جيتي مثل ربيع ازهر بقلب السيف بُستان

البارت الثامن والثلاثين

عند الرجال
طلال جاي ويعرج
انس: جاكم الخفيف
طلال : اسكت نسيت نفسك يوم اخذت ياسمين
وليد يضحك: خلاص لايبدأ هواشكم ابوي وابوك ينتظرون تجي نتعشى
طلال جلس وسرح بشهد
سيف يدقه: وش فيك ؟
طلال يضحك ولا شي؟
تعشوا وكل واحد راح بيته وناموا لان وراهم ملكة وليد وليان
.................................
يوم ملكة وليد وليان
وليد متحمس انه بيقدر يقول لليان اللي بخاطره
كتبوا الكتاب وجاء وقت دخول وليد لليان
ليان كانت لابسه وردي وملكة الكياته منجد وشعرها بني
وليد دخل وشافها وماعاد قدر ينطق بحرف واحد ضاعت علومه بجمالها ودلعها وشعرها البني
ليان تبتسم له : انت ماتتكلم؟
وليد جاته لحظة ادراك: يازينك وزين هالابتسامه
ليان طبعها خجول وتتلعثم: يوم ماعاد رديت ع رسالتي فكرتك اهملت مشاعري
وليد: لا والله اني من يوم عطيتيني الورقه وشفت الدموع بعيونك ماقدرت اطلعك من بالي
ليان: ايه وبعد؟
وليد متوتر مايعرف يعبر عن مشاعره: يانصيبي الحلو من كل شي حبييتك ووقعت في حبك مرتين ورح احبك طول العمر وابيك معاي ماتفارقيني موافقه؟
ليان تبتتسم وتحط عيونها بعيونه: اي موافقه اذا بعيش معاك وبقربك وبحبك اييه
وليد يمسك يدينها: عرفت الحين معنى الحظ الحلو
ليان : انا عرفته من اول ماشفتك وتضحك
وليد: والله اني غبي ماانتبهت
ليان: اييه عذبتني معك
وليد : ياجعلني اخذ عذابك اوعدك احبك كل يوم اكثر
ليان تبتسم له وهي الارض مو شايلتها
.................................
بعد مرور اسبوعين
باقي يوم بس ع زواج شهد وطلال رح يكون زواجهم بنفس الليله مع ليان ووليد
يارا طالعه بسيارتها بتمر زهر وبتروح تاخذ فستانها ودته للخياط يعدله
وقفت يارا عند باب عمها فايز وبتمسك الجوال تكلم زهر الا وتقابل عبدالعزيز اللي صدمته وتفكره لحقها وعرف مكانها
وتنزل من السياره : انت وش جايبك هنا ؟ ليكون تلحقني لسى اذا انت الغلطان انا مسامحتك بس روح قبل يشوفك احد انا ماقلت لهم اني صدمت بسيارتي
عبدالعزيز يطالع البنت اللي مانساها ويبتسم : هذا انتي
يارا : وش فيك مهبول انت وش اللي يضحك يعني ؟ امش الحين قبل اصدمك انت هالمره مو سيارتك
عبدالعزيز حب يارا مع انه ماشافها غير مره : طيب بس انا جاي هن....
تقاطعه يارا: ايه جاي هنا تلحقني مسوي تهددني ترى ماتهمني هدد لبكره انا محد يخوفني واذا مامشيت بدق ع الشرطه
عبدالعزيز يعطيها جواله: امسكي دقي عليهم وانا بقول لهم التقرير حق الحادث ان الغلط عليك ٨٠ بالميه
يارا : شفت يعني انت الغلطان عندك ٢٠ بالميه
عبدالعزيز يتأملها
يارا تأشر بيدها : خيير وش تطالع ؟
عبدالعزيز يضحك: ولا شي بس اول مره اشوف وحده حلوه ولسانها اطول منها
يارا : ايه وهذا انت شفتها وش المطلوب يعني
عبدالعزيز يطالعها ويروح يدق باب بيت ابو رامي
يارا تجي بسرعه وتمسك يده : انت وش تسوي ؟ تبي تشتكيني يعني ؟
عبدالعزيز ساكت وماتكلم بس يبتسم ع كلامها وحركاتها
يارا: ياربي هو انا ناقصه مجانين بحياتي وتطالعه
سيف يفتح الباب : هلا بعبدالعزيز ويسلم عليه
يارا انحرجت ومادرت وين تودي نفسها ودها الارض تنشق وتبلعها
سيف يطالع يارا : هلا يارا تفضلي
يارا من التوتر دخلت بسرعه بدون اي كلمه
عبدالعزيز يكلم نفسه طلع اسمك يارا
سيف : تفضل حياك
عبدالعزيز: لا والله ماقصرت لسى عندي رحله بعد ساعتين بس جيت اعطيك امانتك
سيف : والله وانا اخوك مابي شي الا سلامتك
عبدالعزيز : هذا حقك ومحد له منه عليك خذه وانا اخوك وريحني وريح ابوي بقبره
سيف: والله ان ماودي انك سويت هالحركه قلت لك اني مابي شي وعفى الله عما سلف
عبدالعزيز : انا اعتذرت منك قبل بس بعتذر منك مره ثانيه ع اللي سواه راشد معك بس بزر وبلحظة غضب
سيف: والله اني مسامحه ولا ابي شي
عبدالعزيز : تامرني بشي ناقصك شي؟
سيف : لا والله سلامتك وتعنيت لبيتي وماتبي تدخل
عبدالعزيز : مره ثانيه ان شاء الله ويطالع سيارة يارا ويبي يعرف وش علاقتها بسيف .. اختك نست سيارتها شغاله
سيف يضحك: بنت عمي واخت زوجتي الحين بتطلع مايحتاج تطفي السياره
عبدالعزيز ياخذ نفس : طيب فمان الله ويطلع سيارته ويمشي وهو ناسي قلبه عند يارا ام لسان
وتطلع يارا ومعها زهر وتتلفت
زهر: وش فيك كأنك حراميه تمشين وتتلفتين
يارا: هاه ولا شي تبين اوصلك البيت ولا تروحين معي ؟
زهر: لا وش يوديني معك تعبانه مالي حيل نزليني عند امي
يارا نزلت زهر وراحت لوحدها واخذت فستانها من الخياط القريب من حارتهم بس صادفت عبدالعزيز عند البقاله المقابله للخياط للمره الثالثه وهي النرجسيه فكرت انه لحقها وهو مننجد ماكان يلحقها كان ياخذ اغراض من البقاله
عبدالعزيز حط الاغراض بالسياره وباقي ماانتبه ليارا وبيجي يطلع سيارته ويشوفها تطالعه وتخزه
عبدالعزيز ضحك ويقول شكل ام شعر كيرلي بتهبل بي ويأشر لها بيده يعني وش فيك تطالعين؟
يارا خزته وطلعت سيارتها ومشت
عبدالعزيز : وش هالحلوه اللي بتخليني اهوجس فيها
يارا : ياربي وش هالمريض ويقول انه مايطاردني
.......................
يوم الزواج
كانوا حوامل بنات ال ضاري دانه وزهر وياسمين وديم
وشهد كان فستانها ماسك وكله لؤلؤ
ليان كان فستانها اوف وايت ساده واكمام نازله والطرحه مليانه شك وتطريز
طلال كان رح يطير من الفرحه
وليد ماكان يعرف انه منجد حب ليان الا بعد فترة الملكه صارت كل حياته ليان
ام زهر وام رامي وام نايف كلهم قضوها مناحه ع عيالهم لان بعد مايرجعون من شهر العسل بيروحون الشرقيه
ابو رامي وابو زهر وابو نايف عاجبهم ان عائلتهم بتكبر
...............
مرت الايام وصار لهم ٦ شهور متزوجين
دانه صارت ام سعود رسميا صار عمره شهرين ونايف صار ابو سعود
ياسمين في المستشفى بتولد
زهر تعبانه ببداية التاسع وبطنها كبر
سيف يحط يده ع بطن زهر: ماودكم تطلعون عذبتوا امكم وعذبتوني بعذابها
زهر : بس ترى يقولون انهم يسمعون
سيف يضحك: ايه من الحين يازهر صررتي تحبينهم اكثر من سيف
زهر تبوسه : مافي احد يقدر يقلل حبي لك ياسيف ولا بتغار من عيالك
سيف : ايه ع حسسب معاملتك لي اذا جو
زهر تضحك: ماكنت ادري انك منجد تغار
سيف : ايه اغار ولاتحبين احد اككثر مني
زهر: ولا حتى عيالك؟
سيف: اييه حتى عيالي ويضحك بروح دوامي اذا حسيتي بألم كلميني
زهر: استودعتك الله ياحبيب عمري
سيف يبوسها ويروح
زهر تتنهد: ماابي اقولك اني اتوجع وتبطل تروح دوامك
.........
عند ياسمين وانس
ياسمين تصرخ وتبكي
انس قلقان عليها : يارب تقوم بالسلامه
ام رامي : روح ارتاح من امس وانت هنا انا بقعد معها
انس: لا ياخالتي مابروح واترك ياسمين
ام رامي: الله يقومها بالسلامه هي والبيبي
انس يحط يدينه ع وجهه ويدعي لها
...............
بالشرقية عند شهد وطلال
شهد حامل بالشهر الرابع
طلال: وش تبين اجيب لك؟ مااكلتي شي من يومين بس ع سوائل
شهد : حبيبي والله ماابي شي انت روح دوامك لاتشيل همي
طلال يحضنها : لا والله مابروح وانتي تعبانه ولونك شاحب
شهد ترفع راسها وهي بحضنه : اححبك
طلال يبوسها: انا اللي احبك واعشقك
شهد تحضنه اكثر: جعل يومي قبل يومك ياطلال
طلال : بعيد الشر عنك لاتقولين هالكلام تعرفين اني مااقدر اعيش بدونك
شهد تتدلع: ططلولي
طلال: ياعيون طلولك انتي امريني
شهد: مشتهيه شوكولاته بالبندق
طلال يفز: بسس ؟ اجيب لك مصنع شوكولاته بالبندق لو تبين
شهد تضحك: لا ابي واحد مابي مصنع جيبه لي مشتهيته
طلال ماعرف وش النوع وراح
شهد: الله يخليك لي ياطلال
...............
عند وليد وليان
ليان تحضن وليد : ابي توديني عند شهد
وليد: غالي والطلب رخيص روحي تجهزي وبنزلك عندها قبل اروح دوامي
ليان تبوسه : الله لايحرمني منك وتروح تتجهز
وليد : والله ان حبي لك يزيد كل يوم
طلال يدق ع وليد: الو هلا وليد
وليد : هلا فيك هاه مستعد للدوام
طلال : ايه طلعت اجيب لشهد اغراض وبداوم بعدها بس ابي اقولك اذا تقدر تجيب ليان عند اختها احسها تعبانه وماتبي تقول لي
وليد : عمرك طويل اصلا كنت بجيبها ليان تبي تزور اختها
طلال : الحمدلله كذا اقدر اتطمن عليها
يروح طلال لشهد وجاب جميع انواع الشوكولاته بالبندق
شهد: وش كل ذا ياحبيبي
طلال : ماعرفت النوع اللي تبينه
شهد تطالع فيهم وتزعل: كلها مو اللي ابيه
طلال : وليه الزعل ياعمري الحين ادور لك النوع اللي تبينه وريني صورته
شهد : لا خلاص حبيبي والله
طلال يجلس جنبها ويلف يدينه عليها : وش خلاص لو تبين عيوني طلعتها وعطيتك وريني وش تبين ولا اطلعي معي تاخذين اللي تبينه
شهد : والله تعبانه مالي حيل اوقف بس خلاص والله ماعاد لي نفس فيه
طلال : شهوده تبين ولدنا تجيه وحمة شوكولاته ؟
شهد : طلال قرب شوي
طلال مستغرب ويقرب وتعض شهد خده
شهد تضحك : اشتهيت اعض خدك
طلال يبوسها من شفايفها: وانا كلي لك طيب
شهد : بس عاد روح لاتتأخر
طلال يضحك: لو مو اختك بتجي كنت سحبت ع ابو الدوام وقعدت معك
شهد: وه ياقلبي انا اللي بيجلس معي
يدق الباب ليان جات
يطلع طلال ويقابل وليد : هههلاا بوليد
وليد: هلا فيك هاه كيف دوامك
طلال: والله الحمدلله وانت؟
وليد: الحمدلله والله تبي نروح نهاية الاسبوع للرياض ؟ اشتقت للاهل
طلال: والله وانا بعد اشتقت لامي وابوي
وليد: اجل شوف الوضع وقولي لي عشان اتجهز
طلال: ماعندي مشكله الا اذا شهد تعبانه مااقدر والله
وليد: شوف وقول لي
**************************