جيتي مثل ربيع ازهر بقلب السيف بُستان

البارت الثالث عشر

ام رامي : ولددي بيرووح انا قلت له قلبي ماهو متطمن
ياسمين ودانه يمسكونها
دانه تبكي: يمه لاتقولين كذا هو بس جاته اصابه مارح يصير له شي
زهر لسى مغمى عليها ويحاولون شهد وليان يصحونها
ام رامي : دقيي ع اخوانك يجوون يوصلوني له ابي اشوفه
تدق دانه ع طلال ويقولها انه هو ورامي رايحين له المستشفى بيشوفون وش الوضع
ام زهر : يارا يللا شغلي سيارتك وتعالي بنلحقهم ويطلعون ومعهم ام رامي وياسمين ودانه
ام نايف : انا بلحقكم مع وليد وتطالع ديم يللا تعالي
زهر فاقده الوعي بس تنادي السيف : لاتروح وتتركني
ليان تعرف حب زهر لسيف
شهد تطالع ليان : كنتي تعرفين ؟
ليان : مو وقتك الحين بعدين اقولك
زهر تبكي وهي مغمضه : ودوني عند السيف ابي اشوفه
ليان ترش مويه ع وجه زهر تبيها تصحى
زهر تصحى ومافي ع لسانها الا سيف وتحضن ليان : بيروح ويتركني ياليان بيتركني وهو مايعرف شكثر احببه
ليان: خلاص زهر اسكتي بتفضحين نفسك هو بس متصاوب ولسى ماندري عن شي
زهر تبكيي : انا قلت لك كنت حاسه بيصير له شيي ابيي اروح له الحييين وتقوم
ليان تمسكها : مافيي روحه وانتي كذا اذا هديتي نروحح ونلحق امي
شهد تجيب المويه: اششربي واههدي وانا بكلم يارا اذا وصلت امي وخالتي ترجع لنا
زهر تمسك الكوب ويطيح من يدها ترجف من خوفها ع سيف
شهد : خلييه بجيب لك غيره
زهر تبككي ومافي ع لسانها الا سيف
.....
عند نايف وصل المستشفى اول واحد
نايف يقابل تركي : انت ماقلت لي ليه تعرف ان سيف مثل اخووي واكثر
تركي: والله انه قالي امانه مااقول لأي احد من اهله
نايف: طيب وينه فيه الحين
ويروحوون لغرفة سيف
سيف يتألم ويقوم لما شاف نايف: هلا بالنايف ويطالع تركي ويضحك ماقدرت ماتقول يعني
نايف: انا ضغطت عليه وش تحسب ماعندك احد بيسأل عنك لو غبت يومين ؟
سيف يضحك ويتألم : الله يبقيك وامي ليكون قلتوا لها ؟
نايف: قلت لوليد بالغلط وراح ينشر الخبر توهم مكلميني وجايين
سيف : ليه ماقلت لهم لايجون مابي امي تشوفني كذا اعرفها بتتعب
نايف : والله غصب عني والمسكينه من امس قلقانه عليك ماترد
(يدق جوال نايف)
نايف : هلا خالتي ايه اول غرفة ع يدك اليمين رقم الغرفه 12
تدخل ام رامي وتركض لسيف وتحضنه بقوه : ياروح امك انت ويااقلبها طمني وش قال الدكتور وليه ماكلمتني ليه ماقلت لي
نايف يطلع ويدخلون ام زهر ودانه وياسمين
يارا نزلتهم ورجعت للبيت
ابو رامي وابو نايف وطلال ورامي وانس واقفين بالسيب ينتظرون يطلعون الحريم ويشوفونه
سيف : يمه والله ان مافيني الا العافيه اصابه بسيطه وبكره بطلع
ام رامي تبكي: لييه ماقلت لي تعرف ان قلبي مشغول عليك
سيف : عرفت انك بتبكين وتسوين بنفسك كذا
ام رامي : الحمدلله ربي حماك
ام زهر: الف الحمدلله ع السلامه والله ان متنا خوف عليك
سيف: بعيد الشر عنك ياخاله والله يسلمك
دانه وياسمين يبكون
سيف : لاتبكون شوفوا مافيني الا العافيه
يدق طلال الباب ويدخل هو ورامي
طلال بصوت عالي : خطاك السوء ياعين اخوك
رامي : الحمدلله ع السلامه كيف تحس الحين ووش قالك الدكتور ؟
طلال: لازم اسألة الدكاتره ذي وخر ويبوس راس سيف الله يخليك لنا
سيف : الله لايخليني منكم والله ان ماودي انكم تعبتوا انفسكم مافيني الا العافيه
رامي : يمه ابوي وعماني يبون يدخلون عادي تطلعون شوي
ويطلعون ويدخلون ابو رامي واخوانه
ابو رامي : الف لا باس عليك
ابو زهر : خطاك السوء وجعله اجر لك
ابو نايف : الحمدلله ع سلامتك ياولدي والله ان نايف ماقال لنا
سيف: الله يسلمكم والله ماودي انكم تعبتوا انفسكم وجيتوا
ابو زهر: انت مو قليل عندنا والله اول مادرينا جينا عندك
ابو رامي: وش قالك الدكتور ؟ الاصابه خطيره ؟
سيف : لا والله بس اصابه بسيطه بالكتف
انس: الحمدلله ع سلامتك يااخوي
سيف : الله يسلمك ويبقيك
نايف: يبه انا مادريت الا قبلكم بدقايق وليد ماقصر نشر الخبر
يجي وليد وام نايف وديم
ام نايف : طمنيني كيفه وش قالوا له ؟
ام رامي : الحمدلله وضعه تمام قالوا عنده اصابه بسيطه بالكتف
وليد يدخل عند سيف : الف لاباس عليك يااخوي عساك بخير الحين
سيف : بخير الحمدلله
..........
عند زهر
زهر لسى تبكي بقوه كأن ميت لها احد
تدخل يارا: يللا تبون نروح ؟
زهر من كثر ماتفكر بسيف كانت بتطلع بدون عبايه
ليان : زههر انتظري وش فيك انتي طار عقلك وتلبسها عبايتها
زهر تببكي: ايه طار عقلي مارح ارتاح لين اشوف سيف واتطمن عليه
يارا : امي ارسلت لي بترجع مع خالتي رامي بيرجعهم
زهر: بس انا ابي اتطمن الحيين نروح
يارا : طيبب بس امي وش ارد عليها؟؟
ليان : خخلاص خذي شهد وروحوا انا بنتظر امي واذا جات بقولها انكم لحقتوهم من زمان
شهد : طيب ليه ماتروحين انتي وانا اقعد ؟
ليان : نعرفك يالفضيحه بتفضحيننا بس انتبهي لزهر لاتنهار او يصير لها شي
شهد : طيب يللا بنروح
زهر طول الطريق تبكي
يارا تطالع شهد : وش السالفه ؟
شهد : مدري بس مو واضح لك شي ؟
زهر : يارا بعيد المستشفى ولا قريب ؟
يارا : مو مره بعيد
زهر : تكفين استعجلي
.........
عند سيف
طلال : انا بقعد معه انتوا روحوا وبكره ان شاء الله بيطلع
سيف : ايه حتى انت ياطلال روح مايحتاج
طلال : موب كيفك جالس معك غصب عنك
سيف يتألم : اللي تشوفه
نايف : تبي شي محتاج شي قبل امشي ؟
سيف : لا والله مابي الا سلامتك
وليد يكلم طلال: تبي اجلس معكم ؟
طلال : لا والله ارجعوا وارتاحوا
نايف ووليد : يللا فمان الله والله يقومك بالسلامه ويطلعون
ويبقى بس سيف وطلال
سيف يتألم كل ماتحرك
طلال : بروح اسأل الدكتور او الممرضه اذا بيعطونك مسكن الحين
سيف يغمض عيونه من كثر مايتألم (طبعه يكابر تحمل الالم لين راحوا )
يارا وزهر وشهد وصلوا المستشفى
يارا : سمعت امي تقول بغرفة رقم 12 اول ماتدخلين ع اليمين
شهد : انا بنزل معها وانتي انتظرينا مابنطول
زهر ماقالت كلمه تبكي وبس
ويدخلون وزهر ع طول راحت لغرفة سيف
زهر : انتظريني هنا
شهد : طيب لاتطولين
زهر تفتح الباب بشويش وتشوف سيف متسطح وحاطين له شاش ع كتفه مكان اصابة الرصاص وتبكي وتقرب منه
زهر وهي تبكي : ليتها فيني ولا فيك يابعد روحي
سيف يسمعها بس مافتح عيونه توتر
زهر : خفت عليك يانور عيوني انا من بعدك مااعيش انت لو تبي صحتي وعافيتي تفداك بس لايجيك شي ياعيون زهر
يجي طلال ماشي ومنزل راسه وبيجي يدخل غرفة سيف الا ويشوف شهد اللي اخذت قلبه
طلال والابتسامة شاقه وجهه : انا يتهيأ لي ولا حقيقه ؟ انتي شهد بنت خالتي حصه صح ؟
شهد توترت اكثر : ايه وانت طلال
طلال فرح اكثر من اي وقت انها تعرفه وتعرف اسمه : ايه انا طلال يازين اسمي لما نطقتيه
شهد تقول ببالها وش فيه ذا : الحمدلله ع سلامة اخوك وجعلها اخر الاوجاع (تبي تلهيه عشان مايدخل)
طلال مبتسمم : الله يسلم عيونك
شهد : جيت ورا امي وابوي بس ماعاد لقيناهم
طلال : جيتي لحالك ؟
شهد : لا اخواتي معي
طلال حس مارح يلاقي فرصه ثانيه : طيب تبين تشربين شي ؟ اجيبلك قهوه ؟
شهد : لا لا سلامتك
طلال صافن ويطالعها ماشال عيونه عنها
شهد توترت اكثر وحست الجو حار : خالتي والبنات رجعوا البيت؟
طلال : ايه رجعوا وسيف بكره بيطلع
شهد : اها الحمدلله
طلال : تبين شي بدخل اشوف سيف
شهد تصرخ : ططلالل
طلال مايدري ينفجع ولا يفرح : ياعيون طلال
شهد انحشرت مادرت وش تقول : ابيك توقف السياره يارا ماعرفت توقفها
طلال: بس ؟ ابشري تعالي
ويروح طلال مع شهد وهو طاير من الفرحه ويحس انه فوق السحاب وشهد متوتره وماعرفت وشي تسوي وترسل ليارا
زهر عند سيف تبكي : السيف ي عيوني مابي شي من الدنيا الا انت وتقرب منه وتمسك يده
سيف قلبه بدأت تتسارع نبضاته
زهر: تكفى يالسيف انتبهلي عليك
وبتفك يدها بس السيف يشد ع يدها ويفتح عيونه
زهر توترت ونبضاتها تسارعت : انا بس جيت...
سيف يبتسم ونسى الألم : انتي الزهر اللي الكل يتكلم عن حنيتها ؟
زهر تتوتر وتفك يدها من يده وتطلع بسرعه وماحست بنفسها الا برا المستشفى وتتذكر وتتصل ع شهد
سيف يبتسم ويكلم نفسه : انا من يوم شفت عيونك يالزهر اول مره مانسيتها والحين وش يخليني انسى كلامك اللي نزل مثل الدواء ع جروحي
شهد : اختي تتصل لازم ارد
طلال صافن فيها وكأنه نسى الكلام
زهر صوتها متوتر : بنت وينكم ؟
شهد متوتره اكثر منها : انا مع طلال ولد خالتي حليمه قلت له عن يارا ماعرفت توقف السياره بالمواقف
زهر فهمت ع شهد : اها طيب خلاص انا طلعت وانتظركم برا
شهد : طيب جايينك
شهد تطالع طلال: انا اسفه تعبتك معي بس اختي جايه ماعاد يحتاج نوقف السياره مره ماادري كيف اعتذر منك
طلال وهو ماوده يروح : لا عادي مايحتاج تعتذرين بس الوقت متأخر تبون ارجعكم انا ؟
شهد : لا عادي مابنتعبك معنا روح عند اخوك اكيد يحتاجك بشي
طلال : طيب انتبهوا لأنفسكم وتصبحين ع خير
وتمشي شهد ويتذكر طلال الورقه اللي كتبها لها وماامداه يعطيها
طلال: شهد انتظري
شهد : هلا !
طلال متوتر ومبسوط : من وقت العشاء ابي اعطيك بس ماجات فرصه اكثر من ذي ويعطيها الورقه ويمشي بدون مايلتفت عشان مايمديها ترجعها له
شهد تضحك: وش ذا المطفوق
يارا تدق بوري : يللا ترى من اول اراقبك انتي وهالمجنون ذا
شهد ميته ضحك : يللا زهر تنتظرنا
زهر تحط يدها ع قلبها : ليكون سمع كل شي ياويلي انا وش سويت
تجيها يارا
شهد بالسياره : يللا اطلعي امي داقه فوق المية مره
*************
انتهى البارت ورح تكون البارتات الجايه تطور الحب 💌
نجمه وكومنت تشجعني اكمل 🤝