جيتي مثل ربيع ازهر بقلب السيف بُستان

البارت التاسع والثلاثين

عند ديم ورامي
ديم لها ٦ شهور بالحمل
رامي: ديم ارفعي راسك ويشربها مويه
ديم: تعبتك معي بس ماقدرت اكل شي كل مااكل استفرغ
رامي : اشش لاتقولين كذا لا تعب ولا شي اعتذرت من دوام اليوم
ديم تمسك يده : الله لايحرمني منك حبيبي وتسند راسها ع كتفه
رامي: بس اذا مااكلتي بزعل منك
ديم: لا ماعليك باكل بس خلني الحين كذا ابي انام ع كتف حبيبي
رامي يمسح ع شعرها : الله يهون عليك حبيبتي
................
عند انس بالمستشفى
ياسمين ولدت وجابت بنوته حلوه
انس يركض يبي يشوف ياسمين
الممرضه : ماتقدر تشوفها الا بوقت الزياره تقدر تكلمها بالجوال
انس : انا ابي اشوفها مارح اتطمن لين اشوفها بعيوني انها بخير
ام رامي : انا بدخل واتطمن عليها واطمنك عشانه قسم حريم ممنوع تدخل الا بوقت الزياره
انس يتنهد : يارب تحميها
ياسمين تعبانه ولها ٥ ساعات من لما ولدت ونايمه
ام رامي تحط يدها ع راسها وتففز ياسمين
ياسمين: يممه وتبكي وتحضنها بقوه
ام رامي : الحمدلله ع سلامتك ياحبيبتي
ياسمين : الله يسلم عمرك يمه يعني تعبتي علينا كذا ؟
ام رامي تضحك: ايه وتتلفت وين بنتك
ياسمين: اخذتها الممرضه للحضانه
ام رامي : وقررتي وش تسمينها؟
ياسمين: ايه يمه بسميها ورد
ام رامي: اكيد بتطلع ورد اسم ع مسمى مثل امها
ياسمين : يمه اخواني يدرون ؟
ام رامي: لا بس دانه تدري وانا حلفت عليها ماتترك سعود وتجي
ياسمين : انا برسل لهم بس وين انس؟
ام رامي: المسكين ينتظر برا من امس مارجع البيت وماخلوه يدخل كلميه طمنيه عنك
ياسمين : يللا الحين اكلمه
انس جالس وحاط يدينه ع راسه ويدق جواله
انس: هلا بعمري هلا بقلبي الحمدلله ع سلامتك كيفك الحين
ياسمين : الله يسلمك ياابو ورد الحمدلله بخير
انس يضحك: ابو ورد؟ يعني خلاص اقتنعتي بالاسم ؟
ياسمين : ايه حتى مادورت اسم لما عرفت انها بنت قلت خلاص اسمها ورد
انس : مبروك علينا ورد ياحبيبة عمري
ياسمين: امي تقول انك من امس هنا ارجع حبيبي البيت وطمن خالتي وعمي وارتاح
انس: لا لا مابرجع مابتطمن لين اشوفك
ياسمين: طيب شفت بنتنا ؟
انس: اييه وردتنا شفتها الحمدلله انك قمتي بالسلامه وجبتي لنا احلى ورد
..........................
سيف يرجع من دوامه ويدور ع زهر يلاقيها نايمه بالصاله
سيف يحط يده ع جبهتها يشوف حرارتها
زهر تفتح عيونها: هلا حبيبي جيت
سيف : اييه رجعت ياعمري وامي بشرتني ياسمين ولدت وجابت بنت
زهر تتألم: الحمدلله ع سلامتها
سيف: زهر تتألمين ؟ لاتخبين علي
زهر زاد عليها الالم وتمسك يد سيف بقوه لدرجة علمت اظافرها بيده
سيف بيموت من القلق: يللا ع المستشفى بسسرعه
زهر تبككي وماتكلمت سيف جاب عبايتها وشالها : قلت لك اذا حسيتي بوجع كلميني ليه كابرتي
زهر تمسسك فيه بقوه وتبكي من الالم
سيف قلبه تقطع عليها حطها بالسياره وعلى طول المستشفى ويكلم خالته وامه ان زهر تعبانه
...........
عند ام زهر
ابو زهر: وقت ولادتها ؟
ام زهر: توها ببداية التاسع بس يمكن انها ولاده وتنادي يارا
يارا: هلا يمه وش فيك تبكين؟
ام زهر : اختك بتولد البسي ويللا ع المستشفى نلحقها
يارا : يللا بجيب عبايتي ونطلع
ابو زهر: طمنوني بعدين
ام زهر تبكي وتدعي لها
..................
وصل سيف وزهر المستشفى
زهر تمسك يد سيف : لو صار لي شي عيالي امانتك ياسيف
سيف خايف عليها: اشش لاتقولين كذا رح تقومين انتي وهم بالسلامه
زهر تبكي وتتألم وسيف مافك يدها
الممرضه: يااخوي ممنوع تدخل
سيف: بس زوجتي ...
الممرضه: الله يقومها بالسلامه وتقفل الباب
سيف يغمض عيونه ويدعي لها : يارب تقومها بالسلامه يارب لاتحرمني منها
تجي ام رامي : سيف يمه وش قالوا ؟
سيف : هلا يمه لسى توهم دخلوها بس يمه واضح عليك التعب امانه خليني ارجعك البيت ترتاحين
ام رامي: لا مابخلي زهر وحدها
سيف: انا برجع لها يمه بوديك وارجع وخالتي بعد كلمتها
ام زهر جايه: سيفف طمنني
سيف يبوس راسها: الحمدلله بس لسى ماقالو لي شي
ام زهر: هلا حليمه وتسلم عليها وجهك تعبان
ام رامي: ايه من امس كنت مع ياسمين والحمدلله ابشرك ولدت اليوم الصبح وجابت بنت
ام زهر تحضنها: الف الحمدلله ع سلامتها وكيفها ووش سمتها
ام رامي: الله يسلمك سمتها ورد
يارا جات : هلا خالتي كيفك وتطالع امها وش قالو عن زهر؟
ام زهر: للحين ماقالوا شي
يارا: الله يقومها بالسلامه
سيف: يمه خليني اوديك ترتاحين ولما تولد زهر اجيبك
ام زهر: ايه روحي البيت وارتاحي واضح عليك التعب
ام رامي : طيب بس طمنوني ع زهر
ام زهر: ابشري
سيف: خالتي بودي امي البيت وارجع لكم
ام زهر: طيب حبيبي الله يحفظك
...............
بيت ابو نايف
ام نايف: الحمدلله كلمني انس ياسمين قامت بالسلامه وجابت بنت
ابو نايف: الحمدلله اني شفت احفادي قبل اموت
ام نايف: لك طولة العمر ان شاء الله
يجي نايف وبيده سعود : هاه سمعت ان عروستي جات بالسلامه
ام نايف تضحك: جيبه جيبه وتكلمه بصوت صغير " اييه ياسعود جاتك ورد بنت عمك عروستك"
ابو نايف: وبنت خالته بعد ويضحك
دانه جات وتسلم ع عمها وخالتها
ام نايف: سعود يقولك مايبي الا ورد عروسته
دانه تضحك: ايه من الحين بنجمع مهره
................
عند ابو رامي
ام رامي تدخل البيت وسيف رجع المستشفى
ابو رامي: هاه طمنيني عن ياسمين
ام رامي: الحمدلله بخير وبنوتتها بخير
ابو رامي: الحمدلله وصرت جد للمره الثانيه
ام رامي : وبتصير جد للمره الثالثه زهر احتمال تولد اليوم او بكره
ابو رامي : الحمدلله ع نعمه
ام رامي: تبي شي ؟ بروح الغرفه ارتاح
ابو رامي: لا مابي شي بتفرج ع التلفزيون
.................
بالمستشفى عند زهر وسيف
سيف نسى جواله بالسياره وجالس بالانتظار ويدعي ويدعي يدعي ويتذكر لما وصته ويحاول ينسى يارب تقومها لي بالسلامه
ام زهر تبكي وجالسه
يارا : يمه لاتبكين ادعي لها
ام زهر تمسح دموعها : يارا بيمديك تروحين تتطمنين ع ابوك؟ مايرد علي
يارا : ايه يمه تبين اجيب شي معي وانا راجعه ؟
ام زهر: لا بس انتبهي لنفسك
يارا تطلع من المستشفى وتركب سيارتها وتمشي
...................
عند رامي وديم
ديم : اليوم صرت انت خال وانا صرت عمه للمره الثانيه
رامي: عقبال تصيرين ام وتقومين لي بالسلامه
ديم تبوسه: وتصير انت احلى ابب ياحبيبي
رامي: وش تبين طيب تاكلين ؟
ديم: بس مشتهيه شاهي حليب
رامي : من عيوني دقايق واجيبه لك
ديم : يابعد عمري الحمدلله عليك
رامي بصوت عالي: تبين احط سكر؟
ديم تضحك : لا حط اصبعك
رامي : ديم ترى احط اصبعي منجد
ديم : لا تكفى حبيبي يدك طعمها معقم من المستشفى
رامي يضحك: هين ياديم بس عشانك حامل بمشيها لك
................
عند شهد وليان
شهد تكلم يارا اتصال: ايه ووش صار ولدت ولا لسى
يارا: لا والله لسى لها ٣ ساعات وماقالو لنا شي عنها
شهد : الله يهون عليها حبيبتي هي
يارا: ايه ونسيت اقولك ياسمين جابت بنت سمتها ورد
شهد : يابعد عممري وبتصير ورد ع ورد
يارا تضحك: وانتي وش بتسمين ؟
شهد: لسى ماقررت وش اسمي ولدي
يارا: ليان عندك؟ سلمييلي عليها مو ناوين تجون؟
شهد: الا ان شاء الله هالاسبوع
يارا : توصلون بالسلامه حبيبتي
....................
عند بيت ابو رامي
عبدالعزيز واقف بسيارته عند باب بيت ابو رامي وماسك جواله يتصل ع سيف بس مايرد
ويطلع من السياره ويدق الباب محد يرد
يارا توها واصله ووقفت عند الباب وماانتبهت للسياره اللي عند بيت عمها وبتنزل من السياره
عبدالعزيز يشوفها ويبتسم كأنه شاف شي يسعده
يارا طفت السياره وواقفه تدور مفتاح البيت
عبدالعزيز : لو سمحتي
يارا تسمع صوته وتخاف وتطيح المفاتيح من يدها
عبدالعزيز فززز بيعطيها المفتاح اللي طيحته وهي نزلت راسها تدور بس عبدالعزيز مسك يدها بالغلط
يارا تسحب يدها بسرعه: وش تحسب نفسك انت عشان تمسك يدي
عبدالعزيز توتر لان فعلا كان بالغلط: والله بالغلط كنت ابي اعطيك المفتاح بس مسكتيه قبلي
يارا: وانت وش دخلك تعطيني وبعدين وش جايبك عند بيتي ؟
عبدالعزيز تلعثم ماعاد عرف يتكلم
يارا تطالعه بعيونها الحلوه وبإستهزاء : ولا تبي ولد عمك اليوم بعد ؟
عبدالعزيز رجع للواقع : اييه ابي ولد عمي وشوفي سيارتي عند بيته
يارا : طيب وليه جاي عندي يعني؟
عبدالعزيز يبتسم ويقول بينه وبين نفسه وش هالزين
يارا: انا وش الله بلاني فيك اقولك وش تبي جاي عندي وتبتسم ؟ وش مناسبة الابتسامه بهالموقف
عبدالعزيز صار له فوق ال ٦ شهور ماتخطاها : سببها انتي ويضحك ويروح
يارا : وش فيه ذا وش اللي سببها انتي هو ناقصني مجانين وتفتح وتدخل البيت
عبدالعزيز يوقف عند سيارته ويتنهد : يعني بعد هالشهور واشوفك ويجي نفس الاحساس انا شكلي وقعت ومحد سمى علي ويطلع سيارته ويمشي
يارا : بسببه انقلب مزاجي اوفف وتدخل عند ابوها
ابو زهر: هلا بنتي طمنيني عن زهر
يارا: جيت اتطمن عليك زهر لسى ماقالوا شي
ابو زهر: مافييني شي يابنتي اخذت دواي وبعد شوي بنام
يارا : طيب تبي اسوي لك شي قبل ارجع عند امي ؟
ابو زهر : لا والله بس طمنوني ع زهر
يارا تبوس راس ابوها : اتصل علي لو صار شي
ابو زهر: انتبهي لنفسك
**********************
انتهى البارت 😔