني منك
نايف يسندها ويطلعها الغرفه
ديم : ياعمري يادانه بتصير احلى ام
....................
عند ابو رامي
يدق جوال ام رامي
ياسمين: هلا يمه كيفك ؟ عندي لك بشاره ماقدرت اصبر
ام رامي: الحمدلله اليوم يوم البشارات وش صاير؟
ياسمين: ليه وش صار بعد ؟
ام رامي: طلال انقبل ببوظيفه الحمدلله بس انه بالشرقيه دورته
ياسمين: ياعمري ياطلال سنين وهو يدور وظيفه الحمدلله وترى الشرقيه قريبه
ام رامي: طيب وش بشارتك قولي لي
ياسمين: بتصيرين جده يمه دانه اليوم تعبت ولما راحت المستشفى طلعت حامل
ام رامي: ياجعله الف مبروك فرحتيني ووينها الحين وكيف حالها
ياسمين: الحمدلله بخير وانتظر نايف يطلع واروح لها غرفتها
ام رامي: الله يسعدها ويتمم حملها وتقوم بالسلامه
ابو رامي : وش فيك تضحكين وانتي قبل شوي تبكين
ام رامي: بنتك دانه حامل وبتصير جد
ابو رامي: الحمدلله وكيفها الحين
ام رامي: ياسمين كلمتني باقي شوي واكلمها اتطممن عليها
سيف جاي من دوامه: هلا يمه ويبوس راسها وراس ابو رامي
ام رامي : هلا فيك يانور عيوني تعال اجلس فيه بشارتين
سيف يجلس : الحمدلله وش هي فرحينا
ام رامي: اول بشاره رح تصير خال اختك دانه حامل والثانيه طلال جاته وظيفه
سيف: الله يبشرك يمه بكل خير والله اني فرحت لدانه ولطلال وطلال وين انقبل وفي ايش؟
ام رامي: في امن المنشات بس بيروح الشرقيه ويتركنا
سيف: ماعليك يمه مو بزر وتذكرين دورتي وين كانت ؟ بالافلاج والحمدلله هذاني رجعت وصرت اداوم وارجع عندك
ام رامي: ايه والله الحمدلله والله يكتب لطلال اللي فيه الخير
سيف يطالع ابو رامي: الف مبروك ياعمي بتصير جد وطلال بيتوظف
ابو رامي : الله يبارك فيك ياولدي وعقبال نشوف عيالك
سيف: اللهم امين
يدخل طلال : هلا بسيف توني كنت بتصل عليك
سيف: سمعت انك بتروح الشرقيه الف مبروك الله ييسر لك دربك
طلال : ايه والله وبروح بعد يومين بس الشي اللي محزني اني مابحضر زواجك
سيف: ماهيب بمشكله اهم شي مستقبلك ووظيفتك ماعليك معذور
طلال: الله يخليك ويبقيك انا ووليد انقبلنا سوا
سيف: الحمدلله يعني ماعاد فيه عطاله
طلال يضحك : ايه وارتاح من محاضرات كل يوم متى تتوظف
..........................
عند ابو زهر
ام زهر والبنات رجعوا من السوق
شهد تبكي ومزاجها مقلوب
ام زهر: وين شهد ؟
ابو زهر: سوت لي شاهي وراحت غرفتها وماعاد شفتها
ام زهر: ليكون تعبانه
يارا : انا بطلع اشوفها يمه
زهر : طولنا عليك يبه ؟
ابو زهر: لا والله اهم شي اخذتوا كل شي تبونه
ليان: ايه يبه ودلوعتك ماارتاحت لين لفت كل الاسواق (تقصد يارا)
ابو زهر يضحك : خلوها تاخذ اللي تبي
ام زهر: تبي شي تاكله ؟
ابو زهر: لا والله الحين مابي شي بس ترى طلال ولد اختك جاني وسأل عنك
ام زهر: يابعد عمري وش كان يبي؟
ابو زهر: كان يبي يبشرك انه توظف
ام زهر: الله يوفقه ويسعده والله اني انبسطت له دايم امه تشكي ان فايز يهاوشه كل يوم
ابو زهر: الله يهديه فايز يحسب الدنيا مثل اول
ليان وزهر طلعوا غرفهم يشوفون اللي اشتروه
يارا تدق الباب ع شهد: شهوده وتشوفها تبكي وتروح لها بسرعه وش فيك؟
شهد تبكي وماقالت شي
يارا: وش فيك لاتخوفيني عليك
شهد: طلال بيتركني
يارا: وي بسم الله ليه وكيف ومتى شفتيه
شهد: بعد مارحتوا للسوق جاء يبشرني انه انقبل بوظيفه
يارا: الله يهديك طيحتي قلبي افكر شي ثاني صار طيب وش فيها لو توظف
شهد : بيغيب ٣ شهور مابشوفه بيروح الشرقيه
يارا تحضن شهد: ماتوقعت انك تعلقتي لهالدرجه
شهد: احبه يارا ماابيه يروح بس مابيدي شي
يارا: طيب وش قال لك؟
شهد: قال بيرجع بعد ال ٣ شهور وبيخطبني من ابوي
يارا تضحك: اوه طلع صادق هالمطفوق حقك ذا مو قال لك مابيخطبك لين يتوظف ويعتمد ع نفسه
شهد تضرب يارا: ايه صادق ومايكذب بس ماابيه يتوظف اذا بيغيب عني كذا
يارا: تحملي ٣ شهور وبتعيشين بعدين معه العمر كله
شهد تضحك: ايه وبناشبه ومابخليه يتركني ابدا
يارا: ايه كذا خليك وتعالي شوفي وش اخذنا وترى امي تسأل عنك
.......................
بيت ابو نايف
دانه تكلم امها
نايف توه جاي من الدوام
انس وياسمين في المطبخ عاد ياسمين تتفنن لأنس بالاكل
ام نايف وديم بالصاله
وليد بغرفته ماعاد يطلع الا اذا يبي شي ضروري
ابو نايف بغرفته نايم
نايف: وليد صاحي؟
وليد: ايه تعال
نايف: الف مبروك امي قالت لي انك انت وطلال بتتوظفون
وليد: الله يبارك فيه وبعد بكره ان شاء الله محركين عالشرقيه
نايف: الله يحفظكم وترى الدوره مافيه تستخدم جوالك يعني بتختفي ٣ شهور بس كل مالقيت فرصه طمن امي لانها زعلانه ماتبيك تروح الشرقيه
وليد: امي ماابيها تزعل بس هذا المكتوب
نايف: ماعليك بترضى قد سوت فيني كذا والحمدلله
يدق جوال وليد"طلال"
طلال: اطلع خلنا نحلل اخر ايام العطاله ونروح الملعب
وليد يضحك: طيب يللا جاي ياميسي
*****************