جيتي مثل ربيع ازهر بقلب السيف بُستان

البارت الثاني والاربعين

عند ام زهر يدق جوالها
هلا حليمه
ام رامي: هلا فيك يللا تجهزي بنمرك انا وسيف شهودتنا ولدت والحمدلله هي والبيبي كلهم بخير
ام زهر : الححمدلله والله اني كنت حاسه انها بتولد بعد زواج يارا
سيف يكلم طلال : الف مبروك والله يجعله من البارين الصالحين
طلال : اللهم امين وترى سميته فهد
سيف : نناديك ابو فهد ولا ننتظر
طلال: ايه من الحين نادني ابو فهد ويضححك
....................
عند يارا وعبدالعزيز
عبدالعزيز يطالعها بكل حب ويلمس وجهها: هو حلم ولا حقيقه ؟
يارا تضحك والنرجسيه ذابحتها : يمكن حلم ؟
عبدالعزيز يحضنها : اجل ماابي اصحى منه اذا حلم
يارا تستفزه: والحادث حلم ولا حقيقه؟
عبدالعزيز يضحك: الحمدلله ع الحادث اللي وصلك لعندي
يارا تبوسه : اححب اليوم اللي شفتك فيه يانصيبي الحلو
عبدالعزيز : متأكده ؟ اجل ليه كنتي كل ماشفتيني هاوشتيني
يارا: هذا هوشات العاشقين وتضضحك
عبدالعزيز يلعب بشعرها: تدرين انك حلوه؟
يارا بغرور : اييه حلوه وحبيبي حلو بعد وتبوسه
عبدالعزيز ضاعت علومه ويقرب بيبوسها بس دق جوال يارا
يارا تضححك: خيرها بغيرها حبيبي وترد
ليان: ماابي اشغلك بس ببشرك شهوده جابت فهد
يارا مبسسوطه: الحممدلله المطافيق صار عندهم ولد ان شاء الله مايطلع عليهم
ليان تضحك: يللا قلت ابشرك ارجعي لعزوزك وتقفل
عبدالعزيز ماشال عيونه عنها
يارا تقرب وتعطيه بوسه: وش فيه حبيبي سرحان؟
عبدالعزيز : واللي يشوف عيونك وشعرك الكيرلي والشامه فوق حاجبك  مايسرح ويضيع عقله ؟
يارا استحت: بس عاد عزوزي
عبدالعزيز : عزوزي ؟
يارا : اييه عزوزي وحقي ومن الحين اقولك لو طالعت عيونك غيري بطلعها لك واحطها بيدينك
عبدالعزيز يضححك: انتي حبيبتي ولا سفاحة؟
يارا : اييه انت ماتعرف اذا غرت اقلب سفاحه
عبدالعزيز يحضنها : وهالعيون مارح تشوف غيرك واذا شفت غيرك طلعيها لي
...................................
عند زهر وسيف
سيف ماسك عياله ويلعبهم
زهر تسوي نفسها زعلانه : طلعت انت اللي سحبت علي وصار كل الوقت لعيالك
سيف يضحك ويقوم ويعطيها بوسه : يششهد الله ان حبهم من حبك ولا انا اقدر اسحب ع زهرتي؟
زهر تبوسه وتبوس جياد وجيان : الله لايحرمني منكم ويخليكم لي
سيف يحاول يستفزها : هاه ماودك تجيبين اخوان لهم
زهر تضربه : كنت رح اموت وانت لسى تبي غيرهم خلاص هم وبس
سيف : بععيد الشر عنك وجعل يومي قبل يومك وجياد وجيان عندي بالدنيا كلها جبتي لي اثنين ازهروا قلبي مع امهم
زهر :الله لايحرمني منك وترى ابوي يبينا نطلع كشته كلنا لأن الاجواء بدت تزين وش رايك؟
سيف : ماعندي مانع ومن زمان ماطلعنا كلنا
زهر: اييه بس هالمره معانا بزاريننا
سيف يضحك :الحمدلله عليهم والحمدلله ان العائله صار فيها احفاد
زهر : خليك شوي معاهم بكلم شهد وليان اذا بيجون من الشرقيه
سيف : بعيوني خذي راحتك
................
عند شهد وطلال
شهد: كبر فهودي صار عمره شهرين
طلال : الله يعطيه طولة العمر وتشوفينه عريس بعد ( ويبوس فهد)
شهد: ومافي بوسه من هنا ولا هنا لأم فهد
طلال يبوسس خدها بقوه : ام فهد لها كل شي حتى عيوني
شهد: الله يخليك ليي ياحبيبي ويدق جوالها وترد
زهر: هلا شهد كيفك وكيف فهودي اشتقت له
شهد: هلا فيك بخير ويسلم ع خالته بعد
زهر: بعد عمري طيب انتي وليان بتجون ؟ ابوي يبي نطلع كشته يوم الجمعه
شهد: ايه كلمني وكلم طلال وان شاء الله بكره جايين
زهر: ليان كلمتك ؟ ماترد علي
شهد تضحك: مع انها قالت تبي تفاجئكم بس بقولك لولي حامل
زهر: اسألك بالله ! الحمدلله ياعمري بتصير الام الكيوت
شهد : الحمدلله وكيف حبايب خالتهم
زهر : بخير وتغيرت حركاتهم عن قبل
شهد: الله يعينك انا واحد وتعبت
زهر تضحك: ماعليك سيف وخالتي يساعدوني فيهم
شهد: بعطيكم فهد بعد
زهر: وطلال بيرضى
شهد : موب كيفه وتضحك
زهر: طيب تبين شي ؟ اسمع جيان تبكي
شهد: سلامتك حبيبتي وبوسي لي  عيون جياد وجيان
طلال يغني : فهودي فهودي حب بابا وخلي ماما
شهد تشد اذنه : هو وابوه يحبوني غصب عنهم
طلال يضحك : والله اني احححبك بس فككي اذني
شهد: اييه كذا ياطلولي وتضححك
.................
عند رامي وديم
رامي: شايل ميان ويتمشى فيها بالبيت كله ويوريها امها بالمطبخ تسوي قهوه ( هذي ماما اللي خلت ابوك يهوجس فيها شهور )
ديم تضححك: قصدك اللي عذبتها معك
رامي يقرب من ديم ويبوسها: ياحبيبتي وزوجتي وام بنتي
ديم ترجع تبوسه: وهه حبيبي اللي باكله هو وبنته وتضحك
رامي يضحك: طيب عمي كلمني يقول فيه كشته يوم الجمعه ولازمم نروح
ديم: اييه ماعندي مانع من زمان مااجتمعنا
.....................
عند انس وياسمين
انس صار بس مقابل ورد بنته
ياسمين تضربه ع راسه : كل مانامت صحيتها خلها ترتاح بنومتها
انس يضحك: طيب اشتقت لها ابيها تصحى
ياسمين تزعل: وامها مالها نصيب من الشوق ؟ ولا اروح عند امي لين تشتاق لي
انس يحط يدينه حوالينها: انتي لو رحتي للمطبخ  وطولتي اشتاق لك كيف تقولين بتروحين لأمك وتتركيني
ياسمين تضحك ع خفيف : انت ليه كذا كذاب ؟
انس : والله اني مااكذب ويبوسها انتي ياسمينة قلبي كيف مااشتاق لك
ياسمين تضحك وتبوسه : ياحبيبي انا اعرفف وانت لو تقول البحر اصفر صدقتك
انس يضحك: والله اني محظوظ فيك ياام ورد
ياسمين : انا اللي محظوظة فيك يااحبيب قلبي
.................
عند نايف ودانه
نايف ينسدح جنب سعود : هاه يشبهني ولا كرهتيني وقت الوحام عالفاضي
دانه تضحك: هذا المفروض اسمه نايف الصغير
نايف : نبي بعد دانه الصغيره
دانه : لا ويه مو الحين بعد اقل شي ٥ سنين كنت رح اموت
نايف يبوسها من جبينها : بعيد الشر عنك
دانه: الله يخليك لي يانايف
نايف: الحمدلله انك انتي ام ولدي وزوجتي
دانه تبتسم وتسحب خد نايف : والحمدلله انك انت حبيبي وزوجي وابو ولدي
...................
عند وليد وليان
ليان متسطحه وتعبانه
وليد يجلس جنبها ويحط يده ع راسها: تعبانه اوديك المستشفى؟
ليان تمسك يده: لا احس بس بكسل حبيبي مافيني اقوم مكان
وليد يضحك ويبوس يدها: تبيني اشيلك ؟
ليان تضحك: بس عاد مو لهالدرجة
وليد : والله ماامزح اذا تبين تروحين مكان بشيلك
ليان : حبيبي الحنون ابي اقوم اسوي لك شي تاكله جيت من الدوام ومااكلت شي
وليد : والله ماتقومين اكلت انا بس تبين اجيب لك شي؟
ليان : لا حبيبي ماابي شي بس خليك جنبي
وليد: وانا جنبك حبيبتي ومارح اروح مكان
ليان: ابوي كلمك؟
وليد: ايه بس ترى قلت له اذا ماجينا اعذرنا
ليان: لا عادي بنروح اصلا ابي اقولهم خبر حملي
وليد : الله يتمم هالحمل وتقومين بالسلامه
ليان: تبي بنت ولا ولد؟
وليد: والله اللي يجي من الله حياه الله اهم شي انك انتي امه وانا ابوه
ليان تبوسه: الحمدلله اني حبيتك يااحن قلب
وليد: والله اني ماتعلمت الحنيه الا منك يابعد روحي انتي
.......................
عند عبدالعزيز ويارا
يارا بدلع : انا زعلانه منك ياعزوزي
عبدالعزيز : افا وانا اقدر ازعلك او اتحمل زعلك ؟
يارا : اجل عطني بوسه وارضى عليك
عبدالعزيز اطول منها وينزل لها ويعطيها بوسسه : هاه رضيتي ولا باقي ؟
يارا تحط يدينه حوالين رقبته: لا لسى زعلانه دوامك ماخذك مني
عبدالعزيز يضحك: بس كذا يلعن ابوه دوام بطلنا
يارا تضحك وتبوسه : نجحت بالاختبار كنت اشوف تختارني ولا تختار الدوام
عبدالعزيز : انتي دايما اول اولوياتي ولا ماتدرين؟
يارا تتدلع عليه : لا ماادري توني ادري معك
عبدالعزيز ضاعت علومه : انتي تبيني اجن فيك اكثر ؟
يارا: اييه وتضحك
عبدالعزيز يبوسسها  : هالعسل ماينطق الا عسسل وانا مجنون فيك
يارا تضحك : طيب ياحبيبي ابوي عازمنا يبي نجي يوم الجمعه مسوين كشته
عبدالعزيز : واحنا نقدر نرفض طلب ابو العسل ؟
يارا: بس عاد ترى ابطل اخليك تداوم
عبدالعزيز : ياليت والله ويضحكك
.............................
جات يوم الجمعه ويوم كشتتة العائله
بيت ابو رامي
ابو رامي يصررخ: ياطللال انت صرت اب وباقي تأخر الجمعه
طلال : جايك جايك يبه ليتني جبت شهد معي كنت سألتها اني مااخر الجمعه ولا الصلاه
ام رامي تضحك: اييه بنسألها بعد شوي
ابو رامي يضحك: يللا ياولدي
طلال : وسيف وينه ؟
ابو رامي : مو مثلك قد راح اول الناس
طلال : ماشاء الله الله يزيده ثبات واجر
ام رامي: شهد بتمشي معنا بنفس السياره ولا مع امها واخواتها؟
طلال : قالتلي ان عمي هو اللي بيسوق وبيوديهم كلهم بيسبقوننا
ام رامي: زين بروح اتجهز واصحي اخواتك ناموا عندي اليوم
طلال : قولي لهم يكلمون انس ونايف اني انا بوديكم مايحتاج نكثر سيارات واحنا عائله وحده
ام رامي: ان شاء الله
وتنزل دانه وبيدها سعود وتتكلم بصوت صغير: ثباح الخير خالو طلال
طلال ينط وياخذه من يد دانه: ياحبيب خالو انت ويبوسه وهو يضحك
ابو رامي يصرخ : طلللال انت ماتبي تصلي يعني ولا شلون
طلال يعطي دانه سعود ويكلمه : جدك عصبي لاتطلع عليه ويروح
دانه تضحك: ع اساس انت طالع منها
ياسمين نازله ومعاها ورد : يمه امسكيها والله اني مانمت زين بسببها
ام رامي : هاتيها حبيبة جدتها وش فيك معصبه عليها
ياسمين: كلها من انس كان يدلعها والحين ماتبي تنسدح تبيني اقعد شايلتها
دانه تضحك: خليها تتدلع حبيبة خالتها
.................
عند ابو زهر
ابو زهر : يللا يبانات اجهزوا وبعد الصلاه ع طول باخذكم ونروح المزرعه
شهد : يبه ماتبي رجال يساعدك بالمزرعه وتأشر ع فهد
ابو زهر يشيله ويبوسه: ياقلب جدك تبي تساعدني الله يجعلني اشوفك ضابط وعريس
شهد: اممين يبه وتزفه انت بعد
يارا تجي وتشيله: فهودي حبيب خالتو وهه انا الخديدات
ام زهر : هاه بنات جهزتوا كل شي ؟ ابوكم قال بنروح بعد الصلاه ع طول
ليان جايه وواضح فيها التعب: وين جياد وجيان
زهر جايه من وراهم : هاه يمه شفتي يسألون عن عيالي ومايسألون عني وتضحك
شهد: اييه خلاص انتي انسحب عليك مثلي يسألون عن فهد قبلي
ام زهر تضحك: ايه قالوها مااعز من الولد الا ولد الولد
يارا تضحك: ومااعز من الاخت الا ولد الاخت
شهد: يمه وش تبين نجهز غير؟
يارا بصوت عالي: خذي شاهي تسوين لحبيبك مثل الايام الخوالي
شهد تضححك: انتي يعني لسى لسانك طويل بس اكيد بسوي الشاهي لحبيبي
ام زهر تطالعهم والدموع بعيونها: ماهقيت يجي هاليوم وانا عايشه الحمدلله ان بناتي مبسوطين ومرتاحين
زهر: يمه لاتبكين والله يطول بعمرك وتشوفين هالاحفاد متخرجين ومتزوجين بعد
......................
عند ام نايف
ابو نايف : وين وليد ؟ باقي ماخلص؟
انس : يبه ولدك ذا مابيعقل ابداً
يجي وليد من وراه ويضرب راسه : خلينا العقل لك
انس يضحك: ايه وعندك شك يعني اني مو عاقل
نايف: خلاص عاد وش فيكم اسكتوا ويللا عالمسجد
ام نايف: بتمروننا بعد الصلاه ع طول؟
نايف : ايه يمه عشان مانتأخر
ديم تجي ومعها ميان ويركضون خوالها
انس : وه ياروح خالك انتي تبين اشيلك
ديم ماسكه ميان ونايف ووليد وانس حولها : ميان خوالك عزوه صح
وليد: اييه عزوتها خوالها وعمانها بعد
ديم تضحك: الله يخليكم لي
نايف يكلم ميان: هاه تبين سعود ولا ماتبينه من الحين
ديم: بخليها تختار اللي تبي وتضحك
انس: ايه عاد لو جبرتيها ع شي انا بوجهك ويضحك
اابو نايف بصوت عالي : ياعيييال تأخرنا
وليد يبوس ميان: يللا بنروح نصلي ياحبيبة خالها
**********************
انتهى البارت ماقبل الاخير ⭐️