جيتي مثل ربيع ازهر بقلب السيف بُستان

البارت الاخخخخير

انتهت صلاة الجمعه وطلعوا عائلة ابو رامي بسياره وعائلة ابو نايف بسياره وعائلة ابو زهر بسياره ومشوا للمزرعه
شبوا النار وسووا الغداء وجا وقت الجلوس والسوالف
كانوا الحريم مسوين جمعتهم ومبسوطين وشهد في يدها فهد وتسوي الشاهي
والرجال بعيد عنهم شوي ويشوفها طلال ويجي من وراها " ببوووو"
شهد خاففت وفهد بيدها: خوفتتني يامطفوق وتضرب راسه
طلال يضحك: عطيني فهد ويهمسس لها اشتتقت لك واشتقت للشاهي
شهد تضحك: ياحبيبي يامطفوقي وانا بعد اشتقتلك انا وفهودي بعد
طلال ياخذ فهد من يدها ويبوسه: ياحبيبي انت اشتقت لابوك هاه
شهد تبتسم : يخليك لنا حبيبي
طلال يقرب منها : ويخليك لي ياحبيبتي
شهد تضحك : خذ الشاهي وروح وعطني فهد
طلال : باخذه معي خليه يتقهوى مع الرجاجيل
شهد تضحك: ايه وفهودي رجال بس انتبه له
طلال : بس؟
شهد : وانتبه لك ياحبيبي
ويروح طلال ومعاه فهد والشاهي
وينط وليد : هلا هلا ب الشيخ فهد بن طلال وياخذه من يد طلال
انس : عطني الشيخ وياخذه والله كأنه طلال صغير ويضحك
ابو رامي: عز الله فلح دام طلع لأبوه
سيف: والله ان طلال كفو ورجال وزين ان ولده بيطلع مثله
طلال يضرب ظهر سيف: محد يوقف معي الا عضيدي ابو جياد وجيان
رامي: افا وعضيدك الثاني ماتبيه
طلال يضحك: ايه انت دايم توقف مع ابوي بس والله انك عضيدي بعد
نايف يضحك: والله انكم كلكم عزوه وينشدّ فيكم الظهر الله لايحرمنا هالجمعه
ابو نايف : انشههد وانت صادق
ابو زهر : وش رايكم كل شهر نسوي هالجمعه ؟
عبدالعزيز: والله رايي من راي عمي
سيف: وانا بعد ماعندي مشكله
طلال : نبي المره الجايه تجيب خيلك ياعزوز ويضحك
عبدالعزيز يضحك : اييه وتسابقني بعدين
وليد : عاد مايقدر يسبق خيال
طلال : وانا ابو فهد دايم سبّاق ويضحك
.................
عند الحريم يسمعون صوت الرجال
يارا : عاد المطفوق حقك يبي يسبق عبدالعزيز
شهد: ايه طلولي مافيه شي صعب عليه
يارا تضحك: تذكرين اول ماشفتيه وقعدتي تقولين وش فيه ذا
شهد: والله انها كانت احلى ايامي اني عرفت طلال
ليان: ايه وكانت ذي بيت اسرارك ( وتأشر ع يارا)
ام رامي : وين فهد ؟
شهد: اخذه طلال يقول يقعد من الرجاجيل
ياسمين تضحك: الله يعينك ع تربية طلال للولد بيخليه نسخه منه
شهد تضحك: وبيصير مجنون مثله
دانه تضحك : الله يخليه لكم
شهد : اميين ويخلي لك هالزين كله
دانه: صاير ملقوف بزياده
ام نايف تضحك : عطيني اياه هالملقوف
زهر تكلم سيف: لا بخير والله وماتعبوا الحمدلله بس جيان نايمه وجياد مع خالتي
سيف: وانتي حبيبتي تعبتي ؟ تبين اجي اخذه عنك؟
زهر: لا حبيبي والله ماتعبت وتنقص صوتها احببك ياسيف
سيف يبتسم : وانا بعد احبك
.................
طلال : هاه لاتتحداني ياانس تراني لعيب كوره واتحداك تهزمني
انس : ايه نشوف ياميسي
وليد يضحك: لاتتحداه ياانس تراه منجد لعيب
طلال : ايه علم اخوك مستهين بلعبي
سيف: وانت ماتبت من هالكوره
طلال: لا والله بس كانت عندي اوامر عليا ماالعب
رامي يضحك : لاتشوفك ام فهد وتنام اليوم بالصاله
طلال : اسكت لاتدري ويضححك
انس بصوت عاليي : يااام فههد
طلال يمسك ع فمه : اسككت لاا اخليك ترجع بدون ياسمين وورد
انس يضحك : عرفت كيف تهددني
وليد : يللا يللا نبدا
سيف يرفع ثوبه : ويرمي الكوره لطلال
ويبدا لعبهم رامي وسيف وعبدالعزيز فريق وطلال ووليد وانس فريق
ابو نايف بصوت عالي الله لايفرقكم وتكبر عائلة ال ضاري اكثر ويوقف عبدالعزيز ويطالع سيف ويضضحك واحنا ياعمي
ابو نايف يضحك : وعائلة ال جاسر الله يكثركم ولا يفرقكم
سيف وعبدالعزيز بصوت واحد: اممميين
طلال : يللا بتكملون لعب ولا بنقعد نذكر العائلات
وليد يضحك: وش تبي انت خلاص بيكملون لعب
خلصوا لعب وجاب عبدالعزيز العود يعزف
عبدالعزيز : اي اغنيه تبون
وليد ينط : ابي اغنية " من بعد مزح ولعب "
عبدالعزيز : ابشر وانت وطلال غنوا
ويبدأ يدق العود للأغنية
طلال ووليد بااصواتهم الحلوه وبصوت عالي " من بعد مزح ولعب اهو صار حبك صحيح اصبحت مغرم عيون وامسيت وقلبي طريح اخجل اذا جات عيني صدفة في عينك واصير مربوك وحاير في امري من فرحي ابغى اطير "
طلال يعلي صوته اكثر عشان شهد تسمعه " توحشني وانت بجنبي واشتاق لك لو تغيب واحسد عليك حتى نفسسي واخشى يمسك غريب "
يقوم سيف ويسوي شي اول مره يسويه ويغني والكل استغرب انه صوته حلو وفيه بحه بعد وبصوت عالي يالزهر هذا لك " وانا الذي كنت اهررج والكل حوللي سككوت صرت اتلام واسكت واحسب حساب كل صوت والله يااحلى عمري في عيوني مالك مثيل تساوي الروح وتغلى وتكون عنها بديل "
...........
زههر بككت : وش تسوي ياسيف انا اللي روحي تفداك ولا تغلى عليك
ام زهر: يابعد روححي الله يخليكم لبعض
ام رامي: يخليكم لبعض ياحبايب قلبي وتطالع الباقي ويخليكم لبعضكم وتدوم فرحتكم
شهد: اممميين واناشب طلال لين يشيب
يارا وليان وديم وياسمين ودانه بصوت واحد : امييييين